Blogari.net planeta

ZURBARANBARRIKO JAIAK

zbarri — Thu, 23 May 2013 18:43:10 +0000

Pasa den astean, AUZOKO JAIAK izan dira. Eskolako dantzaririk onenak hemen dituzue.

IBILALDIA jaira

laudioibarra — Thu, 23 May 2013 10:37:54 +0000

IBILALDIA 2013

Igande honetan, maiatzaren 26an, Bizkaiko Ikastolen IBILALDIA jaiaren edizio berria izango dugu Portugaleten.

Euskara Arlotik ez da hara hurbiltzeko autobusik antolatu trenek eskaintza zabalagoa eta merkeagoa eskaintzen digutelako. Hau da, nork bere beharretara egokitu ditzakeela joan-etorriko orduak.

Egitarau bete-betea dakar "Aldapa leunduz" lelopean antolatu den jai honek. Aipatzekoak, musika emanaldiak: Gatibu, Skasti, Emon, Hesian, Kherau, Zarama... Argibide zabalagorako (egitarau osoa, ibilbidea...) sakatu honen gainean: IBILALDIA-2013.

Ez hutsik egin eta hurbil zaitez Portugaletera, euskarara. Nola? Aldapak leunduz...

Este domingo, 26 de mayo, se celebrará en Portugalete una nueva edición de IBILALDIA, la fiesta de las ikastolas de Bizkaia.

Desde el Área de Euskera no se ha organizado un servicio de autobuses porque la red de trenes nos ofrece un servicio más amplio y económico. Es decir, que cada uno podrá adecuar sus horarios de ida y vuelta en función de sus necesidades.

Esta fiesta, organizada bajo el lema "Aldapa leunduz" ('suavizando las pendientes') cuenta con un programa henchido de actividades. Reseñables son los conciertos musicales: Gatibu, Skasti, Emon, Hesian, Kherau, Zarama... Para más información sobre la fiesta (programa, recorrido...) pincha aquí: IBILALDIA-2013.

No falles y acércate a Portugalete, al euskara. ¿Cómo? Aldapak leunduz... (suavizando las pendientes).

TIK TAK ... 4 URTEKOAK

zbarri — Mon, 20 May 2013 21:18:01 +0000

4 URTEKO UMEAK, JOLASTU HASI AURRETIK, OLERKI BAT ESATEN DUGU.HONA HEMEN:

TIK –TAK

TIK – TAK

EGITEN DU ERLOJUAK.

TAK - TIK

TAK – TIK

POZIK ETA ZUTIK.

GURE GELAKOEN ARTEAN HARREMAN ONAK LANTZEKO ETA DENOK GELAN ONDO ERLAZIONATZEKO, BIKOTEKA JOLAS BAT EGITEN DUGU.

VITORIA - GASTEIZ

zbarri — Mon, 20 May 2013 16:47:28 +0000

Bai,txango dibertigarria!

Gasteizera ondo pasatzera eta...ikastera joan ginen.

Aurten, 6.B mailakoek, gaur egungo ekonomiko krisiaren aurpegia ikusi egin genuen, eta gure eskolan Eskola Ibiltariak hezkuntz-programa gabe geratu gara.

Hau pena!!!! Hori zela eta, eta tamainako hutsune betetzeko nahian , programa horrek zeukan helburua ezagutzeko, bidaia hori antolatu ziguten. Beste herrietako lurra, kultura, hizkuntza, historia eta biztanleria ezagutzea eta haien egonaldiaz gozatzea Eskola ibiltariak programak helburu ditu. Hala eta guztiz ere, egun bateko txango besterik ez izatea tamalgaria bazen ere, maiatzaren 14an 6.B.mailakoak poz-pozik Gasteizera abiatu ginen.

Goizeko 8:00etan geratu ginen guztiok autobus geltokian martxan jartzeko. Autobusera igotzean guztiok urduriz beteta geunden, irrika handiz gure lagun berriak ezagutzeko; Santutxuko Angeles Custodios eskolakoak, hain zuzen, gurekin etorri zirelako. Ze lagun onak izan ziren!!!

