batzen — Fri, 04 May 2012 17:11:43 +0000

EUSKARAZ BIZI NAHI DUT DINAMIKAREN AURKEZPENA

batzen — Fri, 04 May 2012 16:56:21 +0000

Maiatzaren 8an, 18:30ean Doctor Camino liburutegian.

Dinamikaren funtsa jendarte mugimendu zabala eratzea da.Euskaraz bizi nahi duen orok lekua du dinamika honetan.Eta nahi duen espresio edo agerpen mota erabiliz egin dezake ekarpen hori. Asko gara euskaraz bizi nahi dugunak, jadanik euskaraz bizitzeko hautua egin dugunak eta geure eguneroko jardueran hori praktikan jartzen dugunak.
Anima zaitez!!!!

http://www.euskarazbizinahidut.org/

Euskaraz bizi! eguna 2012

batzen — Wed, 21 Mar 2012 09:54:11 +0000

2001. urtean, Donostiako Udalak “Donostiako Euskararen Plan Orokorra” onartu zuen. Udalbatzak 1997an onetsi zuen honako helburu nagusi honetan oinarrituta: Benetako elebitasuna lortzeak zera ekarri behar du: euskararen berreskurapen osoa Donostian, udal eskuduntzetan arituz euskararen normalkuntza prozesuan esku hartzen duten gainerako erakundeekin koordinazioan eta lankidetzan, Hizkuntza Politikarako Sailburuordetzarekin bereziki.

Orduan, Donostiako hainbat gizarte eragile harremanetan jarri eta biltzea erabaki genuen (eskolak, ikastetxeak, ikastolak, institutuak, euskaltegiak, sindikatuak, kultura-elkarteak, euskalgintzako eragileak...), Donostiako Udalak onartu behar zuen planaren inguruan hausnartzeko, eztabaidatzeko eta gure proposamenak egiteko. Hau da, Euskararen Plan Orokorraren diseinuan parte hartu nahi genuen. Horrela, 2000. urtean, Donostiako euskalgintzaren bilgunea osatzea erabaki genuen, BATZEN.

Gaur egun, ia hamabi urteren buruan, Donostiako Euskal Herrian Euskaraz, AEK, Bagera eta Kontseilua gara maiztasunez biltzen garenak, euskalgintzako beste eragile eta norbanakoekin elkarlanean euskararen normalizazioa bultzatzeko helburuarekin.

Planak bere horretan jarraitzen du eta, 2011n “Donostiako Euskararen Plan Orokorra 2011-2015” deritzon plana onartu zen, 3. plan markoa. Batzenetik, euskararen normalizazioa bultzatzeko, Udala eta gainerako erakunde eta eragileekin batera elkarlanean jarraitzen dugu, Euskararen Aholku Batzordean eta honen Jarraipen Batzordean,.

Hala ere, esan beharra daukagu, benetan bere garaian elkartu gintuena, benetan batu gintuena, ez zela Plana izan, ezta euskararekiko atxikimendua ere. Orduan batu gintuena eta, oraindik orain BATZEN gaituena, euskaraz bizitzeko beharra da.

“Donostiako Euskararen Plan Orokorra” euskararen garapenerako tresna garrantzitsu bat dela iruditzen zaigu, baina nekez lortuko dugu garapen osoa, euskararen transmisioan, ezagutzan, erabileran edo motibazio eta sustapenean soilik aurrera egiten badugu. Euskaraz bizi nahi badugu, pauso bat harago eman behar dugu, eta egun porrot egin duten hizkuntza politikak aldatu behar ditugu. Euskarari lehentasunezko tratamendua emateko garaia da.

Aurreko astean, Jaurlaritzak, EAEko azterketa soziolinguistikoaren emaitzak ezagutzera eman zituen, eta aurrerago izango dugu Nafarroako eta Iparraldeko datuen berri. Klusterrak, aldiz, udaberrian kaleratuko ditu Euskal Herriko kale-erabileraren datuak. EAEko azterketaren ondorio garrantzitsuenetariko bat da gazteek ez omen dutela euskara erabiltzen. Eta Euskararen Plan Orokorrean ere, hori izan da gure kezka. Behin eta berriro bilatzen ditugu gazteek euskara erabiltzeko ekintza mundialak.

Baina gaurkoan, guk geuk gauzatuko dugu ekintzatxo bat, eta, horretarako, Donostiako gazteen begiekin saiatuko gara haien ingurunea ezagutzen:

Hasteko, sofan luze zabal eseri eta une honetan moda-modan dagoen saio bat, El conquis, ikusten

jartzen bagara, zer ikusiko genuke??

-Euskal hiztuna den aurkezle bat euskara ez den hizkuntza batean hitz egiten.