Donosti Berri - Azpiru

Orokorrean: Taldeak itxura paregabea eman du Debatik Itziarrera bitartean. Korrikalari guztiak (hori uste dut) saltsan. Lasterketan oso sartuta. Itziarretik aurrera kaotikoa; ia momentu oro 4-5 azpiru pelotoia ixten eta halako batean gureetako bi pelotoitik tiratzen!?!?!?!?!?
 
Ruja (15) Zoriontzekoa! Bi urte hauetan lehenengo aldiz ikusi dut dena ematen. Kalbarioko azken 500 metroetako grina erakusten badu beti, bikain! Jetsiera ederra egin du nahiz eta bat edo bestek alde egin dion. Sprintean taldetxoko hirugarren egiteak (ohikoa da berak horrelakoetan ez lehiatzea) asko pozten nau eta gainera bere saria izan du. Puntutxo bat!
 
Martin (27) Itziarreko bigarren igoeran pelotoiarekin kontaktua galdu du. Kotxeen atzean Erikekin hitzegiten zihoan; egin beharrekoa, ipurdia estutu eta aurrean sartzea pelotoia bi metrora baitzuen. Unaiek eman dion laguntzaz taldearekin bat egitea lortu du. Kalbarion larri eta Debako azken bost metroetan Hodei pasa eta taldeko sprinta errez askoan irabazi du. Aber podiuma lortzen degun Asteazkenean Martin, hay piernas para buenos puestos.
 
Hodei (29) Kalbariora arte erraz. Kalbarion larri ikusi dut; Martin baino 5 metro aurrerago. Klasea du baina fondo gabezia handia. Pena azken metroetan Martinen taldeak harrapatu duela.
 
Unai (36) Itziarreko bi igoerak latz! Bere tokia zein den ondo ikusi du; bigarren taldean igoeran, baina karreran sartuta. Hor egoteko gaitasuna badu eta bera sinistu behar du. Kalbarion hustuta. Agian igoeretan txipa aldatu beharko luke eta duen potentzia erabili. Ondo iruditzen zaigu taldeko espiritu hori egotea, laguntzeko prest egotea beti, baina buruarekin lagundu behar da. Gaizki atera izan balitz bi kalera baitzihoazten, beti pelotoitik hurbil egon behar da: begi bat korredorean ta bestea pelotoian. Baina ondo bestela! Pistan a tope Asteazkenean.
 
Make: Itziarreko lehen igoeran lehenengo eta bigarren taldeen artean gelditu da. Tipoak ondo sufritu du bi igoeren arteko errepetxoetan; deskolgatzen zen arren, berriro sartzea lortzen zuen. Itziarren bigarren igoeran kaput. Entrenamendu falta dela badakigu; baina, orain ikasketekin ondo ikusten dut, errekuperazioak gogotik prestatzen eta hortan nire babes osoa dauka. Eskolako kontuak konpontzean berriro dantzara!
 
Josu: Itziarreko lehenengo igoeran gelditu da eta gure kotxearen atzean "kaña" eman dion arren, plotx! Entrenamendu falta itzela!
 
Martinek eta Hodeiek karrera aurretik prestatzeko behar duten denbora, ikaragarria da! Kotxea karrerarako 45 minutu falta direnean itxiko dugu eta bertatik zerbait behar duenak azken 15 minutuetan har dezala. Pultsometroa, kaskoa, galtzerdi bat, bi galtzerdi, aurreko gurpila, edo ekipazio guztia; baina, ezin gera txorradekin ibili, pultsometroa hona, nire jertsea hara, termikoa bestera etab.
 
Hotza egiten duen arren, beroketak ezin dira kaleko galtza luzeekin egin. Gure garaian ondo prestatzen ginen eta pernerak eta horrelakoak eramaten genituen.