FiloBlogia

Ricardo Gómezen bloga

Mezua: Europeana: Europako Liburutegi Digitalaren lehen urratsak

2007-03-23

23:18:27, Atalak: Internet, Liburuak

Europeana: Europako Liburutegi Digitalaren lehen urratsak

Frantziako Liburutegi Nazionalak abian jarri du Europako Liburutegi Digitalaren prototipo bat: Europeana.

Frantziakoa ez ezik, oraingoz bertan parte hartzen dute Hungariako Széchényi Liburutegi Nazionalak eta Portugaleko Liburutegi Nazioanalak ere.

Egun 12.000 dokumentu digitalizatu aurki daitezke, baina pentsatzekoa da Gallica-ko fondo guztia sartu ondoren, eta Europako liburutegi gehiago atxiki ahala, dokumentuen kopurua ikaragarri igoko dela.

Europeanak aukera ematen du dokumentuen barruan bilaketak egiteko; zuzendu gabeko OCR sistema baten bitartez egiten da eta, beraz, ez da oso zehatza, baina ezer ez izatea baino hobe. Dokumentuak PDF formatuan jaitsi daitezke ere.

Bestalde, kontu bat irekiz gero, interesatzen zaizkizun dokumentuen fitxak gorde ditzakezu eta baita etiketatu ere. Zernahi gisaz, aukera horiek bakarrik erabil daitezke Frantziako Liburutegi Nazionaletik heldu diren dokumentuekin, ez besteekin.

Liburutegi digitaletan beste aukera bat dugu, hortaz, Google Book Search egitasmoaren osagarria izan daitekeena.

Iturria:

Zabaldu•

Bildu•

Twitter• Permalink-a • 2 erantzun

Erantzunak, Pingback-ak:

Bidaltzailea: Joseba [Bisitaria] · http://mertola.wordpress.com

Badago beste eginkizun bat, http://www.theeuropeanlibrary.org, pare bat urte daramana, eta OAI-PMH protokoloa erabiltzen duena (horregatik ezagutu nuen nik). Europako liburutegi hori, Euskadikoa bezala ez da gune bat izango baizik eta sare bat, ez duzu uste?

2007-03-28 @ 19:08

Bidaltzailea: Ricardo Gómez [Kidea]

Oso interesgarria eman duzun helbide hori, Joseba. Nire zalantza hauxe da: The European Library-n sartuta badaude Europeanan parte hartzen duten hiru liburutegi nazionalak (eta beste hainbat), zertara etorri da orduan Europeana sortzea? Hau da ulertzen ez dudana. Badakizu ezer horretaz?