FiloBlogia

Ricardo Gómezen bloga

Mezua: Nolakoak diren kazetariak!!

2007-06-23

00:12:20, Atalak: Euskara, Euskararen_historia

Nolakoak diren kazetariak!!

Ekainaren 19an, El Correo egunkariaren Bizkaiko edizioan, artikulu hau atera zen:

"Cinco expertos en euskera repasarán la historia de la lengua en Barakaldo"
Bada, hauexek dira artikuluan aipatzen diren "cinco conocidos expertos en lengua vasca" direlakoak: Jon Kortazar (ados), Henrike Knörr (ados), Santiago de Pablo (Historia Garaikideko irakaslea ez al da? zer ikertu du euskarari buruz?), Eliseo Gil (euskaraz aditua arkeologo hau ere?) eta Iñaki Bazán (Erdi Aroan aditua, baina ez Erdi Aroko euskaraz preseski).

Adituok erabiliko dituzten gaien azalpenaz ere badago zer esanik. Erka bedi, bestela, artikuluaren izenburuak dioena artikuluaren barruko honako hitz hauekin:

...el catedrático de Historia Contemporánea Santiago de Pablo hablará sobre la democracia en Euskadi.

Zenbat ikasten den egunkarietan! Nola jakin genezake, bestela, Euskadin izandako demokrazia hizkuntzaren historiaren barruan sartzen dela?

Nolakoak diren kazetariak!!

Zabaldu•

Bildu•

Twitter• Permalink-a • 5 erantzun

Erantzunak, Pingback-ak:

Bidaltzailea: Luistxo Fernandez [Bisitaria] · http://eibar.org/blogak/luistxo

Euskararen antzinateaz jakiteko, aukera gutxi. Horko pare batek "informatu" izan dute Veleiakoaz (ahoz, bederen); Gorrotxategi dago gero, argi samar hitz egin zuena kontrako zantzuak azaleratuz. Gainerakoak, zain, itxoiten linbo batean. Veleiako pantallazoaren zure mezua nik ulertu nuen, Rikardo, baina... nik, saretik ezjakinean konektatzen den honek, berdin ikusten dut euskalaritza osoaren pantalla: Veleiakoaz, obretan, zain. Lakarrari egindako orri osoko elkarrizketa irakurri nuen egunkari batean joan den astean, eta galderarik ez kontu honetaz. Igual kazetariaren deskuidoa izan zen. Igual bazterrak ez nahasteko gogoa. Zaila da jakitea.

Bai, argiago eta zuzenago esango balituzte gauzak kazetariak, hobeto litzateke. Denek esango bagenitu, hobeto.

2007-06-24 @ 08:22

Bidaltzailea: Ricardo Gómez [Kidea]

Egunotan Lakarrari elkarrizketa bat baino gehiago egin diote. El País-ekoan, adibidez, bai galdetu zioten Veleiakoari buruz (eta hortik Pruden eta Josebaren artean sortu den eztabaida).

Nolanahi ere den, aurreko batean esan nuenez, datu guztiak (GUZTIAK batera esan nahi dut, ez ttanttaka) eskura izan arte, nik neuk ez dut inskripzioetako testuei buruz inongo iritzirik emango, eta are gutxiago azterketarik egingo. Nola aztertu ikusi ez duzun zerbait? Dagoenik ere ez dakizun zerbait?

Uste dut argi esan dudala. Bestela, esaidazu. Besarkada bat,

2007-06-24 @ 16:36

Bidaltzailea: David Moya [Bisitaria]

Adizue, nola iristen da elpais.com-eko euskal atalera? "País Vasco" atalean sartu eta erdarazko artikuluak baino ez zaizkit agertzen.

2007-06-25 @ 14:54

Bidaltzailea: Ricardo Gómez [Kidea]

Nik helbide hau erabiltzen dut eta bai gaztelaniazkoak eta baita euskarazkoak ere agertzen zaizkit:

http://www.elpais.com/diario/autonomias/paisvasco.html

2007-06-25 @ 18:07

Bidaltzailea: David Moya [Bisitaria] · http://www.elpais.com/espana/paisvasco

Eskerrik asko, Ricardo. Goiko bide horretatik sartuz gero, ordea, adio euskal ataltxoari.

2007-06-25 @ 20:47