FiloBlogia

Ricardo Gómezen bloga

Mezua: FiloBlogiaren liburutegia Google Book Search-en

2007-09-10

23:44:40, Atalak: Internet, Liburuak, Euskalaritzaren_historia

FiloBlogiaren liburutegia Google Book Search-en

Google Book Search zerbitzuari buruz aspaldi idatzi nuen. Berriki, J. A. Millani esker, jakin dut zerbitzuak aukera ematen duela nork bere liburutegia antolatzeko.

Orain arte, Google Book Search-en aurkitu ditudan liburu interesgarriak nire lotura del.icio.us-etan sartu ditut. Baliabide berri honi esker eskura duzue FiloBlogiaren liburutegia. Liburutegiaren helburu nagusia euskalaritza zaharraren lanak biltzea da (gramatikak, hiztegiak, apologiak...), baina bestelako laniik ere sar nezake.

Jakina, Google Book Search-en dauden eta FiloBlogiaren liburutegian falta diren euskalaritza zaharreko liburuak ezagutzen badituzue (batez ere, osoki irakur daitezkeen liburuak badira), biziki eskertuko nizueke jakinaraztea.

Liburutegiak, gainera, RSS jarioa du, nahi duenak harpidetza egin dezan eta sartzen ditudan liburuen berri izan dezan.

J. A. Millanen blogean Google Book Search-en beste berritasun batzuk ere iragartzen dira, hala nola liburu baten pasartea blog batean txertatzeko aukera, edo liburu baten iruzkina idaztekoa.

[Underpuppy-ren argazkia]

Zabaldu•

Bildu•

Twitter• Permalink-a • 4 erantzun

Erantzunak, Pingback-ak:

Bidaltzailea: Sustatu [Bisitaria] · http://www.sustatu.com

Tremendoa, Ricardo. Tresna indartsua da zerbitzu berria, eta bere indarra ulertzeko lezio primerakoa, zuk sortu duzun adibidea. Zorionak.

2007-09-11 @ 10:33

Bidaltzailea: Ricardo Gómez [Kidea]

Eskerrik asko. Eta eskerrik asko, halaber, liburutegi honi eta xtimeline-ren bidez ondutako kronologiari Sustatun egin diezuen iruzkin gogotsuagatik.

Zuek bai tremendoak!

2007-09-11 @ 14:11

Bidaltzailea: blancatxo [Bisitaria]

Google-n ideia bikaina da, eta zu... inor gutxi baino langileago! Eranskintxo bat: Larramendiren gramatika aurki dezakezu bertan, baina 1853ko edizioan baino ez.

2007-09-18 @ 05:36

Bidaltzailea: Ricardo Gómez [Kidea]

Eskerrik asko, Blanca. Liburutegiari erantsi diot, lehenengo argitalpenaren zain.

Bilaketak egin nituenean ez nuen aurkitu "impossible vencido" bilatu nuelako, eta bigarren argitalpenak "s" bakarra idatzi zuen.

2007-09-18 @ 16:26