FiloBlogia

Ricardo Gómezen bloga

Mezua: Nire tesia ARTXIKER-en utzi dut

2006-10-14

17:04:01, Atalak: Argitalpenak, Internet, Euskalaritzaren_historia

Nire tesia ARTXIKER-en utzi dut

Udan agindu nuen bezala, doktorego tesiari ikutu batzuk eman ondoren, ARTXIKER-en utzi dut:

XIX. mendeko euskal gramatikagintzari buruzko ikerketak (PDF)

Bestetan bezala, Ekaitz aurreratu egin zait eta bere blogean aurkituko duzue informazio gehiago.

Lotutako sarrerak:

Zabaldu•

Bildu•

Twitter• Permalink-a • 4 erantzun

Erantzunak, Pingback-ak:

Bidaltzailea: Pruden Gartzia [Bisitaria]

Zorionak, Ricardo.

Dena den, paperezko liburu gisa ikusteko esperantza ere badut nik. Hala izango ahal da!

2006-10-16 @ 11:49

Bidaltzailea: Ricardo Gómez [Kidea]

Ez dakit, bada, horretarako adorerik izango dudan, Pruden. Badakizu epaimahaiko batzuek itzulita argitaratzea gomendatu zidatela eta horrek lan handia eskatzen du.

Pentsatuko dut, dena den, eta eskerrik asko interesagatik.

2006-10-16 @ 17:59

Bidaltzailea: Pruden Gartzia [Bisitaria]

Ricardo:

Bai, itzulpenarena ere ez legoke txarto. Dena den, hor beste arazo bat sortuko zaizu: zein hizkuntzatara?

Tesia euskaraz egitea, gaur eta hemen, hautu bat egitea da, latza, soberan daki edozeinek.

Baina tesi hori itzultzea ere, gaur eta hemen, beste hautu bat da. Eta hainbat faktore hartu behar dira kontuan, guztiak garrantzitsuak direlarik.

Bai, beti lanak han eta hemen. Hamaika lan. Animo.

2006-10-18 @ 08:31

Bidaltzailea: Ricardo Gómez [Kidea]

Itzuliz gero, ez dut zalantzarik: ingelesera itzulita aterako nuke (eta, posible balitz, argitaratu ere, ez baita gauza bera).

Hala egitekotan, ez dut neure burua ikusten itzulpena goitik behera egiteko eta, hortaz, itzultzaile bati enkargatuko nioke eta neronek berrikusi eta zuzenduko nuke.

Arazo handiena da itzulpena ezin dela izan itzulpen hutsa. Euskal filologiaren, euskal gramatikaren, literaturaren, eta abarren erreferentziak ez dituenarentzat, ziurrenik, testuak ohar gehiago eskatuko lituzke, edota sarrera beri bat, eta hortxe dago lan handiena, nire ustez: zer ez dudan jakintzat hartu behar eta nola azaldu.

2006-10-18 @ 11:33