FiloBlogia

Ricardo Gómezen bloga

Mezua: ANECAk ebaluazio-programa berri batzuk aurkeztuko ditu

2007-02-08

19:37:15, Atalak: Unibertsitatea/Irakaskuntza

ANECAk ebaluazio-programa berri batzuk aurkeztuko ditu

Hil honen 21ean Espainiako ANECAk (Agencia Nacional de Evaluación de la Calidad y Acreditación) unibertsitateko irakasleak ebaluatzeko programa aurkeztuko du. "Docentia" programak jarraibideak emango dizkie unibertsitateei, beren irakaskuntza ebaluatzeko eta ea Goi Mailako Hezkuntzaren Europar Eremura ondo egokitzen diren balioesteko.

Orobat, 2007 urtean zehar ANECAk beste programa batzuk aurkezteko asmoa du, hala nola:

"Training" programak unibertsitateei irakasleen prestakuntzarako programak diseinatzen lagunduko die.
"Verifica" eta "Acredita" programek, bestalde, balioko dute unibertsitateek aurkeztuko dituzten ikasketa-plan berrien kalitatea ebaluatzeko.

Egia esan, faltan hartzen dut unibertsitateen gobernu-taldeak prestatzeko eta ebaluatzeko programa bat.

Irakasleak behar bezala prestatzea eta ebaluatzea, ikasketa-plan berriak behar bezala diseinatzea... oso ondo dago. Baina unibertsitate bakoitzeko errektoregotik hori guztia aurrera ateratzeko behar diren giza eta diru baliabideak emango ez badira (eta, okerrago dena, halako baliabideak behar direla ohartzen ez badira), dena alferrik izango da eta unibertsitateko ikasketa-sistemak ezin izango dira berritu; edo ezin izango dira hobetu behintzat, beti baitago okerragorantz berritzeko aukera.

Argibide gehiago: