egizu getxo euskaldun

Argazkia: Gorka Palazio

Orain dela aste pare bat Kepa Altonaga izan genuen Uribe Kostako irakurzaleen txokoan, bere azken saiakera-liburuari buruz hitz egiteko. Liburua irakurri duzuenok eta irakurri ez duzuenok ere hementxe duzue igande honetako Berrian Bixente Serrano Izkok egindako kritikaren pasarte bat, osorik estekan duzue:

Lotilandiako lozorro luzea:

"Altonagaren bertze obrak irakurri dituenari, hala nola Etxepare edo Arman Davidi buruzkoak, haien paragrafo batzuen oihartzuna helduko zaio Darwin geurean honetan. Haietatik abiaturik paratu du saiakera berri hau, biziki interesgarria, euskara duin, dotore eta jasoan idatzia, atseginez irakurtzeko modukoa.

Eta, orobat erran behar, biziki eskertzekoa ere bai, Euskal Herriko unibertsitateetan hain ikerketa-lan gutxi egin eta plazaratzen direnean euskaraz. Kepa Altonaga eta bertze gutxi batzuk ditugu ohorezko salbuespen, nekez zabalduko direnak, segurik, Bolognako planek curriculum akademikoetarako ezarririko baldintza berrietan, gure unibertsitateek ez badituzte neurri sendoak asmatzen euskara are baztertuago geldi ez dadin."

Kepa Altonaga biologoa eta idazlea da, eta dibulgazio zientifikoaren bidean egin eta egiten dio ekarpena euskarazko literaturari. Horren adibide dira honako lanak: "Folin markesa: marraskiloak eta euskaldunak uharte galduan" (1998, Elhuyar), "Armand David, pandaren aita" (2001, Elhuyar), "Etxepare Aldudeko medikua" (2006, Euskaltzaindia-EHU), eta aurtengo bere azken lana, "Darwin geurean" (2010, Pamiela).



Bihar arrastian Uribe Kostako irakurzaleen txokoan gonbidatu dugu Kepa. "Darwin geurean" saiakeran Darwinen teoriak gurean izan zuen oihartzuna eta eztabaida mahai gainean ipini ditu Loiuko idazleak. Horixe izango dugu berbagai bihar, arrastiko 20:00etan Algortako Aldai Patronatuan. Animatzen bazara, badakizu non egongo garen.



Keparena ikasturte honetako azken saioa izango da, irailean energiaz beterik bueltatuko gara :) Uribe Kostako irakurzaleen txokoan!

Narrazioa
EGIA, Lutxo: Zubigilea, Susa, 2007.
MUÑOZ, Jokin: Bizia lo, Alberdania, 2003.

Saiakera
ARREGI, Joxe & JIMENEZ, Edorta: Jainkorik bai ala ez? Erlijioari buruz aztabaidan, Elkar, 2007.
HAINBATEN ARTEAN: Koldo Mitxelena. Gizona eta hizkuntza, Erroteta, 2007.

Itzulpenak
HAWTHORNE, Nathaniel: Wakefield, Alberdania & Elkar, 2007 (euskaratzailea, Koro Navarro).
SALINGER, J. D.: Zekale artean harrapaka, Elkar, 1991(euskaratzailea, Iñaki Iñurrieta).

Poesia
SARASOLA, Beñat: Kaxa huts bat, Susa, 2007.

7 urtetik aurrera
SANTISTEBAN, Karlos: Jostailu zahar jostailu berri, Desclée, 2007.

8 urtetik aurrera
DUESO, Antton: Fermintxok ez du gezurrik esaten, Desclee, 2007

10 urtetik aurrera
ARANA, Aitor: Lagun berezi bat, Ibaizabal, 2007.

Gazte literatura
AZKUNE, Iñaki eta ARRIETA, Jesus Maria: Amaia, Ekilore, 2006.
STINE, R.L: Hil ala bizi, Elkar, 2007 (euskaratzailea, Itziar Otegi).

Komikiak
BERZOSA MARTINEZ, Migel: Arrupe, besteei emandako gizona, Gero, 2007.

Aste honetan egun bateko atzerapenarekin gatoz. Gure "stock"eko hainbat liburu eraman genituen larunbateko bazkarira zuen artean banatzeko, eta gaur goizean txukundu ahal izan ditugu, argazkiak egin, publikatu eta hona ekarri. Ea gustuko zer edo zer topatzen duzuen, eta herriko plaza eta parkeetara eramaten dituzuen liburu berriak, udaberrian literatura kalera!



Apirilak 27

Narrazioa
MUÑOZ, Jokin: Antzararen bidea, Alberdania, 2007.
ZALDUA, Iban: Itzalak, Erein, 2004.

Saiakera
ASURMENDI, Mikel: Komatxo artean 1. Elkarrizketa Literarioak 2000-2006, Utriusque Vasconia, 2007.
ASURMENDI, Mikel: Komatxo artean 2. Mahai-inguruak 2000-2006, Utriusque Vasconia, 2007.

Itzulpenak
SEPULVEDA, Luis: Kaio baten historia eta hegan egiten irakatsi zion katuarena, Alberdania, 2007 (euskaratzailea, Jesus Mari Mendizabal “Bizargorri”).
KRISTOF, Agota: Atzo, Alberdania & Elkar, 2003 (euskaratzailea, Eskarne Mujika Gallastegi).

