FiloBlogia

Ricardo Gómezen bloga

Mezua: Espainiako unibertsitate-ikasketen dekretua argitaratu da

2007-10-27

23:06:42, Atalak: Unibertsitatea/Irakaskuntza, Aipuak

Espainiako unibertsitate-ikasketen dekretua argitaratu da

Espainiako Hezkuntza Ministerioak (azkenik!!) Real Decreto por el que se establece la ordenación de las enseñanzas universitarias oficiales izeneko agiria argitaratu du, ministroek atzoko bileran onartu ondoren.

Dekretu honek bi helburu ditu: batetik, Espainiako unibertsitate-ikasketek aurrerantzean izango duten egitura antolatzen du, Europako Goi Mailako Hezkuntzaren Esparruari egokitzeko asmoz; bestetik, unibertsitate-tituluak diseinatzeko eta balioztatzeko irizpide nagusiak arautzen ditu.

Hartara, unibertsitate-ikasketek hiru ziklo izango dituzte:

Graduak: 240 kreditu izango dituzte eta, beraz, lau urtez iraungo bide dute.
Masterrak: 60-120 kreditu bitartean izan ahalko dituzte.
Doktoregoak: sarbide mota desberdinak onartuko dira eta, azkenean, doktorego-tesia aurkeztu beharko da; nolanahi ere, doktorego-zikloaren barruan, heziketa-aldi bat eta ikerketa-aldi bat bereiziko dira.

Tituluak egiaztatzeko prozedura ere zehazten da. Tituluak sei urterik behin gainditu beharko dute ebaluazio prozedura bat, akreditazioa gordetzeko; ebaluazioa gaindituko ez balute, ofizialtasuna gal lezakete eta desagertzeko arriskua izango lukete.

Lotutako sarrerak: