FiloBlogia

Ricardo Gómezen bloga

Mezua: Nire del.icio.us-eko loturak eskuineko zutabean

2006-10-18

17:42:34, Atalak: Denetarik, Internet

Nire del.icio.us-eko loturak eskuineko zutabean

Aspaldidanik dut asmoa del.icio.us-eko kontuan biltzen ditudan Interneteko loturak (nire del.icio.usak) blog honetan eskura jartzeko. Hala ere, orain arte horretarako aurkitu ditudan baliabide guztiak text/javascript modukoak ziren eta Blogariko txantiloiak ez zidan onartzen.

Azkenean, onartzen duen bat aurkitu dut: Google Gadgets-ek eskaintzen duen Del.icio.us bookmarks delakoa.

Beraz, aurrerantzean, blogaren eskuineko zutabean bi informazio berri aurkituko dituzue: batetik, del.icio.us-eko kontuan sartzen ditudan azken loturak eta, bestetik, nire lotura guztien tag edo etiketak (gaiak, azken batean); etiketa batek zenbat eta lotura gehiago izan, letra tamaina handiagoan agertzen da.

Aipatzen dudan lotura batean klik eginez gero, zuzenean joango zarete delako web gunera. Aldiz, tag batean klik egiten baduzue, nire loturetan tag horren barruan sartzen diren lotura guztien zerrenda ikusi ahalko duzue.

Espero dut baliagarri izatea.

Zabaldu•

Bildu•

Twitter• Permalink-a • 2 erantzun

Erantzunak, Pingback-ak:

Bidaltzailea: Ekaitz Santazilia [Kidea] · http://www.blogari.net/euskofilia

Aupa Riardo,

Ideia ona da lotura "delizios"en leihotxoak alboan jartzea, baina arazotxo baten bat ikusten diot: Maketazio arazo ñimiño bat dago, eta azken erantzunen edota azken sarreren atalak oso behean geratzen dira. Bestetik, orriari guztiz kargatzea nahiko kostatzen zaio.

Ez dakit, akaso bai koadroetarik goikoa jartzearekin aski duzu, berrikuntzei dagokiena, alegia. Gainera, hori jarrita Googleri publizitatea egin beharra diozu bere logoa sartuz? ziur aski bai, ezta?

Bueno, hauek iritzi batzuk baino ez dira, zer deritzozu zuk?

2006-10-29 @ 21:32

Bidaltzailea: Ricardo Gómez [Kidea]

Eskerrik asko iruzkinengatik, Ekaitz.

Orria kargatzeko arazoa konpondu dut, bakarrik azken 10 loturak erakutsiz. Gehiago kontsultatu nahi duenak zuzenean nire lotura del.icio.us-etara jo dezake edota interesatzen zai(zki)on etiketak aukeratu.

Maketazio arazoa zailagoa da konpontzen, blogaren erabiltzaileen artean pantailaren tamaina desberdinak daudelako, segurki. Dena dela, niri behintzat nabigazio barra bat ateratzen zait eskuinaldean, laukitxoan barna gora eta behera egiteko.

2006-10-30 @ 20:25