euskofilia

Euskal Filologia ikaslearen aterpea

2009-09-07

10:55:10, Atalak: euskofilia, Euskarari buruz, internet

Aizkibeli buruzko lana Artxikerren

Ricardo Gómez irakaslearen Euskal Lexikografia ikasgairako egindako lana Artxikerrera igo dut. Hala dio Artxikerreko laburpenak:

Lan hau EHU-ko Ricardo Gómez irakaslearen Euskal Lexikografia ikasgairako egin da. Bertan, José Francisco Aizkibelen Euzkeratik Erderara Biurtzeko Itztegiaren (Diccionario basco-español) eskuizkribua eta urte zenbait igarota Eusebio Lópezek 1883-84 urtean egindako argitalpena konparatu ditugu. Eskuizkribuaren deskribapena egin dugu. Bestalde, Lópezek Koldo Mitxelena Kulturunean gordetzen den eskuizkribua baliatu zuela frogatzeaz gain, hainbat gauza moldatu, erantsi eta zuzendu (okertu ere bai) zituela erakutsi dugu. Azkenik, hiztegiaren edizio kopuruari eta euren arteko desberdintasunei buruzko datu zenbait agertu ditugu.

Aizkibelen Euzkeratik Erderara Biurtzeko Itztegia: eskuizkributik argitalpenera

Zabaldu•

Bildu•

Twitter• Permalink-a • 2 erantzun

2009-07-15

11:55:55, Atalak: euskofilia, Unibertsitatea, interesgarria

2009-2010 Ikasturtean unibertsitate mailako eta goi-mailako beste ikasketa batzuk egiteko izaera orokorreko dirulaguntzak

Eusko Jaurlaritzak atera ditu jada 2009-2010 Ikasturtean unibertsitate mailako eta goi-mailako beste ikasketa batzuk egiteko izaera orokorreko dirulaguntzak, master ofizialak barne. Hemen diuzue webgune lotura:

http://www.hezkuntza.ejgv.euskadi.net/r43-5552/eu/contenidos/informacion/dib2/eu_2033/becas_universitarias_e.html

Eskaerak aurkezteko epea Urriaren 16an amaitzen da

Mila esker Javier Ormazabali informazioagatik.

Zabaldu•

Bildu•

Twitter• Permalink-a • Erantzun

2009-06-09

17:47:07, Atalak: euskofilia, interesgarria, Euskarari buruz

Ahotsak.com langile bila

Badihardugu elkartearen Ahotsak proiektuak hiru langile behar ditu, honakoa egiteko:

Ahotsak proiektuaren barruan, jende nagusiari elkarrizketak egin herririk herri, bideo eta audio pasarteak editatu...
Elkarrizketetan jasotako materiala landu, kodifikazioak eta transkripzioak egin...
Horrekin batera, euskalkien inguruko informazioa bilduko duen Interneteko datu-base bat antolatu eta hornitu.

Gidabaimena beharrezkoa da eta hizkuntzalaritza edo kazetaritza ikasketak hobetsiko dira, horrelakoez gain:

Euskara maila ona.
Euskalkiren baten ezagutza.
Informatika kontuetan eta, batez ere, interneten jantzia izatea.

Urtebeterako kontratu luzagarria eskaintzen dute eta kurrikulumak ekainaren 26a arte ahotsak@ahotsak.com helbidera bidal daitezke

Iturria: Ahotsak.com

Zabaldu•

Bildu•

Twitter• Permalink-a • Erantzun

2009-05-30

19:56:16, Atalak: euskofilia, Unibertsitatea, interesgarria

Nazioarteko sinposioa fakultatean

Izenburua: Tools for linguistic variation / Hizkuntza bariazioa aztertzeko teknologia / Tecnologias para la variación lingüística
Izaera: Nazoarteko siposioa
Noiz: Urriaren 1 eta 2a
Non: Gasteizko Letren fakultatean (EHU)
Antolatzailea: EUDIA ikerketa taldea (EHU)
Matrikulazio prezioa: Uztailaren 1a arte 3€, gero 5€ (Aukera askeko kreditu 1 lortzeko aukera)

Programa eta matrikulazio xehetasunak EUDIAren webgunean

Zabaldu•

Bildu•

Twitter• Permalink-a • Erantzun

2009-05-14

17:37:37, Atalak: Unibertsitatea, interesgarria

Hualderen bisita txistukarien inguruan aritzeko

Datorren ekainaren 15ean, Deustuko Unibertsitatean, Bilbon, 12:00 José Ignacio Hualdek hitzaldia emanen du, Eusko Ikaskuntzak antolaturik. Izenburua, honakoa: Euskal Txistukarien neutralizazioa eta gaztelaniako sisipasa.

Informazio gehiago hemen: http://www.eusko-ikaskuntza.org/eu/cursosyjornadas/listado/object.php?o=17773

Zabaldu•

Bildu•

Twitter• Permalink-a • Erantzun 1

:: Hurrengo orrialdea >>

Kudeaketa

euskofilia

Euskal Filologia ikasleok euskararen, filologiaren eta ikasketen alorrean ditugun galderak, zalantzak, iritziak eta proposamenak botatzeko gunea. (Ekaitz Santazilia)