Bilbo Zaharra

Uda hasita, lehen bertso afaria antolatuko du Ibaizabal Mendebalde Elkarteak tokiko telebistaren alde larunbat honetan, ekainak 23, Kalderapekon.

Bertsolariak Oihana Bartra, Harkaitz Estiballez eta Fredi Paia izango dira, Uxue Alberdi gai-jartzaile arituko delarik.

Sarrerak Kalderapekon bertan eskura daitezke.

 Badator tokiko telebista!

Bilboko Kafe Antzokian, ekainaren 21ean

ELKARLAN euskaltegiok ( Bilbo Zaharra, Gabriel Aresti eta Juan Mateo Zabala) euskara ikasi duten eta ikasten ari diren guztiei zorionak eta eskerrak emateko euskara ikasleen jaia antolatu dugu ekainaren 21ean Bilboko Kafe Antzokian, 19:30.

Emandako pausoa ospatu, aurrean ditugunak txalotu eta euskaldunok osatzen dugun komunitatera ongietorria emateko, jai ekitaldia antolatu dugu:

• Bertsolariak
• Antzerkia
• Kantariak
• Testigantza
• Euskalduna agiriaren banaketa
• Aurreskua
• Luntxa
• Erromeria

Zatoz gurekin ospatzera!

Udarekin batera, esku artean dugu, labetik atera berri, Bilbo Zaharra euskaltegiaren BARRA-BARRA aldizkariaren 13. zenbakia.

Eduki freskagarriz beterik iritsi zaigu udako ale hau:

• Afrikako bizipenak kontatuko dizkigu Amaia Untzueta ikasleak, Garapenerako lankidetzan sei urte eman ondoren kontinente beltzean.
• Dolores errusiarra dugu, ama Bilbotik atzerriratutako "gerrako umea". Euskal Herrira itzultzearen arrazoiez mintzatuko zaigu.
• Klima aldaketaz jardungo zaigu Andoni Llosa.
• Joseba Zulaikaren artikulua: Lauaxeta, Etxebarrieta, Yoyes. Sujetu Abertzalearen Bidegurutzeak. Maiatzean eskeinitako hitzaldia entzuteko aukera izan genuen Euskaltzaindiaren egoitzan, Bilbo Zaharra Forumen eskutik.
• Beti bezala, Mikelen txokoak ez du huts egiten.
• Argazkiak: Berbaldun: Gorbeiara irteera / Ikasleak / Idazlan lehiketako sari banaketa euskaltegiaren txokoan.

Hauxe da Nafarroara egingo dugun irteeraren ibilbidea:

Nafarroara irteera map - Tagzania