FiloBlogia

Ricardo Gómezen bloga

Mezua: Bi ikertzaile lanpostu Euskal Filologian lizentziatuentzat

2007-01-27

17:34:10, Atalak: Unibertsitatea/Irakaskuntza, Euskararen_historia, Deialdiak

Bi ikertzaile lanpostu Euskal Filologian lizentziatuentzat

Aste honetan EHUk ikertzaile lanpostuen deialdi bat egin du. Atera diren kontratuen artean badira arduraldi partzialeko bi lanpostu Euskal Filologian lizentziatu direnentzat.

EHUren atari berrian, aurrekoa bezain laberintikoa izaten jarraitzen duen horretan, informazio hau bakarrik aurkitu ahal izan dut, guztia gaztelania hutsean:

Euskarazko (?) atalean deialdiaren eskari-orria aipatzen da, baina PDFrako lotura ez dabil.
Eta gaztelaniazko atalean, aldiz, deialdiaren oinarriak, lanpostuen zerrenda eta ebaluazio-batzordeak.

Bi lanpostuen ezaugarriak hauexek dira:

Proiektuaren izena: Fundamentos para unos Monumenta Linguae Vasconum II (MEC)
Ikastetxea: Filologia eta Geografi-Historia Fakultatea
Saila: Hizkuntzalaritza eta Euskal Ikasketak
Eskatzaileen betebeharrak:
- Euskal Filologian lizentziatua
Merezimenduen baremoak:
- Frantsesa, ingelesa edo alemana: %15
- Akademi agiria: %30
- Proiektuarekin lotutako gaietan esperientzia izatea: %30
- Argitalpen zientifikoak eta biltzarretako komunikazioak: %25
Egitekoak:
Euskal testu zaharren edizioa eta azterketa
Kontratuaren ezaugarriak:
- Kontratuaren iraupena: 07.02.15etik 07.12.31ra (luza daiteke)
- Arduraldia: lanaldiaren %50 gutxi gorabehera
Ebaluazio Batzordea:
Burua: Joseba A. Lakarra
Idazkaria: Blanca Urgell
Kidea: Gidor Bilbao
Kidea: Ricardo Gómez
Kidea: IIL-en Ordezkarien Batzordeak hautatutako bat.

Eskabideak aurkezteko epea: urtarrilaren 26tik otsailaren 3ra (biak barne).

Intranet-etik bidaltzen dituzten iragarkietan ere gaztelaniazko informazioa bakarrik heldu zaigu. Inor interesaturik balego, eskari-orria (hau bai bi hizkuntzetan) bidaliko nioke.

Zabaldu•

Bildu•

Twitter• Permalink-a • 2 erantzun

Erantzunak, Pingback-ak:

Bidaltzailea: ainara maia [Bisitaria] · http://www.blogak.com/gorgoinetan

Kaixo,

asko interesatzen zait proiektua, baina maiatza bitarte beste ikerketa filologiko batean nabil murgildurik Hondarribian (BERTAKO ARRANTZA MUNDUKO ESAMOLDEEN BILKETA) eta momentuan ezin dut... pena! laguntzarik behar izanez gero,

Izan ongi
Ainara