FiloBlogia

Ricardo Gómezen bloga

Mezua: Lardizabalen gramatika berrargitaratu da

2006-12-26

14:54:05, Atalak: Liburuak, Euskalaritzaren_historia

Lardizabalen gramatika berrargitaratu da

Gipuzkoako Foru Aldundiak berrargitaratu du Francisco Ignacio Lardizabal gramatikari zaldibiarraren lana, zenbait ikerlanez horniturik. Honela, Lardizabalen Gramática Vascongada 1856an argitaratu zenetik 150 urte eta Lardizabal jaio zenetik 200 urte bete direla gogoratu nahi izan du.

Irakurri ditudan albisteak irakurrita, oraindik ez dut garbi edizioa faksimilez bakarrik atera den ala, faksimilarekin batera, edizio kritikoa edo "edizio kritiko-fakzimila" ere argitaratu den. Lehenbizikoa delakoan nago, baina inork liburua eskuartean izan badu edo honi buruzko informaziori badu, eskertuko nioke argibideak ematea.

Gipuzkoako Foru Aldundiak liburuaren 1.500 ale kaleratu ditu, guztiak eskuz zenbatuta, eta horietatik ehun Euskal Herriko liburutegietan banatuko dira.

Edizioaz gain, liburuak honako atal hauek ditu:

Joxe Joan Gonzalez de Txabarriren aurkezpena
José Antonio Rodríguez Ranz: "Gipuzkoa 1833-1876 trantsizio orekatua"
Mikel Zalbidek eta Arantzazu Muñoa: "Lardizabal eta bere euskal gramatika, perspektiba soziolinguistikoan" (erabili.com-en aurreko bertsio bat dago)
Beñat Oyharçabal: "Lardizabalen gramatikaren iturri, ezaugarri eta helburuak" (erabili.com-en aurreko bertsio bat dago)
Jose Antonio Mujika: "Lardizabalen gramatika, Larramendirenaren bertsio 'didaktikoa'"