egizu getxo euskaldun

Vredamanen lau istorioak, pertsonaiak, izenak, izanak ikusteko, irudikatzeko gunea. Ederra atzoko giroa, hirurogei bat lagun bildu ginen, herrian profeta edo baden Unairi entzuteko, beragaz konpartitzeko liburua irakurtzean sentiarazi diguna (Nahikarik hobeto azaltzen digu bere bitakoran).

+ + + +

+ + + +

Uribe kostako irakurzalearen txokoa berriro martxan! Eskerrik asko, Unai eta parte hartu duzuen guztioi! Hurrengo hitzordua apirilaren 27an daukagu, Laura Mintegi Ecce homo bere azken nobelaz berba egiteko gonbidatuko dugu, leku berean, ordu berean. Ordura arte literaturzale!

Argazki gehiago ikusi nahi badituzu, EGIZUren argazki txokoan: http://www.flickr.com/photos/egizu

Berbalagun ibiltariak dauzkagu Bizkaikoak, baina, nora joan ziren duela gutxi, zergatik itxura hori? Erantzun orijinalen bila gabiltza, beheko erantzun atalean idazten duzuenon artean Euskal Herriko I. MINTZA EGUNArako bidaia + bazkari txartela zozketatuko dugu. Iruñean antolatuko dugu aurten ekainaren 3an. Animatu, asmatu erantzuna eta apirilaren 26an, EGIZU batzordean, izen guztiekin zozketa egingo dugu. Adi ibili, joateko kopuru mugatua izango da, izena eman lehen bait lehen!

* * *

Batzuk urtero joaten dira. Aurreko hilabeteetan galdezka, aurten zer... bagoaz Jakara, ezta? Etxetik kanpo asteburu osoan, elurretan ibili, teknika hobetu, lagunekin egon. Batzuontzat lehenengo urtea izan da aurtengoa, ipurdikoak baino azpimarratuko nukeena... G I R O_O N A, duda barik!

* * *

Eskerrik asko denoi! Datorren urtean gehiago eta hobeto.
Argazki + Marrazki gehiago ikusteko gure argazki gunean (*)

Pello Zabala gurera dator hilaren 23an, osteguna, igaro berri diren tenporei buruz berba egitera. Kepa Diegez, EtnoMet-EtnoAroa blogaren egilea, aurkezpen lanetan arituko da Villamonte Kultur Etxean arrastiko 19:00etan.

Animatu zaitez! Bertan elkartuko gara.

...
Simonek eskailera bat zeraman besapean. Eskuan poltsa bi. Gur eskuak patriketan zihoan, eta mahoizko prakak zituen. Bizarra ere bai. Pinu artera sartzen ari ziren Gur eta Simon. Pinuak beltz zeuden gauarekin.

-Badakizu ez daukadala karnetik, Simon?

-Ze karnet?

-Karneta. Mundu guztiak daukana.

-Inposiblea da hori, Gur; mundu guztiak dauka karneta.
a
-Nik ez. Eta erregistroan ere ez nago. Erregistro zibilean ez dago nire jaiotzako dokumenturik. Galdetu erregistroan. Ez naiz jaio, Simon. Neu izango naiz munduan jaio ez den pertsona bakarra.
..+..

Uribe Kostako irakurzalearen txokoa berriro martxan ipini eta Unai lehena gonbidatu dugu, VREDAMAN, bere azkeneko nobelari buruz berba egiteko. Hil honen 29an, arrastiko 20:00etan, Aldai Patronatuan lotuko gara. Karitate kalea, 1 sotoan, liburutegia dugun gelan.

Saretik saltseatzen ibili eta euskal literaturari buruzko gune hau gustatu zaigu. Zuk topatzen duzuna gomendatu nahi badiguzu, behean erantzun botoia sakatuta gunea topako duzu, anima zaitez!