FiloBlogia

Ricardo Gómezen bloga

Mezua: Keinu Hizkuntzen II. Astea EHUn

2006-05-16

20:29:45, Atalak: Hizkuntzalaritza, Unibertsitatea/Irakaskuntza

Keinu Hizkuntzen II. Astea EHUn

Euskal Herriko Unibertsitateko Filologia eta Geografi-Historia Fakultateak eta Keinu Hizkuntza Ikerketa Taldeak (KHIT) Keinu Hizkuntzen Bigarren Astea antolatu dute.

Keinu hizkuntzei buruzko ekitaldi guztiak Fakultateko Gradu Aretoan izango dira, maiatzaren 22tik 26ra.

Antolatutako ekitaldiak hauexek dira (programa osoa PDFn):

Deborah Chen Pichler (Universidad de Gallaudet, EEUU) irakaslearen doktorego ikastaroa, Sign Language Acquisition izenburupean eta Lingüística-Hizkuntzalaritza sailarteko doktorego programaren barruan
Estatuko eta Europako hizkuntzalarien hitzaldiak.
Keinu hizkuntza ikasteko oinarrizko ikastaroa.
Keinu hizkuntzen poesiaren inguruko hitzaldia.

Doktorego ikastaroa hirugarren zikloko ikasleei eta ikerlariei zuzenduta dago; beste ekitaldi guztiak, ordea, doainik dira eta ez dago aurretik izena emateko beharrik. Nolanahi ere, unibertsitateko ikasleek aukera askeko kreditu bat lotu ahal dute, eta horretarako inprimaki bat (DOC) bete behar dute.

Interesatuak Javi Fernandezekin jar daitezke harremanetan: jabitxin[a bildua]gmx[puntua]net

Bide batez, Ibon Sarasolak, duela hilabete batzuk idatzitako artikulu batean, "keinu(en) hizkuntza" terminoa hobetsi zuen, hor zehar irakurri ahal diren "zeinuen hizkuntza" eta tankerakoen aldean).

Zabaldu•

Bildu•

Twitter• Permalink-a • 2 erantzun

Erantzunak, Pingback-ak:

Bidaltzailea: Amets [Kidea]

Apa Ricardo!
Azkenean animatu naiz irakasle baten blogean idaztera( honek izan ditzakeen ondorioekin...)
baina tira, interesgarri deritzot keinu hizkuntzen astea antolatzea,baina Ez al zaizu iruditzen nahiko data txarretan antolatu dela?
Ez al duzu uste beste data batzuetan eginez gero hobe litzatekeela?
( behin idazten hasiz gero ezin buka...jijijiji)
hurrenarte

2006-05-17 @ 09:22

Bidaltzailea: Ricardo Gómez [Kidea]

Kaixo, Amets: ni ez nago antolatzaileen artean, baina beste inoiz izan dut honelako jardunaldi, biltzar, hitzaldi, etab. antolatzeko aukera, eta gauza bat dut argi:

Sekula ez da garai ona horrelako ekitaldiak egiteko.

Eskola garaian bada, eskolak daudelako; eskolarik ez badago, eskolarik ez dagoenez jende gutxi etortzen delako; asteburuan bada, asteburua delako; oporraldia bada, zer esanik ez...

Hortaz, nire iritziz, dataren kontua pixkat aztertu daiteke, baina askoz garrantzitsuagoa iruditzen zait hitzaldiak eta bestelako ekitaldiak interesagarriak izatea. Hala bada, jendea erakarriko dute, gehiago ala gutxiago, eta datak gorabehera.

2006-05-17 @ 12:17