euskargazki

Euskara eta euskal kultura argazkietan

2007-02-18

14:05:53, Atalak: euskargazki

Google Earth programak eskaintzen duen aukera aprobetxatu dut. Programa honek mundu osoa satelite bidez ikusteko beta ematen digu, bai eta guk nahi ditugun puntuak markatu. Gauzak horrela, nik orain arte Euskargazkin agertu diren leku gehienak bertan sartu ditut eta aldiro leku berriak sartu eta eskainiko ditut. Ahal bezain zehatza izaten saiatu naiz, gehienetan lekua bera topatu eta markatzea lortu dudalarik, eta besteetan gutxi gora beherako kokagunea emanez.

Oroit, lekuak satelite bidez ikusteko Google Earth behar dela. Hemen dohainik eskura dezakezu programa honen oinarrizko bertsioa (aski osoa dena, bide batez).

Arazo bat dago halere. Blogari.net-ek ez ditu Google Earthen artxiboak onartzen, beraz ezin dut fitxaegia hemen sartu zuzenean deskargatzeko. Bide bakarra posta elektronikoa da, hortaz, inork artxiboa nahi badu, hemen mezu bat idatzi eta e-mailez gustora bidaliko diot.

Orain arte hauek daude ikusgai:

Zabaldu•

Bildu•

Twitter• Permalink-a • 3 erantzun

Erantzunak, Pingback-ak:

Bidaltzailea: Luistxo - Tagzania [Bisitaria] · http://www.tagzania.com/eu

Oso lan interesgarria ari zara egiten, argazkiekin, eta baita mapetan kokatzen puntu horiek. Puntuok gorde eta erakusteko modu alternatiboa proposatzera ausartuko naiz, Tagzaniarekin.

Puntu jakin bat Google Earth-en aurkitu eta zure aplikazio zehatzean txintxeta gorde beharrean, sortu kontua Tagzanian (euskaraz ere badago), eta hango irudien gainean saiatu kokatzen. Horrekin, KML-a ere aldi berean sortzen da, eta mapak pegatzeko aukerarekin, Blogari.net-en ere itsatsi dezakezu mapa-leiho bat (KML-a agerian duena), ikusi adibidez Derioko hauen mapa bat:

http://www.blogari.net/tximintx/2007/02/03/korrika_2_0_derio

Dagoeneko fitxategi handi bat baduzu KML horiekin, jarri kontaktuan tagzania a bildua gmail.com helbidearekin, eta puntu guztiak kolpe batean Tagzaniara igotzeko modua egin dezakegu.

2007-02-19 @ 10:44

Bidaltzailea: Ekaitz Santazilia [Kidea] · http://www.blogari.net/euskofilia

Aupa Luistxo!

Mila esker aukera honen berri emateagatik.

Izena eman dut eta jadanik kokagune batzuk sartu ditut. Hone duen arazoa da Google Earthek baino zoom gutxiago duela da, eta erresoluzio gutxiko tokietan (Behe Nafarroa, Xiberoko toki batzuk, Nafarroako batzuk...) ezin dudala puntu zehatza markatu, ez baitut aurkitzen.

Bestetik, eta aldez aurretik nire infrmatika ezagupen urriak agerian utziz, KMLren kontu hori zer den jakin nahi nuke.

Mila esker

2007-02-19 @ 16:26

Bidaltzailea: Luistxo - Tagzania [Bisitaria] · http://www.tagzania.com/eu

Bai, ikusi dut http://www.tagzania.com/user/euskargazki
oso ondo, Egoitz!

Erresoluzio handiagorik ez dago Google Earth-en: irudi sorta eta pixelak berdinak dira, gertatzen dena da zoom egiten distortsio handiagoa uzten dizula Google Earth, baina irudi sorta berak dituzte (Euskal Herrian bederen) Google Maps-ekin alderatuta. Bestalde, kale bilaketak eta bistak ere laguntzen ahal dizu aurkitzeko.

KML-az eta horretaz jardun nahi baduzu, kontaktu zuzena egin dezakegu: idatzi tagzania a bildua gmail.com helbidera.

2007-02-20 @ 10:00

Erantzun:

Kudeaketa

euskargazki

Blog honetan euskararen filologia, hizkuntzalaritza, historia, literatura, kultura eta antzekoekin lotura duten argazkiak aukituko dituzu.

1.- Blogari buruzko oharrak ikusteko, begiratu hemen
2.- Euskargazkiko tokiak satelite bidez ikusteko, begiratu hemen

EKAITZ SANTAZILIA