FiloBlogia

Arratsalde bat etxetik kanpo, Blogari.net erabiltzeko arazoak izan eta berriak pilatu egin zaizkit. Hortaz, atzo eta gaur aurkitu ditudan interesgarrienak laburki azaldu besterik ez dut egingo:

• Bilatzaile akademikoak, OAIster, Microsoft, Google, ...: Eneko Astigarragak Prospektiba blogean hiru bilatzaile akademiko konparatu ditu (Windows Live Academic, Google Scholar eta OAIster). Bilatzaile berezi hauek argitalpen zientifiko eta teknikoen barruan bilatzen dituzte, beti ere argitaletxeek ezarritako murriztapenak gorabehera.
• -AGA ATZIKI LOKATIBOA EUSKAL HERRIKO MENDEBALDEAN (I): Xabi Zalbidek Izenen Oihanean blogean argitaratutako artikulua. Artikuluaren lehen emanaldi honetan -aga atzizkiaren jatorriari buruzko proposamenak birpasatzen ditu, atzizki honek Enkarterrin eta Aiaran duen hedadura aztertzen du eta -ega aldaeraz dihardu.
• Erratas: argazkiak Interneten partekatzeko Flickr programaz baliaturik, hainbat errakuntza bildu dituzte hemen: hedabideak, web orriak, kartelak... errakuntzak nonahi, batzuk oso xelebreak.

[Guillermo Ruiz de Loizagaren argazkia]

• Docencia.es: hasieran Digg.com izan zen, gaztelaniaz Meneame.net orokorra dago eta euskaraz, Zabaldu.com. Hauen guztien helburua berriak bidaltzea eta bozkatzea da, informazioa hierarkizatzeko bide bat nolabait. Docencia.es ere halakoa da, baina hezkuntzarekin lotutako berriak ditu helburu. Euskal blogosfera oraindik txikiegia da agian honelako gune bereziak sortzeko. Zabaldu.com bera oso berria da, nahiz eta dagoeneko ehun erabiltzailetik gora izan; nolanahi ere, honezkero nabari zaio mota honetako beste gune orokorrei ere egotzi zaien "arazoa": azken batean, ez dira hain "orokorrak eta aski makurtuta daude teknologia, informatika, internet eta, oro har, ziber-ixa gaietara. Ez diot hori ona ala txarra den; horrelaxe gertatzen dela, besterik ez.