egizu getxo euskaldun

Irailaren 14an Pirritx, Porrotx eta Marimotots izango ditugu Areetako Xake Plazan. Bi saio eskainiko dizkigute; lehenengoa, 16:30tan eta bigarrena, 19:00etan.
Sarrerak salgai egongo dira irailaren 2tik aurrera. Bizarra Lepoaneko bazkideek bina sarrera edukiko dituzte 3 eurotan (Bizarra Lepoaneko bulegoan bakarrik); lagunek 4 euro ordaindu beharko dute sarrera bakoitzeko.

Hasi abestiak buruz ikasten eta irri egiten!!!

Sarrerak salgai:

Bizarra Lepoan elkartearen bulegoan: Martikoena kalea 16, 2. solairua, 4. bulegoa; Algorta 688 687 826

Ordutegia: egunero 10:00-11:30 & 12:00-13:30, astearte & ostegunetan ere 17:00-18:30

UKtest txalaparta elkartearen bulegoan: Basagoiti kalea z/g, behea; Algorta 656798622

Ordutegia: irailaren 2an 17:00etatik aurrera

Lauaxeta AEK euskaltegiaren bulegoan: Iparbide 6, behea; Algorta 94 430 47 34

Ordutegia: irailaren 2tik aurrera 11:00etatik 13:00ak arte & 17:00etatik 19:00ak arte (ostiraletan arratsaldez itxita)

Kukupraka ludotekan: Areetako Eskoletako Plaza; Areeta 94 466 03 55

Ordutegia: irailaren 3an 10:30-13:30; 7tik 13ra 10:00-12:00; irailaren 7an ere 17:00etatik 19:00etara

Otsailean gaude eta SENDI proiektuaren jarduerak datoz. Umeekin euskaraz ondo pasatzeko gunea izan nahi dute hauek, gozatzeko aukera, gauza berriak probatzeko parada.

Hizkuntza, erabiliaren erabiliaz, beraz osatzen da giza taldeetan. Hortaz, guztiz garrantzizkoa da familiak umeari laguntzea, haurraren hizkuntza egokia eta osatua izan dadin. Gogoan har dezagun, bestalde, pentsamendu argia hitzen bidez adierazitako pentsamendua dela.

Haurrek ez digute goi-mailako saiorik eskatuko, ipuinak kontatzen ditugunean bezalaxe ikusi nahi gaituzte lotsa alde batera utzita eta sentibera.

"Euskara ere eman" gidaliburutik atera dugu pasarte hau, gomendagarria benetan.

1.- Kamiseta-tailerra (euskaraz)
5 urtetik gorako umeentzat eta gurasoentzat da. Ume bakoitzak etxetik eramango du kamiseta zuri bat eta irakasleen laguntzarekin pintatu eta diseinatuko du. Horretaz gain, nahi dutenek aurpegia ere pintatu ahal izango dute.

Noiz: otsailak 5, ostirala + 17:00etan
Non: Areetako Ludoteka (Eskoletako plaza)
Matrikula: doan
Ume-kopurua: 30 gehienez
Izena emateko epea: otsailaren 4ra arte

2.- Arte-tailerrak: zirkua (euskaraz)
Haurrentzat erakargarria den zirkuaren gaia jorratuko dugu, irudimena eta proportzioa lantzeko hainbat teknika erabilita. Gurasoen laguntzarekin batera ume bakoitzak zirku bat egingo du eta zirkuko pertsonaiak ere sortuko ditu.

Non: Zirri-Marra arte-tailerra: Anboto 2, Getxo (sarrera Aingeruaren etorbidetik)
Ume-kopurua: 12 ume gehienez tailer bakoitzean
Izena emateko epea: otsailaren 5era arte
Begirale-zerbitzua: aurretik abisatu
Matrikula: doan

Umeen adina: 3-5 urte
Noiz: otsailak 9, asteartea + 18:00-20:00

Umeen adina: 6-8 urte
Noiz: otsailak 10 eta 17, asteazkenak + 18:00-20:00

3.- Mozorro-tailerra (euskaraz)
Garazi eta Fatimaren laguntzarekin 7 urtetik gorako umeek, gurasoekin batera, pinguino eta mosketari mozorroak egingo dituzte. Aurtengo inauterietan erabiltzeko aproposa!

Noiz: otsailak 8, astelehena + 17:30-19:30
Non: Gobela ikastolako jantokia, Neguri
Matrikula: doan
Ume-kopurua: 20 ume gehienez
Izena emateko epea: otsailaren 5era arte
Begirale-zerbitzua: 7 urtetik beherakoentzat (aurretik abisatu)

4.- Argazkigintza digitala tailerra (euskaraz)
Gurasoek eta 10 urtetik aurrerako gaztetxoek Gimp programaren oinarrizko ezagutzak jasoko dituzte Josemi irakaslearen eskutik. Gauza bitxiak ikusi, ikasi eta praktikara eramango dituzte. Komiki bat egiten ere ikasiko dute denon artean. Komikiak ikusgai jarriko ditugu Aldai Patronatuan.

