FiloBlogia

Nik neuk ez dut arazorik nire izen abizenak denen aitzinean agertzearekin, baina uler dezaket egon daitekeela hori nahi ez duen inor, ikasgai batean ateratako kalifikazioa ez baitzaio jabeari baino inporta.

Halere, izenaren ordez NAN zenbakia agertzearekin aski dela uste dut (kode arrarorik gabe), ez baitzait iduri inor ibiliko denik jendearen NAN zenbakiak apuntatzen gero notetan kuxkuxeatzeko!

Nike eskertzen dut internetez gain notak horman egotea, batzuetan ez baituzu sarean sartzeko aukerarik, eta usu nota ikusi eta irakaslearekin egin biak aldi berean egin dezakezulako.

Izenak ez agertzeak badu bere desabantaila, izan ere, batzuetan pertsona ba joaten da fakultatera notak ikustera eta bere ikaskideenak ere apuntatzen ditu ahal bezain laster eta bertaratu gabe ikaskideek nota jakin ahal izateko. NAN bidezko sisteman hori ez da posible.


PD: bejondeiela bi euskaltzaingaiei!

Nik ez nituzke tabloietatik notak kenduko. Izen-abizenak agertzea egokia ez bada, NAN-a nahikoa dela esango nuke, baina horrek ere ez badu balio, eta kode bereziren bat erabili behar bada ere, ona iruditzen zait azterketa jakin batean egon diren kalifikazio guztiak zein diren ikustea.

Jakinmin hutsagatik, agian, baina niri behintzat gustatzen zait orokorrean taldea (nota bakoitza norena izan den jakin beharrik gabe) nola moldatu den ikustea, eta neure burua (onerako edo txarrerako) kokatzea.

Niri, pertsonalki ez dit inolako ondoezik sortzen nire kalifikazioak horma batean azaltzeak. Ulertzen dut, ordea, forma hau atsegin ez duen jendearen jarrera. Hala ere, afera ikasle eta irakasleen artean konpontzea ez dut horren zail ikusten.

Kurtso hasieran irakasleak galdeketa bat egitea nahikoa izango litzatekela deritzot, eta bere izena kortxoan ikusi nahi ez duenak esan diezaiola, notak era pribatuan jaso ahal izateko.

Oso interesgarriak agertu dituzuen iritziak.

Orain arte azaldutakoaren arabera, ondo ulertu badut, notak hometan jartzeari abantaila gehiago ikusten dizkiozue, ez jartzeari baino.

Batzuek NAN zenbakia jartzea aipatzen duzue, baina hori ere legez kanpokoa da, dirudienez. Eta legea dena guztientzat da lege, onerako edo txarrerako. Beraz, Anttonek aipatzen duen inkestaren soluzioa ez dut uste Eusko Legebiltzarrak onartuko lukeenik.

Mizpirak aipatzen dituen estatistikak eta bestelako datu orokor horiek ere erraz eskain daitezke baliabide elektronikoen bitartez eta ikasle guztien eskura jarri.

EHUko irakasle bakoitzak, esaterako, ikasleek egin dioten ebaluazioaren datuak eskuratu ditzake. Baina, horiekin batera, baita irakasgaien txostenak, kurtso-taldeenak, sailena, titulazioenak, ikastegienak eta EHUko txostena ere eskuratzeko aukera dugu. Hala, norberaren txostena beste zenbaitekin erkatu dezakegu.

Horrelako zerbait egin liteke erraz (honezkero ez badago, ez baitakit) ikasleen notekin ere, nik uste. Eta ikasleek beren notak erreferentzia askoren arabera erka litzakete.

Alta, bada puntu bat gutxiagotan aipatzen dena eta notak hormetan jartzeak bakarrik ahalbidetzen duena: hormetan egonik, irakasleok gainerako irakasleek jartzen dituzten notak ikus ditzakegu. Honela, adibidez, ikasle batek asignatura desberdinetan ateratzen dituen emaitzak konparatu ditzakegu (nirean nota baxua atera badu eta gainerakoetan altua, edo alderantziz, gaizki kalifikatu dut? zer gertatu da?); edo talde batek irakasle batekin edo beste batekin ateratzen dituen notak alderatu; edo irakasgai batean urterik urte atera diren notak parekatu, etab.

Ikasleentzat gainerako ikasleen notak, taldearen notak, jakitea garrantzitsua izan daitekeen bezala, irakasleontzat ere datu baliagarria da (beste arrazoi batzuengatik, jakina) gainerako irakasleek jartzen dituzten notak ezagutzea.