FiloBlogia

Ricardo Gómezen bloga

Mezua: Beatriz Fernandezek auto istripua izan du

2006-12-13

23:57:53, Atalak: Denetarik, Unibertsitatea/Irakaskuntza

Beatriz Fernandezek auto istripua izan du

Oraintxe jakin dut, Berriako web gunean irakurrita, Beatriz Fernandez lankide eta adiskideak eta bere haurrak auto istripua izan zutela larunbatean, mutil-lagun eta aitari kartzelan bisita egitetik zetozela.

Berrian Joseba Lakarrak eta Gidor Bilbaok idatzi duten gutuna hona aldatu eta beren hitzak neure egin nahi nituzke:

Egunkari honen bidez jakin genuen gure lankide eta adiskide Beatriz Fernandezek eta bere haurrak auto istripu izan zutela; mutil-lagun eta aitari kartzelan bisita egin ondoren zetozen, Algortarako bidean, Nanterretik bueltan. Zorionez, bizirik atera dira, eta onik ditugu. Alabaina, asko -gehiegi- dira, oso bestela, Euskal Herritik urrutiko errepideetan gelditu direnak. Presoen senide eta lagunei zuzenik eta beharrik gabe ezartzen zaien zigor horrek ez du inongo justifikaziorik, inolako hilketa eta bortxaketak ez duen bezala. Orain eta beti, presoak oro bere herrian nahi genituzke. Besarkada bat gure lankideari.
Joseba Lakarra eta Gidor Bilbao. EHUko Filologia eta Geografi-Historia Fakultateko dekanoa eta dekanordea. Gasteiz

Besarkada handi bat, Beatriz!!

Zabaldu•

Bildu•

Twitter• Permalink-a • 9 erantzun

Erantzunak, Pingback-ak:

Bidaltzailea: Ekaitz Santazilia [Kidea] · http://www.blogari.net/euskofilia

Hitzik gabe geratu naiz.

2006-12-14 @ 01:07

Bidaltzailea: teketen [Kidea] · http://www.teketen.com

Honek amaitu behar du!
Elkartasuna guztiei

2006-12-14 @ 10:46

Bidaltzailea: Borxa [Bisitaria]

Beste bat, saihestu zitekeena.
Aski da.

2006-12-16 @ 13:52

Bidaltzailea: aspaldiko [Bisitaria]

Nahiko nuke jakin zer iritzi duen Beatriz Fernandezek bi ekuatoriarren hilketaz, zer kontatuko dion bere semetxoari horretaz, edota idatziko dizkion gutunetan bere mutil-lagunari horren aipurik egingo ote dion...

2007-01-01 @ 21:56

Bidaltzailea: Pruden Gartzia [Bisitaria]

Zure mezua hitz batek definitzen du: sadismoa.

Gaixo batek baino ezin lezake horrelako mezurik idatzi. Mesedez, zoaz medikuarengana, bihotzez esaten dizut.

Eta bitartean, eman bakea.

2007-01-02 @ 14:53

Bidaltzailea: aspaldiko [Bisitaria]

sadismoa? gaixoa? medikuarengana joatea? bakea emateko nik neuk? Beno, horrela gabiltza euskaldunok. Baina, begira, kasu egingo dizut, ez dut berriz idatziko. Geldi zaitezte zuek zuen isiltasunekin. Egunen batean esnatuko zarete.

2007-01-02 @ 15:43

Bidaltzailea: Ricardo Gómez [Kidea]

Aspaldiko: Nor dira "zuek"? Pruden eta Gartzia? "euskaldunok"?

Niri dagokidanez (badaezpada ere, ez bainaiz Pruden eta ez Gartzia, baina bai euskaldun), ez nago isilik. FiloBlogia blog tematiko bat da eta saiatzen naiz hizkuntzalaritzaz, filologiaz, unibertsitateaz eta hezkuntzaz idazten.

Barajaseko atentatua basakeria izugarria iruditzen zait, alde guztietatik, eta ez du inongo justifikaziorik.

Bide batez, zure lehen mezuan adierazi zenuen jakin-mina asetzeko, Beatriz Fernandezi berari galdetzea duzu.

2007-01-02 @ 18:41

Bidaltzailea: ITZIARIZAGIR [Kidea]

astakeriak beraiek egiten dituztenak. Gaurko manifakoa lotsagarria iruditu zait, gero guk ez dugula eskua luzatzen, eta beraiek? hasieratik ez gintuzten han nahi. PNVri "se le ha visto el plumero". Doazela popatik hartzera.
De Juana askatu

2007-01-13 @ 18:24

Bidaltzailea: Aitor [Bisitaria]

De Juana Chaos= Serial Killer.