VITORIA - GASTEIZ on PhotoPeach

Azken hamarkadan Abadiñon, erdira jaitsi da istripu kopurua

orobiogoitia — Mon, 20 May 2013 12:58:12 +0000

Ertzaintzak eta udaltzaingoak herrian azken urteetan gertaturiko istripuen datuekin prestatu duten balantzea eman du gobernu taldeak jakitera. Jose Luis Navarro alkatearen berbetan, aurreko urteekin alderatuta, %55 gutxitu dira zauridunak eragin dituzten istripuak, Abadiñon.

DOMEKAN IBILALDIRA JOATEKO PREST!!

orobiogoitia — Mon, 20 May 2013 12:54:46 +0000

Maiatzaren 26an Portugaleten ospatuko dute Ibilaldia, Bizkaiko Ikastolen jaia. Ibaizabal ikastolak autobusa jarriko du bertara joateko. Izena emateko aukera helbide elektroniko hauen bidez eman daiteke( idazkaritza@ibaizabalikastola.org.) edo telefono zenbaki honetara deitu(94 621 58 77) tiketa 7euro balio ditu eta goizeko 9:15etatik -19:30etara iraungo du.

“EL GRAN GATSBY”

orobiogoitia — Mon, 20 May 2013 12:51:08 +0000

Bihar, maiatzak 21, arratsaldeko zortzietan, Durangoko Zugaza zineman “El gran Gatsby” filma egongo da. Protagonista Leonardo DiCaprio da eta zuzendaria Baz Luhrmann.

Gatsby gizon misteriotsua da eta oso aberatsa. Jendeak pentsatzen du bera gizon berekoia dela baina berdin-berdin, bere festetara joaten dira.

ZARAGOZA- ATHLETIC

orobiogoitia — Mon, 20 May 2013 12:44:13 +0000

Athletic-ek atzo Romareda futbol zelaian, Athletic-ek irabazi egin zion Zaragozari 1-2. Zaragoza irabazten hasi zen Elder Postigaren golarekin baina azkeneko minututan Athletic-ek Zaragozari bi gol sartu zizkion, lehena Llorentek eta bigarrena Ibai Gomezek.

IKASLE BERRIAK BISITAN

orobiogoitia — Mon, 20 May 2013 12:41:02 +0000

Oraingo eguaztenean, maiatzak 22an, Zaldibar, Otxandio eta Iurretako 6.mailako ikasleak gure institutura bisitan etorriko dira. Lehenengo mailan dauden ikasleek institutua erakutsiko diete. Gelak non dauden eta zein solairutan dauden azalduko diete. 1.mailakoek lehenengo bi orduak kenduta ez dute klaserik edukiko egun osoan. Bazkaldu ondoren polikiroldegian joko batzuk egongo dira ikasle berrientzako.

DINAMARKA IRABAZLEA

orobiogoitia — Mon, 20 May 2013 12:35:38 +0000

2013ko Maiatzaren 18an Suedian zelebratu zen Eurovision festibalean Dinamarkak irabazi zuen neskatila polit batekin eta gainera gogokoena. Bigarrena Ukraina geratu zen 2,43metro neurtzen zueneko mutil batekin eta Espainia, aldiz, azken aurrekoa geratu zen klasifikazioan El sueño de morfeo taldearekin

POPULARRETAKOEN ARGAZKIA

salbatzaile — Sun, 19 May 2013 20:27:28 +0000

BA DATOR 9. EUSKALJAIA

euskaljaiak — Sun, 19 May 2013 19:59:37 +0000

BADATOR

euskaljaiak — Sun, 19 May 2013 19:56:08 +0000

Ingurumenaren Nazioarteko Eguna

berdeakgara — Thu, 16 May 2013 08:49:31 +0000

Badatorrela, badatorrela...

Ekainaren 5ean INGURUMENAREN NAZIOARTEKO EGUNA ospatuko da munduan zehar.

Datorren astelehenean UDALETXERA!

berdeakgara — Thu, 16 May 2013 08:44:52 +0000

Datorren astelehenean, hilaren 20an, Udal Foroa ospatuko da Donostian. Ikastolako Agenda21eko ordezkariak ere bertan izango dira.

