FiloBlogia

Ricardo Gómezen bloga

Mezua: Leizarragaren faksimilea sarean

2008-01-25

20:18:30, Atalak: Filologia, Internet, Liburuak, Euskararen_historia

Leizarragaren faksimilea sarean

Arestian jakin genuen Euskaltzaindiak Leizarragaren Testamentu Berriaren ale bat erosi zuela, Sotheby's enkante etxe britaniarrarekin akordio batera iritsi ondoren.

Oraingoan, Eusko Ikaskuntzak eta CAN-Nafarroako Kutxak sarean jarri dute bigarrenak 1995ean erosi zuen Leizarragaren Testamentu Berriaren alearen faksimilea.

Leizarragaren Testamentu Berria

Egia esanda, Euskomediako orri baten bidez sareratu dutena (entzuteko musikaz aparte), bi PDF artxibo izan dira: batetik, Testamentu Berriaren faksimilea (PDF, 102 Mb) jaitsi daiteke eta, bestetik, iaz faksimilea liburu gisa argitaratu zenean Leizarragaren testua lagundu zituzten honako lau ikerketa hauek (PDF, 756 Kb) jaitsi daitezke.

Fernando Pérez Ollo: "El ejemplar regio de un libro real"
Xabier Kintana: "Gure Testamentu Berriaren aurretiko zaharrak"
Henrike Knörr: "Joanes Leizarraga: vida y obra"
Txomin Peillen Karrikaburu: "La Réforme: un humanisme"

Leizarragaren testua sareratzeko lan handiegirik ez dute egin, bistan da. Hala ere, eskertzekoa da hain testu baliagarria denon eskura izateko aukera ematea.

Iturria: