FiloBlogia

Ricardo Gómezen bloga

Mezua: Zein nota jarriko zenioke?

2007-09-19

19:09:21, Atalak: Unibertsitatea/Irakaskuntza

Zein nota jarriko zenioke?

Hizkuntzako irakasle batek honako galdera hau jartzen du azterketa batean: Zein dira euskal alfabetoaren letrak?

Baten batek gogoratzen ez badu, euskal alfabetoak 27 letra ditu eta hauexek dira:

A B C D E F G H I J K L M N Ñ O P Q R S T U V W X Y Z
Ikasle batek lehenengo 14 letrak bakarrik idazten ditu erantzunean, A-tik N-ra. Irakasleak pentsatzen du 14 erdia baino gehiago direnez ikasle horrek azterketa gainditzea merezi duela, eta "NAHIKOA" ematen dio.

Ados zaude irakasle honek azterketa zuzentzeko hartu duen irizpidearekin?

Iturria:

¿Donde está el aprobado?

Zabaldu•

Bildu•

Twitter• Permalink-a • 4 erantzun

Erantzunak, Pingback-ak:

Bidaltzailea: Patxi [Bisitaria] · http://patxitrapero.blogspot.com

Egin beharreko galdera litzateke: "zertarako" nahikoa?

Bistan da alfabeto erdia bakarrik jakinez jai izango duela ikasle honek eguneroko bizitzan.

Enperadore erromatarrarena eginez, nere hatz potoloa, beheruntz.

2007-09-19 @ 20:07

Bidaltzailea: asier [Bisitaria] · http://eibar.org/blogak/sarasua

Ni maixu gogorra nintzateke.

Matematikako 10 ariketa, eta erdiak txarto?? Zulora!

Kimikako 20 formula, eta erdiak txarto?? Zulora!

Eskerrak ez naizen irakasle... :-)

2007-09-20 @ 12:26

Bidaltzailea: XL [Bisitaria] · http://ahuspez.wordpress.com/

Noski penkoa jarri behar zaiola, galderaren erantzuna hain oinarrizkoa izanik gainditzeak ez baitu onartzen %95tik beherako portzentairik. Aldiz, galdera erromatar enperadoreen izenen zerrenda balitz, bada orduan %20 batekin nahikoa litzateke (agian %15a ere onargarria izan daiteke). Edonola irakaslearen zentzu komuna da hemen gakoa, ez ikaslearena. Horregatik susmoa daukat galderak tranpa daukala.

2007-09-21 @ 16:53

Bidaltzailea: Ricardo Gómez [Kidea]

Noski, galderak tranpa dauka. Baina zein azterketak ez du tranparik? ;-)

Egia esan, Hego Euskal Herrian egiten diren Unibertsitaterako Hauta-probetan azterketak ez dira mezuko irakasleak egiten duenaren oso bestela zuzentzen. Eta gero gerokoak...

2007-09-21 @ 21:33