5 urtetik aurrera
LLUCH, Josep & CAPDEVILA, Roser: Loreren beldurrak, Ttarttalo, 2007.

6 urtetik aurrera
Peinador Arbiza, Ángeles: Landako sagua eta hiriko sagua. Ezkila-lore. Elurretako erregina. Printze zoriontsua, Aizkorri, 2007.

8 urtetik aurrera
VI-MAKOME, Inongo: Mahemoren ametsa, Desclee, 2007 (euskaratzailea, Lurdes Auzmendi).

10 urtetik aurrera
AGIRRE, Katixe: Paularen seigarren atzamarra, Elkar, 2007 (ilustratzailea, Patxi Gallego).

Gazte literatura
AlcAntara, Ricardo: Deabruaren eztena, Ibaizabal, 2007 (euskaratzailea, Aitor Arana)



Oraindik ez dakizu zelan funtzionatzen duen honek?
Bai, liburuak oparitu egiten ditugu. Liburu gehienak berriak dira, eta baten bat bigarren eskukoa topatuko duzu. Berbalaguna bazara edota Bizarra Lepoan elkarteko bazkidea bazara, esan zein nahi duzun, eta zuretzat gordeko dugu bulegoan (Karitate kalea 1, 10. bulegoa Algorta / 94 491 4357).

Zergatik eta nola?
Bada, berbalagun eskuzabal batek eta elkarteko lagun batek oparitu dizkigute liburuok, eta hemendik aurrera, astero, eskaintza zabalduko dugu. Eleberriak, ume zein helduentzako liburuak, poesia, saiakera, komikiak... Adi ibili eta gustuko zerbait badago, esan! Era berean, etxean oparitu nahi duzun libururik baduzu, ekarri gurera, eta sistema bera erabiliko dugu banatzeko eta jende gehiagorengana iristeko.

Hementxe duzue aste honetako zerrenda; liburuak ez dira agortu, ez horixe, eta hemen izango gaituzue, oparitzeko zer edo zer dugun arte.



Apirilak 20

Narrazioa
GORROTO, Mikelats: Azalore atomikoa, Hiria, 2007.
OÑEDERRA, Lourdes: Eta emakumeari sugeak esan zion, Erein, 1999.

Biografia
IRIGOIEN, Ana: Frida Kahlo, Elkar, 2007.

Saiakera
ETXEBARRIA, Guillermo: Joaquín de Alcibar-Jauregui eta Acharan 1746-1810 eta Grand tourra (1772), Erroteta, 2007.
PERRAULT, Gilles: Bi epaile frantziarrentzako eskutitza, Txalaparta, 2007 (euskaratzailea, Zorion Zamakona).

Itzulpenak
STEHNDAL: Parmako kartusia, Alberdania & Elkar, 2007 (euskaratzailea, Jon Muñoz).

Poesia
OTXOTEKO VAQUERO, Pello: Goizalbaren argitan, Erein, 2007.

3 urtetik aurrera
MULLER, Gerda: Marilitxar eta hiru hartzak, Ttarttalo, 2007.

5 urtetik aurrera
DE PÉTIGNY, Aline eta DELVAUX, Nancy: Kamile. Eskolan da berriro, Ttarttalo, 2007.
MACHADO, Ana María: Abelin eta euria, Ibaizabal, 2007 (ilustratzailea, Paula Alenda).

6 urtetik aurrera
KAZABON, Antton eta MORENTE, Enrique: Elorriren irribarrea, Ibaizabal, 2007.
GARCÍA FERNÁNDEZ, Ada: Errauskine. Edurne zuri. Erpurutxo. Alizia lurralde miresgarrian, Aizkorri, 2007.

8 urtetik aurrera
SCHUBERT, Ingrid + Dieter: Pirata zaharra, Ttarttalo, 2007.
MAZALI, Gustavo & BERNATENE, Poly: Andersen ipuinak, Ttarttalo, 2007.

10 urtetik aurrera
ARISTI, Pako: Miren nunca mais!, Elkar, 2007 (ilustratzailea, Eider Eibar).
BIDAURRAZAGA, Eguzkiñe & GAZTANBIDE, Iban: Herri zaporea. Brasil. “Okilaren etxetxo horia”, Desclée, 2007.

Gazte literatura
ZALDUA, Iban: Ile luzeen kondaira, Pamiela, 2003 (ilustratzailea, Asisko Urmeneta).
KAZABON, Antton: Atearen atzean, Elkar, 2007.





Oraindik ez dakizu zelan funtzionatzen duen honek?
Bai, liburuak oparitu egiten ditugu. Liburu gehienak berriak dira, eta baten bat bigarren eskukoa topatuko duzu. Berbalaguna bazara edota Bizarra Lepoan elkarteko bazkidea bazara, esan zein nahi duzun, eta zuretzat gordeko dugu bulegoan (Karitate kalea 1, 10. bulegoa Algorta / 94 491 4357).

Zergatik eta nola?
Bada, berbalagun eskuzabal batek eta elkarteko lagun batek oparitu dizkigute liburuok, eta hemendik aurrera, astero, eskaintza zabalduko dugu. Eleberriak, ume zein helduentzako liburuak, poesia, saiakera, komikiak... Adi ibili eta gustuko zerbait badago, esan! Era berean, etxean oparitu nahi duzun libururik baduzu, ekarri gurera, eta sistema bera erabiliko dugu banatzeko eta jende gehiagorengana iristeko.