FiloBlogia

Ricardo Gómezen bloga

Mezua: Joseba Lakarra euskaltzain oso izateko proposatua

2007-04-23

13:13:13, Atalak: Filologia, Euskara, Unibertsitatea/Irakaskuntza

Joseba Lakarra euskaltzain oso izateko proposatua

Joseba Lakarra lankide eta adiskidea proposatu dute, Sagrario Alemanekin batera, Euskaltzaindian 27. eta 28. zenbaki-hutsarteak betetzeko.

Haize berriak ekarri nahi bazituzten akademiara, ekaitz bortitz batekin topo egingo dute, gero!

ZORIONAK, JOSEBA!!

Asteburu honetako hedabide askotan bi euskaltzaingaien biografia eta bibliografien laburpenak agertu dira.

Iturriak (batetik bestera diferentzia gutxi badago ere):

Zabaldu•

Bildu•

Twitter• Permalink-a • 4 erantzun

Erantzunak, Pingback-ak:

Bidaltzailea: Ekaitz Santazilia [Kidea] · http://www.blogari.net/euskofilia

Aupa!

Josebarena, ez dut esanen espero nuenik, baina ni behintzat berria noiz ailegatu zain nengoen.

Sagrarenak harritu nau egiazki! iruditzen zait ez dela orain arte euskaltzain izendatu dituztenen perfilekoa, nahiz eta zinez merezi duen hor egotea. Bere ekarpenak bikainak izan daitezkeelakoan nago. Izugarri pozten nau Aleman honetarako proposatu izanak.

Zorte on biei!

2007-04-23 @ 14:11

Bidaltzailea: Jozulin [Bisitaria] · http://www.blogak.com/jozulin

Orain dela “nahi baino urte gehio” Euskararen Diakronia-z aritzen zitzaigun Derion uztaileko bazkalondo sargoritsuetan. Izarrik egotea lortzen genuen -ez zen gutxi- eta errefrau zaharrekin zeharo maiteminduta amaitu genuen, "Refranes y sentencias" ederrekin. Honezkero parkatuko zidan –berak ez du gogoratuko, eskerrak!- ynurriari arrayo “A la hormiga, rayos!” itzuli izana. Lan handia egingo duela ez dut dudarik. Zorionak!

2007-04-23 @ 20:11

Bidaltzailea: Jose Ignacio [Bisitaria]

Zorionak Josebari. Nik uste dut albisteak bertso bat behintzat merezi duela (beharbada "Maritxu nora zoaz" doinuarekin). Alde batetik mota honetako puntuak dituzkegu: baldarra, kaxkarra, zantarra ("macarra" ez aipatzearren). Baina, bestaldetik, aukera hobeak ere baditugu: izarra...
Ea norbait animatzen den!

2007-04-23 @ 22:31

Bidaltzailea: jose ignacio [Bisitaria]

Bueno, ni neu hasiko naiz. Doinua: "motibu bat nigana"

Euskaltzain berri dugu
Joseba Lakarra.
Hortako ein duen lana
ez da ez kaxkarra.
Euskalari bikaina
denontzat izarra
erakusten baitigu
non dagon iparra.
Txapela merezi duk,
hik, gure arratzuarra!

2007-04-24 @ 02:12