egizu getxo euskaldun

Atzo egin genuen bizikleta-taldearen lehen bilera-merienda eta 20 lagun batu ginen Aldai Patronatuan (pena ez genuela lehen talde-argazkia egin): batzuk gazteak, beste batzuk esperientziadunak, neskak eta mutilak, sasoiko daudenak eta berde gabiltzanok, gehienak getxoztarrak baina Ezkerraldeko ordezkaritza majoarekin, eta baten bat bizikletaz ere agertu zen (oso ondo!).

Taldeak uste baino arrakasta handiagoa izan du eta une honetan 36 lagun gaude zerrendan; dena den, eta atzo esan bezala, zeernda irekita dago eta zuen inguruko besteren bat gehiago animatzen bada, esan eta zerrendan jarriko dugu.

Taldearen filosofia, helburua eta dinamika zein den oraindik ere ez dakizuenok, labur esanda hauxe da: lehiarik gabeko taldea, euskaraz, jendea ezagutzeko eta kirol apur bat egiteko hilean behin trafiko gutxiko Getxo inguruetan.

Irteeren egutegia denon artean osatzen joango gara, lehena urriaren 2an izango da, eta ibilbidea kontsultatu daiteke hemen: http://www.bikemap.net/route/683565

1. bizikleta-irteera: Algorta-Bilbo-Algorta

Noiz: urriak 2

Noiz: 9:00etan Telletxeko aparkalekutik irten

Kaskoa buruan bertan lotuko gara

Getxora ere etorri dira Porrotx, Marimotos "Irrien lagunak" ikuskizunarekin. Emanaldi bi izan ziren atzo Areetako Xake enparantzan, 16:30ean eta 19:00etan. Guztira 2.500 zale batu ginen dantzatzeko eta kantatzeko.



Bizarra Lepoaneko kideek (horien artean Bapirukeko begirale martxosoenek) eskerrik asko erraldoia bidali diete antolakuntzan parte hartu duten lagun guztiei: Uktest txalaparta elkartea, Lauaxeta AEK, Kukupraka ludoteka, Getxoko Udala, Garazi, Maria, Maialen K, Kepa, Andrea, Irune, Peio, Maialen A, Ainhoa, Iñigo, Luzia, Karlos, Ziortza, Irantzu, Rozio, Iñaki eta Lander.

Proposamen bikoitza dugu bizikleta maite duzuenontzat: bizikleta-taldea eta bizikleta-asteburua.

Dakizuenez, ikasturte berriarekin batera bizikleta-taldea ere martxan jarriko dugu. Jende asko animatzen ari da eta oraindik garaiz zabiltzate interesa izanez gero. Aurkezpen-bilera irailaren 22an egingo dugu, 20:00etan, Aldain, eta bertan azalduko dugu den-dena. Hala ere, interesa baldin baduzue, idatzi edo Landerri deitu (685 732 963).

Bizikleta-asteburua Ungari mendi-taldeko lagunek antolatu dute irailaren 24tik 26ra eta Bardeetara joango dira. Animatu eta izena eman!

Irailaren 14an Pirritx, Porrotx eta Marimotots izango ditugu Areetako Xake Plazan. Bi saio eskainiko dizkigute; lehenengoa, 16:30tan eta bigarrena, 19:00etan.
Sarrerak salgai egongo dira irailaren 2tik aurrera. Bizarra Lepoaneko bazkideek bina sarrera edukiko dituzte 3 eurotan (Bizarra Lepoaneko bulegoan bakarrik); lagunek 4 euro ordaindu beharko dute sarrera bakoitzeko.

Hasi abestiak buruz ikasten eta irri egiten!!!

Sarrerak salgai:

Bizarra Lepoan elkartearen bulegoan: Martikoena kalea 16, 2. solairua, 4. bulegoa; Algorta 688 687 826

Ordutegia: egunero 10:00-11:30 & 12:00-13:30, astearte & ostegunetan ere 17:00-18:30

UKtest txalaparta elkartearen bulegoan: Basagoiti kalea z/g, behea; Algorta 656798622

Ordutegia: irailaren 2an 17:00etatik aurrera

Lauaxeta AEK euskaltegiaren bulegoan: Iparbide 6, behea; Algorta 94 430 47 34

Ordutegia: irailaren 2tik aurrera 11:00etatik 13:00ak arte & 17:00etatik 19:00ak arte (ostiraletan arratsaldez itxita)

Kukupraka ludotekan: Areetako Eskoletako Plaza; Areeta 94 466 03 55

Ordutegia: irailaren 3an 10:30-13:30; 7tik 13ra 10:00-12:00; irailaren 7an ere 17:00etatik 19:00etara