FiloBlogia

Ricardo Gómezen bloga

Mezua: Alferrentzako liburu-irakurgailua

2006-10-03

22:17:47, Atalak: Xelebreak

Alferrentzako liburu-irakurgailua

Munduan badira alferrak, alferrontziak eta alprojak. Batzuei liburu baten orriak pasatzeak ere sekulako nekea eragiten die.

Zu ere halakoa bazara, beheko hau da zure ametsetako makina, Book Time 5000 zoragarria. Botoi bat sakatuz, makinak orrialdeak pasatuko ditu zure ordez:

Hori bai, Japonian saltzen dute eta 2.400 bat euro balio du.

Iturria:
No puedo creer que lo hayan inventado

Zabaldu•

Bildu•

Twitter• Permalink-a • 7 erantzun

Erantzunak, Pingback-ak:

Bidaltzailea: Ekaitz Santazilia [Kidea] · http://www.blogari.net/euskofilia

Jaja! Nagientzat egina izanen da, baina pazientzia duten nagientzat dudarik gabe! botoia sakatu eta orria pasatzen duenerako zer ari zinen irakurtzen ahanzteko modukoa! are gehiago hitz zatitu baten jarraipena hurrengo orrian badator...

Bestetik, botoi berdearen ondoan dagoen botoi txuriak orriak beste norabidean pasatzeko balioko duela espero dut, bestela, orriak atzekoz aurrera pasatzen ditu!

2006-10-04 @ 19:07

Bidaltzailea: Ricardo Gómez [Kidea]

Ez dakit botoi zuria zertarako den. Dena dela, kontuz, Ekaitz: orriak ondo pasatzen ditu, Japoniako erara alegia, eskuinetik ezkerrera. Berdin gertatzen da arabieraz idatzitako liburuekin, esaterako.

Bide batez, udan liburudenda batean Manga liburu batzuk ikusi nituen eta, gaztelaniara itzuliak izan arren, orrialdeak eskuinetik ezkerrera irakurtzen ziren, japonierazko originaletan bezalaxe. Esan zidatenez, mangazale finentzat egindako argitalpenak omen dira.

2006-10-04 @ 19:39

Bidaltzailea: Ekaitz Santazilia [Kidea] · http://www.blogari.net/euskofilia

Arabierarena banekien, japonierarena ez ordea. Japonierazko liburuak esku tartean edukitzerik ez dut izan oraino.

2006-10-05 @ 01:22

Bidaltzailea: amets [Bisitaria]

Bai egia diozu Ricardo. Badut lagun Mangazalerik eta egia da, atzetik aurrera irakurtzen (dituzte) dira liburu hauek. Oker ez banago, Betagarrik (musika taldeak) diskaren bateko letren liburuska ere horrela kaleratu zuen, Manga komikia bailitzan.

Amaitzeko esan, gero eta Mangazale gehiago dagoela gure artean eta zergatik ez komiki hauek ere euskararatu?
Ondo izan.

2006-10-06 @ 18:15

Bidaltzailea: mizpira [Kidea] · http://www.blogari.net/mizpira

Nagitzat har nazazue, nahi baduzue, baina makinatxo hau bide egokitik doalakoan nago. Ohean etzanda liburu bat irakurtzean ez al zaizkizue besoak nekatzen? Tramankulua sabaitik zintzilikatu eta pasa ditzala berak orriak!

2006-10-06 @ 19:56

Bidaltzailea: Ricardo Gómez [Kidea]

Arrazoi osoa duzu, mizpira. Nik modu batean baino gehiagotan sailkatzen ditut liburuak, baina oso kontuan izaten dudan bat hauxe da: ohean irakurri ahal direnak eta, tamaina edota pisuagatik, ohean irakurri ezin direnak.

2006-10-06 @ 21:49

Bidaltzailea: Ekaitz Santazilia [Kidea] · http://www.blogari.net/euskofilia

Tira, bai sailkatzeko irizpide bereziak dituzuela. Nik sabaitik ez nuke zintziklikatuko ordea, akaso orriren bat pasatzean erori eta buru gainean ematen badizu, min emateko adinakoa dela esanen nuke.

2006-10-08 @ 03:23