Beste hainbat gauzen artean, honakoa eskatu diote gure ikasleek udalari:

1. HIRITARREI DONOSTIAN ERABILI GABE DAUDEN BERDEGUNEETAN BARATZATXOAK JARTZEKO AUKERA EMAN.

2. INGURUKO PRODUKTUAK SALTZEKO AZOKAK BULTZATU. PRODUKTU EKOLOGIKOENTZAKO AZOKA BEREZIAK ANTOLATU.

3. POLTSA BERRERABILGARRI ETA TUPERREN ERABILERA BULTZATU DONOSTIAKO MERKATUETAN.

4. DENDA ETA AZOKATAN PRODUKTUEN JATORRIA JARRARAZI, BERTAKO PRODUKTUEN SALMENTA SUSTATZEKO.

Gure konpromisoak.

berdeakgara — Thu, 16 May 2013 08:40:38 +0000

DBH 1 eta 3. mailako ikasleak Cristina-Enean izan ziren. Bertan, urtean zehar hartutako konpromisoen berri eman zuten. Zeintzuk diren jakin nahi al duzu? Bada, irakurri, jarraian datoz eta!

1. Hamaiketako osasuntsuak aukeratuko ditugu.
2. Tuperrak eta poltsak erabiliko ditugu gure hamaiketakoak garraiatzeko.
3. Ahal dela, bertako produktuak kontsumituko ditugu, gure nekazari eta arrantzaleenak.
4. Garaian garaiko produktuak erosiko ditugu, urtaroek eskainitakoaren arabera.
5. Ahalik eta bilgarri gutxien duten produktuak erosten saiatuko gara eta formatu familiarraren erabilera sustatzen.
6. Litxarkeria gutxiago jango dugu.
7. Erosketak egiterakoan, tuperrak eta poltsa berrerabilgarriak erabiliko ditugu.
8. Ingurumena errespetatuz ekoitzitako produktuak kontsumituko ditugu.

Zer iruditzen?

EUSKAL ESKOLA PUBLIKOAREN JAIRA (Murgia) JOATEKO BUSAK - LAUDIO

laudioibarra — Wed, 15 May 2013 08:42:54 +0000

EUSKAL ESKOLA PUBLIKOAREN

JAIRA (Murgia) JOATEKO BUSAK

Ekainak 2

Ekainaren 2an, igandean, Euskal Eskola Publikoaren jaia izango da Murgian (Zuia, Araba).

Hara hurbiltzeko hainbat autobus abiatuko da, eskualdeko udal batzuen artean eta Laudioko hainbat ikastetxeren artean antolatutako ekimen bateratuan. Laudiotik joan nahi baduzu honako hauek dira datuak:

IRTEERA: 10:30etan, "Laudio" ("Canciller Ayala" zena) Institutuaren aurreko bus geltokian.

ITZULERA: 19:30ean Murgiatik.

PREZIOA: 8 euro, adin guztietarako.

BAIMEN BEREZIA: 18 urtetik beherakoek, bakarrik doazenean, gurasoen baimena ekarri beharko dute. Hemen duzu: BAIMENA.

IZENEMATEAK: Laudio Udaleko Euskara Arloan (goizez, Tf: 944 034 890) eta Fabian Legorburu, Lateorro eta Lamuza ikastetxetako guraso-elkarteen bitartez. Guraso elkarteen bitartez egitekotan, prezio bereziak izango dira (bertako ikasleei eta euren gurasoei mugatua). Azken eguna: maiatzaren 30a, osteguna.

OHARRAK. Bidaia hau iragartzeko kartela lortzeko sakatu hemen: KARTELA. Bestelako ordutegiak: Urduña: 09:30; Amurrio: 09:45; Luiaondo-Aiara: 09:50.

El domingo 2 de junio se celebrará en Murgia (Zuia, Araba) la Fiesta de la Escuela Pública Vasca.

Para acudir a dicho evento, se han coordinado diversos autobuses en una iniciativa coordinada desde diversos ayuntamientos de la comarca y algunos de los centros educativos de Llodio. Si quieres ir desde Llodio, estos son los datos:

SALIDA: 10:00 h. desde la parada de bus frente al Instituto "Laudio" (antes "Canciller Ayala").

REGRESO: 19:30 h. salida desde Murgia.

PRECIO: 8 euros, todas las edades.