Noiz: otsailak 22 eta 24, astelehena eta asteazkena + 18:30 - 20:00
Non: San Nikolas ikastola, Algorta
Matrikula: doan
Ume-kopurua: 15 gehienez
Izena emateko epea: otsailaren 18ra arte
Begirale-zerbitzua: 10 urtetik beherako umeentzat (aurretik jakinarazi)

5.- Eski-asteburua getxoko familientzat (euskaraz)
Iraupen-eski ikastaroa egingo dugu bi taldetan banatuta: hasiberriak eta esperientziadunak, denok elkarrekin, gurasoak eta umeak. Euskaraz bizitzeko asteburu aparta!

Noiz: martxoak 5-7 (ostiraletik igandera arte)
Non: Somporteko eski estazioan. Jakako Oroel hotelean 2 gauak pentsio erdian.
Eski-ikastaroa: 2 ordu egunero (larunbata eta igandea)
Matrikula: 135 € (105 € Gurasolagunentzat) Deskontu berezia umeentzat.
Izena emateko epea: otsailaren 24ra arte

Umeak euskaraz, eta zu?
Dakizun euskara erabiltzeko, beste guraso euskaldunak ezagutzeko, hizkuntza ohiturak aldatzeko... Izan zaitez zeu ere Gurasolaguna!

+ Eskolatik edo zure etxetik hurbil
+ Begiralea zure umea(k) zaintzen
+ Koordinatzaile baten laguntza
+ Talde txikietan eta doan
+ Astean ordubetez
+ Nahi duzun eguna, ordua eta lekua

Zuretzat, euskara doan
Orain baduzu beste arrazoi bat euskara ikasten jarraitzeko, Getxoko Udalak diru-laguntza bereziak dauzka zuretzat, baldintza hauek betez gero:

+ Getxon bizi bazara
+ 12 urte edo gutxiagoko umerik baduzu
+ Edozein euskaltegi homologatutan
+ %85eko gutxieneko asistentzia

----------------------------------------------------------
Harremanetarako:
Karitate kalea 1, sotoa - 10. bulegoa 48991 GETXO
94 491 4357 | 685 73 29 63 (Lander)
www.blogari.net/sendi - sendigetxo@yahoo.com

SENDI 2010eko otsaileko jarduerak // Actividades en febrero

Euskaraz berba egiteko lagunik gura duzu?
Euskaldunon sarea zabaltzen boluntarioa izan gura duzu?




Gura baduzu nahikoa da astean ordubete libre izatea.
Euskaraz berba egiteko talde txikiak sortuko ditugu eta parte har dezakezu! Jariotasunez hitz egiten duten eta mintzapraktika behar duten lagunekin elkartuko zara eta taldekideekin erabakitzen duzuen lekuan bilduko zarete. Antolatzen ditugun txango, merienda, hitzaldi, tailer, afari eta gainerakoetan parte hartu ahal izango duzu. Honekin batera, gurasolaguna izateko aukera badago haurrak zaintzeko begirale zerbitzuarekin batera.
Izena emateko epea Urriaren 1 etik 30era izango da.

Honako hauek izango dira luzatu beharreko datuak:

Izen-Abizenak
Helbidea
P.K.
Herria eta auzoa
Telefonoa edota Mugikorra
Adina
E-posta
Gura duzun ordutegia (zein ordutan elkartu ahal zaren taldearekin)

Anima zaitezte! Herriko euskaldunak harremanetan jarriko gara euskaldunon mundua ikusgarri egingo dugularik!!

Berbalaguna programan parte hartzeko matrikula zabalik egongo da urrian zehar eta talde berriak azaroaren lehenengo astean hasiko dira elkartzen.

Iaz 200 lagun inguru ibili ginen Getxon, parte hartzeko prest? Euskaraz ederto dakiena hain ondo egiten ez duenarekin elkartuko ditugu, euskaldunon arteko sarea handitu eta sendotu behar dugulako.

Berbalagun batzuek iada izena eman dute, dena den, hilabete osoan zehar epea zabalik egono da, bulegoan zein telefonoz. Fitxan zehaztu zein egun eta ordutan datorkizun ondoen.

Zalantzak edo ekarpenak izatekotan badakizue non gauden!

           

Irailaren 26an 9:00etan lotuko gara Algortako metroko plazako parkinean. Elosura joango gara autoz eta buztingintza museoan bisita gidatua egin ostean Landatik paseotxo bat ematen abiatuko gara.

Museoari buruzko informazio zehatzagoa gura duenak eskuragarri dauka euren web gunean (www.euskalzeramika.com). Eta museoan bertan zer edo zer erosteko aukera ere izango duzue!

Zuk zer egingo duzu? Izena emateko deitu eta autoena lotuko dugu (619935541).