FiloBlogia

Ricardo Gómezen bloga

Mezua: BINADI: Nafarroako Liburutegi Digitala

2007-11-01

17:45:09, Atalak: Argitalpenak, Internet, Liburuak, Euskararen_historia

BINADI: Nafarroako Liburutegi Digitala

Denbora asko ez dela eta, dirudienez, publizitate askorik egin gabe, sortu da BINADI - Nafarroako Liburutegi Digitala.

Bertan, egun, 120 liburu daude, baina horietarik bi baino ez daude euskaraz idatziak (Axularren Guero eta Elizalderen Apezendaco dotrina) eta beste bi, nola edo hala, euskarari buruzkoak (Oihenarten Notitia eta Perocheguiren Origen de la nación bascongada y de su lengua).

Erabili duten teknologiari dagokionez, ez zait iruditu ondoegi eginda dagoela. Batetik, Firefox nabigatzailea erabiliz gero, arazoak daude eta, bestetik, nola ez, liburuak orrialdez orrialde ikusi behar dira eta ezin dira osorik jaitsi, Sancho el Sabio Fundazioaren Liburutegi Digitalean bezalatsu, baina irudi txikiagoekin gainera.

Eta, amaitzeko, haluzinatzeko datu bat: digitalizatu duten orrialde bakoitzaren erdian BND sigla sartu dute eta beheko aldean honako esaldi hauek:

Se autoriza la copia para investigación
© Gobierno de Navarra

Copyright!! Baina ez al dira jabetza publikoko liburuak?

Honen antzeko kritika gogorrak irakurri ditut egunotan, El Prado Museoaren webgune berrian sartutako irudiak direla-eta.

Iturriak:

Nolako aldea dagoen goiko digitalizazioaren eta Klasikoen Gordailuak egiten duen lan eskergaren artean: Axularren testu osoa pantailan, RTF eta PDF formatuetan eta faksimilea. Eta hori guztia irudiak zikindu gabe eta, ziur nago, askoz diru gutxiago gastatuz!

Zabaldu•

Bildu•

Twitter• Permalink-a • 3 erantzun

Erantzunak, Pingback-ak:

Bidaltzailea: Ekaitz Santazilia [Kidea] · http://www.blogari.net/euskofilia

Aupa!

Nafarroan beti berdin gabiltza. EAErekin elkarlanean ez aritzeagatik Nafarroak dena BERE erara eta BERETZAT egin behar du, gainera beti berrikuntza handiena balitz bezala saltzen digute, anitzetan bestelako lekuetan denbora nahikotxo daramaten gauzak izanik. Hona adibide garbi bat.

2007-11-01 @ 21:09

Bidaltzailea: Blanca Urgell [Bisitaria]

Ehuneko 1,3a euskarari eskaini, eta gainera kexatu egingo gara. Gu bai esker txarrekoak!
En pin: seriotan esanda, ados nator Ricardo eta Ekaitzekin gauzak egiten hasiz gero ondo egitea espero behar dela, eta aginte publikoei eskatu ere eskatu behar diegula. Halere, uste dut poztekoa dela kontuak eskura jartzea (Axular eta Elizalde, ez dira eta makalak!) eta, beraz, eskerrik asko, Ricardo, beti bezala aurren ibiltzeagatik honelako berriak helarazten hain beharrak garenoi.

2007-11-10 @ 20:37

Bidaltzailea: Txopi [Bisitaria] · http://www.ikusimakusi.net/eu/

Arrazoi osoa daukazu! Zoritxarrez entitate publikoek gutxitan egiten dute ezer software librearen alde, copyleftaren alde edo jabetza publikoa zaitzearen alde. Eta orain gainera hau. Lotsagarria.

Eskerrik asko honetaz konturatzeagatik eta guztioi jakinarazteagatik :-)

2008-01-23 @ 10:27