PERMISO ESPECIAL obligatorio para menores de 18 años que viajen solos. Puedes verlo o descargarlo pinchando aquí: BAIMENA.

INSCRIPCIONES: Área de Euskera del Ayto. de Llodio (mañanas; Tf: 944 034 890) o a través de las APMAs de los colegios de Fabian Legorburu, Lateorro y Lamuza. En éste último caso se harán precios especiales (limitado a escolares de dichos centros y a sus padres y madres). Último día, el jueves 31 de mayo.

NOTAS: Puedes descargar el cartel de esta actividad pinchando aquí: KARTELA. Otros horarios: Urduña: 09:30; Amurrio: 09:45; Luiaondo-Aiara: 09:50

PABLO ALBORAN

orobiogoitia — Mon, 13 May 2013 13:16:54 +0000

Ekainak 8an, Pablo Alborán Bilbora joango da kontzertu bat ematera. Bere disko berria “Quién” estrenatuko du Bilbo Arena Miribillan. Gaueko 21:30 izango da. Sarrerak 25€ balio du.

MCDONALD´S JANARI LASTERREKO ENPRESA DURANGALDERA HELDU DA

orobiogoitia — Mon, 13 May 2013 13:04:41 +0000

Iurretako Ertzillla poligonoan, bide ondoan jarri gura dute jatetxea eta McAuto 24 orduko zerbitzua. Udalak obrak hasteko lizentzia eman dio janari lasterreko konpainiari. Iñaki Totorikaguena Iurretako alkateak baieztatu duenez, MacDonald´s enpresak obrak hasteko lizentzia dauka. "Martitzenean buletinean kaleratu zen", azaldu du alkateak. Orain, AEBetako enpresak hiru hilabete izango ditu obrak martxan ipintzeko.

OBJETIVO: LA CASA BLANCA

orobiogoitia — Mon, 13 May 2013 12:51:26 +0000

Bihar, maiatzak 14 Durangoko Zugaza zineman “Objetivo: la Casa Blanca” filma emango dute gaueko zortziretan. Aktore protagonistak Gerard Butler, Aaron Eckhart eta Morgan Freeman dira.

ALAVES LEHENENGO POSTUAN

orobiogoitia — Mon, 13 May 2013 12:36:12 +0000

Alaves futbol taldeak atzoko partidua Tudelanori irabaziz lehenengo postua aseguratu eta bigarren postuan doan Eibarri 6 puntu ateratzen dizkio. Orain Alavesi ligako partidu 1 falta zaio jolasteko eta gero playoffak jokatu behar ditu.

ALONSO BERRIRO IRABAZLE

orobiogoitia — Mon, 13 May 2013 12:33:06 +0000

Fernando Alonsok Espainiako Sari Nagusira bertaratu diren zaleen ametsak bete ditu, bederatzigarren postutik podiora iritsiz. Lehenengo geldialdia Alonsok baino beranduago egin arren, Vettelek ere 4. geldialdiko estrategia jarraitu behar, baina ez zuen Ferrarikoaren erritmoa jarraitzerik izan.

Atzo, Kataluniako zirkuitua Fernando Alonsorena izan zen, bera lehenengo geratu zen, bigarren Kimmi Raikonen, eta hirugarren Felipe Massa.

Hurrengo lasterketa, Monaco Montecarlon izango da Maiatzak 24tik, 26ra.

Euskaraz irakurri, gozatu eta oparitu

tximintx — Mon, 13 May 2013 10:36:47 +0000

Aikor aldizkarian agertutako artikulua.

Txorierriko euskara elkarteek “Irakurri, gozatu eta oparitu” kanpaina jarri dute martxan Topagunearekin batera. Egitasmoa adin-tarte guztietako txorierritarrei dago zuzenduta, eta, besteak beste, irakurketa sustatzea eta euskararen erabilera gozagarria bultzatzea ditu helburu.
Kanpaina Altzora euskara elkarteak bultzatu du Sondikan; Tximintx euskara elkarteak, Derion; Lagatzu euskara elkarteak, Zamudion; Zorrizketan euskara elkarteak, Lezaman; eta Arrekikili euskara elkarteak, Larrabetzun.

