egizu getxo euskaldun

. . . .

Atzo arratsaldean Laura Mintegirekin izan genuen hitzordua, Uribe Kostako Irakurzalearen Txokoaren bigarrena aurten. "Ecce homo", feminismoa, maskulinismoa, matxismoa, henbrismoa, politika. Laurak zabaltzen duen goxotasuna eta gertutasunaz ere gozatu genuen. Galderak bai egin genizkion, liburuaren inguruko iritziak tabernarako gorde zituzten batzuk.

Irakurtzea, idaztea, publikatzea, Erroteta (+) zer den jakin genuen batzuk atzo, hementxe duzue linka, gutako bat behintzat, animatu beharko litzateke.

. . . .

Argazkiak handiago ikusi gura badituzu, sar zaitez EGIZUren argazki albumean: (argazkiak)

Datorren hilaren 24rako Lutxo Egiaren "Ezker hanka falta zuen" irakurtzen hasiko gara. Arrastiko 20:00etan, Aldai Patronatuan berriro elkartuko gara Uribe Kostako literaturzaleok.

Mendizaleok Arabara jotzen dugu berriro, Palomaresera joango gara hilaren 22an. Toloño mendikateko tontorrik ikusgarriena da Palomares, dotore-dotorea.

Bertatik bertara ikustea merezi du, baita Pipaon herriko Usatxi Museo Etnografikoa ere. Arratsaldean, 17:00etan hitzordua dugu bertan, aintzineko bizilegea ezagutzeko. Arabako mendietako emakume ikazkinen inguruko artikulu honetan hasi gaitezke ezagutzen haien bizimodua.

Betiko moduan Algortako Telletxe plazako parkinean geratuko gara, 8:30etan. Etortzeko gogoz bazabiltza, aurretik abisatu: 605739916 telefonora edo erantzunetan idatz dezakezu. Animatu zaitez!

Aurreko hilaren 18an Txindokira joateko hitzordua ipinita genuen, iazko irailetik. Bizkaiko berbalagunekin Gipuzkoara egun pasa egitera egun berean joatea egokitu zitzaigunez data aldatzea erabaki genuen, "Larrunarrira apirilaren 1ean!" bozkatu genuen Dimako frontoiaren ondoan, Baltzolako kobetara joan ginenean.

Atzoko eguna ederra izan zen, eguralditik hasita. Pena zenbait berbalagunek azterketa izan zutela, hurrengoan fijo animatuko direla!

Bertan egindako argazkiak hementxe dituzu: (+) txindokira karpetan sartuta. Zuk egindakoak gehitu nahi badituzu, esan eta nola egin behar den komentatuko dugu. Inprimatzeko argazkirik nahi izanez gero, eskatu eta handiago bidaliko dizugu.

Apirilaren 22an ez egin bestelako planik, Palomares mendira joango garelako Arabako hegoaldean. Ondo segi eta ANIMATU ZAITEZ!

Flickr: berbalagun • egizu • txindoki