Tisu!

Larunbatean Zorrontzan egon ginen lagun bat eta biok eta benetan primeran pasatu genuen. Lagun onekin egon, ikusi nahi ez duzun pertsona ikusi, neska jator batzuk ezagutu, sarrera honetako protagonistaren begiradaz gozatu... Denetarako aukera egon zen.

Hasteko tamalez azal zuriko neska ikusi nuen, txosnetan gurutzatu ginen baina ez dut uste ikusiko ninduenik. Bestaldetik ez nuen Galdakako Kubelik andereñoa ikusterik izan. Azaldu behar da Kubelik andereñoa Apartamendua-ren koprotagonista zela, emakume polita, ixila, fidela eta zintzoa. Nola ez neu Mungiako C.C.Baxter nintzateke, beti galtzaile, beti zuzenena egiten bere buruari kalte eman arren. Bere lagunak ikusi nituen baina bera ez, beharbada onena da, behin gaizki portatu nintzen berarekin eta aukera txikiren bat baneukan, betirako galdu nuen.

Ohitura denez orain benetan ikusi nuen neska dator, ez zen edonolako neska izan baizik eta ilehori eder bat. Lagun batekin geratu nintzen Zornotzan eta ilehori hau aurkeztu zidan. Ikusi nuenean arnasa ere joan zitzaidan, beltzez jantzita, irri gozo batek argituta, bere eskotea kasik nire irudimena bezain zabala zen, alegia neska potentea. Pixka bat beranduago lagun horrek kuadrilako beste neska denak aurkezten ziharduelarik norbait hasi zitzaidan ilean ibiltzen, atzera begira eta hor zegoen ilehoria, irritxo pikaro batekin, emakume italiar oparo horietako bat ematen zuen. Ezin dut gogoratu zer esan nion, baina berak erantzun zidan holako kizkurretan ibiltzea gustatzen zitzaiola. Geroago jakin dut pelukera dela, beharbada "interes profesionala" izan zen nire ilean ibiltzera bultzatu zuena eta ez nitaz sentitu omen zuen pasio itogarri beroa. Ez nekien zer egin, ez nekien zer pentsatu, eta betikoa egin nuen: ezer ez. Gauean beranduago berriro egon nintzen nire lagun horrekin eta barneratuta nuen erasotzeko asmoa, baina tamalez patuak ez zidan aukera hori eskeini nahi izan. Neska ez zen inondik agertu eta gogoarekin gelditu nintzen. Beharbada datorren asteburuan Zorrontzara hurbiltzen den jendeak Etxekalte desberdin bat ikusiko du...