egizu getxo euskaldun

Atzo Jose Mari Carrere eta Antton Irusta aritu ziren helduentzako ipuinak kontatzen Algortako Piper´s tabernan, gaur, ordea, Romora joan da ipuinen epizentroa, goizean Antton Irusta eta arrastian Iñaki Lasa izango ditugu.





Egitaraua:

Otsailak 17 | Algorta
10:30ean Jose Mari Carrere Piper´s tabernan
18:00etan Antton Irusta Piper´s tabernan

Otsailak 18 | Romo
8:30ean Antton Irusta Santa Eugenia Kultur Etxean
10:30ean Antton Irusta Santa Eugenia Kultur Etxean
16:00etan Iñaki Lasa Santa Eugenia Kultur Etxean

Eskerrik asko honetan lagundu diguzuen guztioi, Piper´seko lagunei bereziki :)

Jardueraz jarduera gabiltza otsailean zehar, guraso eta umeekin txokolatezko kirikiñoak egin genituen hilaren 13an, Ainhoak ondo erakutsi zigun bezala.

    

Aste horretan bertan Doro Zobaran ipuin-kontalari busturiarra ere gurean izan zen, eta barruko umea ateratzen lagundu zigun. Barre ederrak entzun ziren Algorta eta Romoko kultur etxeetan.

 

Literaturarako tartea ere izan genuen, Iratze Ormatza bakioztar idazlea gonbidatu genuen. Bere lehenengo bidaia-liburuaz berba egin zigun. Hunkigarria izan zen zelan kontatu zigun kanpo eta barneko bidaia, gauzak, jendea, lekuak zelan bizi zituen, literaturak eman dezakeen indar eta bizipoza, eskerrik asko, Iratze!

    

Eta azkenik, konpartitu nahi ditugu zuekin zapatuan mendian egindako ibilbideak eta argazkiak, batzuk nahikotxo nekatu ginen baina hurrengoan ere joango gara, nola ez!

    

Doro Zobaran Busturitik etorriko da otsailaren 12 eta 14an Getxora, ipuin kontalari honek helduentzako saio bereziak eskainiko ditu Algortako Villamonte Kultur etxean asteartean, 10:00, 17:00 eta 20:00etan; Romoko Santa Eugeniara, aldiz, ostegunean joango da goizeko 11:00etan. Saio irekiak dira eta denok zarete ongietorriak, nahiz eta guk herriko 3 euskaltegietako ikasleak modu bereziagoan gonbidatzen ditugun.

Datorren astean, hilaren hirugarrena izanda, mendira joango gara. Aratz igoko dugu zapatuan. Betiko legez Algortako Telletxeko parkinean geratuko gara 8:30ean. Etortzekoa bazara aldez aurretik abisatu telefonoz (619 935 541) edo posta elektronikoz egizugetxo@yahoo.com.

Hasteko urte berri on, isil-isilik egon gara blogean abenduaren erdialdetik. Getxoko kaleetan, berriz, berba eta berba jo eta su aritu gara. Talderik talde bisitak hasi ditugu, talde nahikotxo direnez eta berbalagun mordoa zaretenez hilabete osoa emango dugu talde guztietara iristeko, zuei denoi bisita egin ahal izateko.

 

Datuen errepasoa egin dugu eta hauexek dira: Berbalagunak 92, Gurasolagunak 38, Mendi taldekoak 22 eta talderik gabekoak 11, Guztira 163 lagun (152 parte hartzen dutenak) eta taldeak 26: 17 berbalagun talde, 7 gurasolagun talde, pala talde 1 eta mendi taldea. Pozik eta harro egoteko lagun taldea dugu Getxon, ZORIONAK DENOI!



Mendi taldea aipatuta, irteera egingo dugu datorren zapatuan, Arabara joango gara, Toloño mendialdera bertako Palomaresera igotzeko. Ibilbide gogortsua da Josu Esnaolaren esanetan, ea eguraldiak laguntzen duen. Urtarrilaren 19an, 8:30ean Telletxe kaleko parkinean geratuko gara. Gogotsu bazaudete, deitu!

Hilaren amaieran ere aukera izango dugu elkartzeko, Doro Zobaran ipuin kontalaria gonbidatuko dugu Algorta zein Romora etortzeko, helduentzako saioa eskainiko baitigu. Udal euskaltegiak ere antolatu du Jon Maiaren Apaizac obeto emanaldia Villamonten urtarrilaren 23an, bertan ere egon gaitezke.

Urtero herriko elkarteen artean antolatzen dugu txikitxuentzako sua Algortako San Nikolas plazan, argazki batzuk egin ditugu eta ikusgai daude HEMEN. Hor izan bazarete eta argazkiak badituzue bidali egizugetxo@yahoo.com helbidera eta gure albumean ipiniko ditugu.



Eskerrik asko denoi egindako lanagatik, ederto pasa dugu. Hurrengo urtera arte!