FiloBlogia

Ricardo Gómezen bloga

Mezua: Berri gehiago Sarako eskolari buruz

2007-02-23

17:50:10, Atalak: Xelebreak, Euskararen_historia

Berri gehiago Sarako eskolari buruz

Euskal literaturaren ikertzaileen artean aspalditik eztabaidatu da ea "Sarako eskola" deitura egokia zen ala ez, XVII. mendeko lapurtar idazle batzuk biltzeko.

Orain, El Correo egunkariari esker, badakigu Sarako eskola existitu zela eta, are gehiago, egiazko ikastetxe bat izan zela. Hori gutxi balitz, datu preziatu hauek eskaintzen dizkigu: Axular eskolako erre(k)torea izan zen eta, oraindik zalantzarik balego, Pouvreau ikastetxe hartako ikaslea.

Hona hemen euskal literaturaren historiografiako eztabaida sutsuenetako bat behin betiko itxi duten hitzak:

'Gueroco guero' (41,6 euros) es la segunda edición de la obra 'Gero' del que fuera rector de la escuela de Sara (Francia) revisada por su sobrino del mismo nombre y prologado por Jabier Kalzagorta. Por su parte el libro de Pouvereu [sic] (31,20 euros), alumno de aquel centro, es la traducción al euskera de la doctrina del famoso cardenal Richelieu, publicada en París en 1656.

Orain Euskargazkiren txanda da, ea Sarako eskolaren eraikina aurkitzeko gauza den eta argazkia erakusten digun.

Iturria:

El Correo: "Labayru recupera clásicos del euskera en una colección facsímil"

Zabaldu•

Bildu•

Twitter• Permalink-a • 5 erantzun

Erantzunak, Pingback-ak:

Bidaltzailea: Ekaitz Santazilia [Kidea] · http://www.blogari.net/euskofilia

Harrigarria!

Sergio Eguía (egia izpirik badu) kazetari hau prentsaurrekoan lokartu zen ala?

Kaltzakorta gaixua! hitzaurrea garai hartan idatzi zuela ematen du, Axularren ilobarekin batera.

Pouvreau eskolan gaizki portatzen zenean Axularrek zigor gisa Richelieuren obra itzularaziko ote zion?

Bide batez, prezioak ere gaizki daude. Guerocok 30€ balio du eta dotrinak 20.

Horrelako laguntzekin, Euskargazkirako tokiak bilatzen hasten naizenean erotzen naiz!

2007-02-23 @ 23:23

Bidaltzailea: Ricardo Gómez [Kidea]

Kaltzakortarena egia da. Ohartua nintzen, baina gehiegitxo iruditu zitzaidan gaixoa ere saltsan sartzea.

2007-02-24 @ 00:08

Bidaltzailea: asier [Bisitaria] · http://www.eibar.org/blogak/sarasua

Lehenengo Lazarraga, gero Veleia, orain Sara... Zorioneko gaude euskaldunak! :-)

Sustatuko Jamaikara ere bidali dut berri pozgarria.

2007-02-24 @ 09:23

Bidaltzailea: Jozulin [Bisitaria] · http://www.blogak.com/jozulin

Sarako eskola ospetsuaren bilaketa lanetan lagungarri izango zaizuelakoan:

Nom de l'école: SARE (Primaire); Adresse: 64310 SARE; Téléphone 05 59 54 20 27 ; E-mail / Sites Internet: ce.0641831t@ac-bordeaux.fr

Datuok hemendik atera ditut:

http://www.ac-bordeaux.fr/Primaire/64/
IENStJeanDeLuz/bandeau/
sectecolsjdl.htm

Topatu ez dudana da nor dagoen orain "rector" Sarako Eskolan...
(^_^)

2007-02-24 @ 19:37

Bidaltzailea: Xabi Zalbide [Kidea]

El Correokoak beti dabiltza antzera euskal kontuekin. Alferrik da, gainera, egindako akats batez ohartaraztea, hurrengoan ere hanka sartzen dute edota interpretazio libre dementziala egin. Tamalez hori dugu gehien saltzen den egunkaria.