“Irakurri, gozatu eta oparitu” egitasmoari Liburuaren Nazioarteko Egunean –apirilaren 23an- eman zitzaion hasiera eta ekainaren 30era arte iraungo du. Aipatutako herrietako udal liburutegietan euskarazko liburu bat maileguz hartzen duenak fitxa bat jasoko du, hura itzultzen duenean. Fitxa horretan bere iritzia eman beharko du liburuari buruz: zer da gehien gustatu zaiona, zergatik, zerbait aldatuko lukeen... Fitxa bete ostean, liburuzainak % 25eko balioa duen erosketa-txeke bat emango dio, eta txekea euskaraz dagoen beste edozein liburu erosteko erabili ahalko du. Irakurlea Txorierriko euskara elkarteetariko baten kidea bada, % 50eko balioa duen erosketa-txekea jasoko du.
Txekeak Sondikako liburu-dendan erabili ahalko dira, Arinka Derioko liburu-dendan, Zamudioko liburu-dendan eta Elkar argitaletxeak Bilbon dituen dendetan. Horrezaz gainera, ekainean Larrabetzun egingo den Literaturia azokan ere egongo da txekeak trukatzeko aukera. Bestalde, maiatzean eta ekainean liburutegiek 30 euroko erosketa-txeke bana zozketatuko dute egitasmoan parte hartu dutenen artean. Era berean, egitasmoaren funtzionamendua azaltzen duten orri-markatzaileak banatuko dituzte.
Kanpainan txorierritar guztiek har dezakete parte, euren adina edozein dela ere: eskoletako eta institutuko ikasleak, euskara elkarteen bazkideak, Berbalagun proiektuan dabiltzan lagunak, euskararen ikas-prozesuan dagoen edozein pertsona eta liburutegien erabiltzaileak, adibide banaka batzuk jartzearren.

Helburuak
Egitasmoaren arduradunek azaldu dutenaren arabera, “Irakurri, gozatu eta oparitu” kanpaina hainbat helburu ditu bere baitan. Hala, irakurtzeko ohitura sustatzeaz gainera, euskararen erabilera gozagarria ere bultzatu nahi dute. “Egitasmoak kulturak eman dezakeen plazeraren aldarrikapena egiten du, eta euskara kontzeptu horien bien arteko lokarri bihurtzen du”. Elkarteetako bazkide diren herri eta auzoetako euskaltzaleak liburutegi publikoen erabiltzaile aktiboak bihurtzea ere badute helburu, eta elkarlana sustatzea kanpainan parte hartzen duten guztien artean: euskara elkarteak, liburutegi publikoak, tokiko hedabideak, liburu-dendak, irakurleak, ikastetxeak... Gainera, uste dute egitasmoa ekarpen bat izan daitekeela liburuen ekoizpena eta salmenta areagotzeko, eta euskal idazleek sortzen jarrai dezaten laguntzeko.

Herritarrek ideia batzuk eman dizkigute

Asier Bidaurrazaga, Sondika
Udalbatza bahituaren kasu pollita, Karlos Linazasoro
Irakaslea naizen aldetik, urtean zehar eskolan erabiltzeko, “gazteen begiekin” irakurri behar izaten ditut liburu asko. Bitartean liburu arin eta dibertigarriak irakurtzea dut atsegin. Azkenengo irakurri dudana hau da. Hasieratik amaierara barre-algaraka irakurtzeko modukoa da, istorio ironiko eta absurdo hutsa, gi-zakiok elkar ulertzeko ditugun zailtasunak erakutsi nahi dituena.

Amagoia Guezuraga, Zamudio
Arotzaren eskuak, Alberto Ladron Arana
Eleberria da gehien gustatzen zaidan generoa. Liburu honek misterioa eta gai historikoa lotzen ditu, eta erraz irakurtzen da. Korapiloa Nafarroako baserri batean hasten da eta II. Mundu Gerrako gertaera eta ondorioekin lotzen da.

Itsaso Dominguez, Lezama
Riomundo, Jon Maia
Zerk definitzen du Euskal Herria? Gure historiak, guk geuk akaso, euskaldunok. Gurean, barrez, maketoak edo trenak ekarritakoak izan dira beti “besteak”, gutarrak ez direnak. Liburu honetan, Jon Maiak euren ikuspuntutik kontatzen digu istorioa, tripetatik aurkeztuz Errepublikatik Trantsiziorako garaiak. Gordin eta era berean goxo, benetan gomendagarria!

