FiloBlogia

Ricardo Gómezen bloga

Mezua: Euskal Filologiarako 10 webgune interesgarrienak

2005-09-22

23:53:00, Atalak: Bloggerrekoak, Internet

Euskal Filologiarako 10 webgune interesgarrienak

Top10, Top100 eta halako zerrendak egitea boladan izan da aspalditik, eta orain blogetan berriro aurki ditzakegu hainbat eta hainbat. Hemen proposatzen dudana euskal filologo edo filologogai batentzako 10 webgune interesgarrienen zerrenda da. Zerrendak, dena dela, murriztapen batzuk ditu:

"euskal filologo edo filologogai" esan dut, ez "euskaldun" batentzat (ez nahastu; askok uste dutenaren kontra, ez dira gauza bera)
kanpoan utzi ditut zerrendako asko baino interesgarriagoak izan daitezkeen web gune orokorragoak; esaterako, euskal hizkuntzalari batentzat ezin utzizkoa den The LINGUIST List
ahal izan dudan neurrian, saiatu naiz Euskal Filologiaren barruko alor desberdinak sartzen eta mota desberdinetako webguneen adibideak ematen
azkenik, nola ez, nire gustuek eta ezagutzak eragindako murriztapenak daude

Besterik gabe, hona zerrenda, hurrenkera alfabetikoan:

Eta, azkenburu gisa, ez dut aipatzeke utzi nahi beste web gune bat, beharbada oraindik Top10ean sartzen ez dena, baina laster merezimendu aski eta gehiago izan ditzakeena:

ARTXIKER

Zerrendarekin ados? Ez? Aldaketarik proposatuko? Zer gehitu, kendu? Zerrendaren ideia bera tontakeria hutsa al da?

Lotutako sarrerak:

Zabaldu•

Bildu•

Twitter• Permalink-a • 4 erantzun

Erantzunak, Pingback-ak:

Bidaltzailea: Ricardo Gómez [Bisitaria] · http://www.blogger.com/profile/3669527

Moito obrigado, Aritz. Eta eskerrik asko, baita ere, bidenabar HiTT taldeak web gunea zuela jakinarazteagatik

2005-12-06 @ 12:17

Bidaltzailea: jozulin [Bisitaria] · http://www.blogger.com/profile/7784989

Ideia bikaina, jakina baita euskaldun bakoitzaren barruan filologo ttiki bat, euskaltzain (oso) ttiki bat eta itzultzaile ttiki bat bizi direla, konpainia noblean.
Agian www.vc.ehu.es/gordailua/ gehitzea ez legoke soberan, armiarman antzeko testuak dauden arren.

2005-12-06 @ 15:55

Bidaltzailea: Ricardo Gómez [Bisitaria] · http://www.blogger.com/profile/3669527

Eskerrik asko, Jozulin.
Oker ez banaiz, EHUko "Euskal testuen gordailua"n zegoen guztia aldatu zen Armiarmako "Klasikoen gordailu"ra, hobetua eta osatua. Beste modu batez antolatu da, RTF bertsioak gehitu, corpusa arakatzeko aukera eman, eta abar.

2005-12-06 @ 18:09

Bidaltzailea: Aritz Irurtzun [Bisitaria] · http://www.ehu.es/hitt/irurtzun.htm

...eta jakina, filoblogia ere jarri beharko litzateke!

2005-12-06 @ 19:18