euskargazki

Euskara eta euskal kultura argazkietan

2009-12-20

16:58:21, Atalak: euskargazki

Euskargazkiren 3. urteurrena

Berriz ere ustekabean pasa zait... Joan den abenduaren 5ean Euskargazkik bere hirugarren urteurrena bete zuen. Nahi baino mantsoago izan arren, argazkiak sartzen jarraitzen dugu. Honako mapan dituzue orain arte sartutakoak:

http://www.tagzania.com/bigmap/user/euskargazki/

Bide batez, erronkariko gabon kanta honen bidez, urte berri on denei:

Gaiare gai ona!
Sortu da Jein ona;
iguzkitik datorke
ekusteko birtute,
Ogi xuria ostiarako,
ardau ona kalitzeko:
ketan bietan konbertitruk
Jesukristo goretako.
Oilarra txuria mundutik,
ainguru onak zeuritik,
gore Jesukristo Jeinaren
grazia mundu guzutik."

Iturria: Euskomedia

Zabaldu•

Bildu•

Twitter• Permalink-a • Erantzun 1

2009-10-11

19:49:03, Atalak: euskargazki, Euskal Herria, Nafarroa, Idazleak, Alexander Tapia Perurena

Alexander Tapia Perurena idazlearen sortetxea

Iruñeko etxe honetan etorri zen mundura Alexander Tapia Perurena (Iruña, 1899/08/11-Iruña, 1957/05/21?) euskal idazlea. Gerra aurreko poetetarik bat dugu Alexander.

Sortetxea Nabarreria kaleko 11.ean dago.

Ikusi halaber:

EUSKARGAZKI (2009/04/25): Alexander Tapia Perurena poetaren hilobia

Alexander Tapia Perurena
Alexander Tapia Perurena (PDF)

Zabaldu•

Bildu•

Twitter• Permalink-a • Erantzun

2009-09-03

01:41:12, Atalak: euskargazki, Euskal Herria, Nafarroa, Ondarea, Bestelakoak, Baroja familiaren Itzeako hilobia

Baroja familiaren Itzeako hilobia

Hilerrian Itzea etxeak bere hilobia du, Berako gainontzeko etxeek bezala. Bertan daude lurperaturik Serafin Baroja Zornoza eta Carmen Nessi Goñi, Pio Baroja, Carmen Baroja eta Ricardo Barojaren gurasoak. Azken hori, Julio Car o Baroja eta Julia Uzcudun, etxeko neskameatrekin batera ere hemen datza.

Baroja familiaren hilarria

Hala dio hilobiak: Aquí yacen don Serafín Baroja y Zornoza ingeniero de minas 1840-1912 R.I.P. Carmen Nessi y Goñi 1849-1935. Oinean honakoa irakutzen da: Julia Uzcudun 1888-1968. Lurreko harlauzetan, honakoa dago: ezkerrekoan; Ricardo Baroja Nessi 1871-1953; eskuinekoan; Julio Caro Baroja 1914-1995.

Itzea etxearen izena

Esan bezala, hilerrian dago hilobia. Berako herritik kanpora dago: San Esteban da kalearen izena. Herrian sartu eta San Estebango elizaren ezkerraldetik abiatzen da kale hori, Irun aldera. Kapera bat du hilerriak eta bertan sarrera bat. Hobe dugu sarrera hori hartu beharrean, hilerriaren bestaldean dagoena hartzea, errepidea piska bat segituz. Ate horretatik sartuta, kapera eskuinean ikusten dugularik, ezkerrera dugun murruari itsasia dago tunba, hilerriaren zaintzaileak tresnak gordetzeko duen etxolaren ondoan. Nahiko egoera kaskarrean dago hilobia, egia esan.

Zabaldu•

Bildu•

Twitter• Permalink-a • Erantzun

2009-09-02

11:59:01, Atalak: euskargazki, Euskal Herria, Nafarroa, Ondarea, Itzea: Barojatarren etxea

Itzea: Baroja familiaren etxea

Beran dago etxe hau eta XVII. mende hondarrean eraikia da. 1912. urtean Pio Bar oja Nessik erosi zuen eta geroztik familiaren etxea da. Carmen Nessi ama, Serafin Baroja Zornoza aita (etxea erosi zuten urtean hil zen), Ricardo Bar oja Nessi anaia, Carmen Bar oja Nessi arreba eta Julio Ca ro Baroja eta Pio Ca ro Baroja ilobak etxe horretan bizi izan dira. Egun Baroja familiaren ondarearen gordeleku da.

Itzeako ataria

Etxea aurkitzeko, herria zeharkatzen duen errepidea hartu eta bidegurutzean Ibardinerako bidea hartuko dugu (ez Lizuniagakoa), NA-1310 errepidea, alegia. 100 bat metrotara, eskuinaldean aurkituko dugu, izen bereko auzoan eta Xantelerreka errekaren ondoan.

AUÑAMENDI: Itzea

Zabaldu•

Bildu•

Twitter• Permalink-a • Erantzun

2009-08-19

21:36:11, Atalak: euskargazki, Euskal Herria, Nafarroa, Euskalariak, Idazleak, Polikarpo Iraizozkoa

Aita Polikarpo Iraizozkoaren sortetxea

Iraizotz herriko etxe honetan sortu zen Agustin Zarratz Bermejo, Aita Polikarpo Iraizozkoa (Iraizotz, 1897-01-31/Lekarotz, 1980-01-05) apaiz kaputxinoa.

Euskatzain izendatu zuten eta bere lana literaturaren bidetik eta filologiarenetik egin du; itzultzaile ere ibili zen. Filologia erromanikoa ikasi zuen Suitzan. Olerkia eta prosa landu zituen, gai erlijiosoarekin usuen. Hizuntzalaritzan euskararen historiarekin lotutako kontuak jorratu zituen, ondarea biltzearekin batera.

Etxea herriko eskola izandakoa da eta azpiko oroigarriak hori agertzen du: AVE MARIA PURISIMA / ENSEÑANZA DE NIÑOS / A ESPENSAS DE MIGUEL ARISTREGUI Y CIGANDA / AÑO 1828.

Oroigarri zaharra

Baina berriki Polikarpo Iraizozkoaren omenez beste oroigarri hau ezarri zen: AITA POLIKARPO IRAIZOZKOARI / ULTZAMAKO UDALAK / IRAIZOZKO HERRIAK / eta EUSKALTZAINDIAK / 1897-1997.

Oroigarri berria

Etxea aurkitzea erraza da, nahiz eta ezkutatua egon. Errepidetik Iraizozen sartu eta herriko plazara ailegatuta, iturria, ostatua eta frontoia aise ikusiko ditugu. Frontisa etxearen paretetako bat da, beraz, aski dugu frontoiaren atzean begiratzea etxea aurkitzeko.

Aita Polikarpo Iraizozkoa BIDEGILEAK (PDF)

Zabaldu•

Bildu•

Twitter• Permalink-a • Erantzun

:: Hurrengo orrialdea >>

Kudeaketa

euskargazki

Blog honetan euskararen filologia, hizkuntzalaritza, historia, literatura, kultura eta antzekoekin lotura duten argazkiak aukituko dituzu.

1.- Blogari buruzko oharrak ikusteko, begiratu hemen
2.- Euskargazkiko tokiak satelite bidez ikusteko, begiratu hemen

EKAITZ SANTAZILIA