Jon Rementeria, Lezamako gaztelekuaren arduraduna
Kutsidazu bidea Ixabel, Joxean Sagastizabal
Liburu hau aukeratu dut bertan hainbat balore erakusten direlako. Era berean, agerian uzten du aukera asko daudela euskara ikasteko nahiz bere erabilera bultzatzeko.

Uxue Hernandez, Larrabetzu
Marta ispiluaren aurrean, Teresa Calo
Nik nerabezaroari buruzko liburuak ditut gustukoen, gazteon gorabeherak irakurrita, gehienetan neu sentitzen naizelako protagonista. Misterioei eta gaixotasunei buruzkoak ere asko gustatzen zaizkit. Liburu hau 17 urteko neska bati buruzkoa da. Gazte hura anorexiaz jota hil zen, eta orain dagoen leku horretatik, bere bizitzaren azken hilabeteak gogoratzen ditu ispilu baten aurrean.

Alazne Arriortua, Derio
Ehun metro, Ramón Saizarbitoria
Zure bizitzako azken ehun metroak izan daitezke. Zer bururatzen zaizu, zer oroitzen duzu? Nobela honekin, murgil zaitez gaur egun pil-pilean dagoen gai batean: polizia-jazarpena. Interesgarria da oso idazleak gaiaren inguruan eskaintzen digun ikuspuntu-aniztasuna, kontatzeko teknika modernoak erabiliz. Beraz, irakurtzea gustatzen bazaizu, ez ezazu gal eleberri eder honekin gozatzeko aukera!

Leire Claramonte, Larrabetzu
Nur bilduma, Toti Martinez de Lezea
Asko gustatzen zait bilduma hau, liburu bakoitzean gai desberdin bat dagoelako. Horrela interesgarriagoa da. Gainera, han agertzen diren pertsonaiak benetan existitzen dira.

THE FINGER FAMILY...

zbarri — Fri, 10 May 2013 12:41:03 +0000

These are the students of first grade singing “ THE FINGER FAMILY” song. We have learnt the family members.

Lehenengo mailako ikasleak, “ THE FINGER FAMILY” abesten. Hatzamarrekin familia ikasi dugu.

AIARALDEKO MAPA TOPONIMIKOAREN AURKEZPENA

laudioibarra — Fri, 10 May 2013 11:41:41 +0000

Datorren asteazkenean, maiatzak 15, beste mapa topografiko-toponimiko bat aurkeztuko da: Aiaralde osokoa, hau da, Aiara eskualdea edo Kuadrilla osatzen duten bost udalerrietakoa. Beraz, Aiara, Amurrio, Artziniega, Laudio eta Okondoko udalen ekimen bateratua da honako hau.

Aurkezpena saio bitan egingo da. Biak, Lamuza Parkeko Etxe Nagusian (turismo bulegoa) dagoen "Arraño" aretoan.

10:00etan: ordezkari politikoei eta hedabideei zuzendua.

19:00etan: herritarrei zuzendutakoa. Arratsaldeko saio honetan, maparen gorabeherak, xehetasunak, toponimia, lurraldetasuna... azalduko dira.

Kartela lortzeko, sakatu honen gainean: KARTELA.

===============================================================

El próximo miércoles, 15 de mayo, se presenta un nuevo mapa toponímico-topográfico: el de toda Aiaraldea, es decir, el de la Cuadrilla de Ayala con sus cinco municipios. Por tanto, en este acto de presentación unitario confluyen los ayuntamientos de Aiara, Amurrio, Artziniega, Laudio eta Okondo.

La presentación se realizará en dos sesiones. Las dos en la sala "Arraño" de la Casa Matriz (oficina de turismo) del Parque de Lamuza.

10:00 h: dirigida a representantes políticos y medios de comunicación

19:00 h: dirigida al público en general. En el acto de la tarde se explicarán con más detenimiento aspectos como curiosidades del mapa, toponimia, territorialidad...

Para conseguir el cartel pincha aquí: KARTELA.

ASTEBURU OSOKO ORIENTAZIO IKASTAROA EUSKAZ = LAUDIO

laudioibarra — Fri, 10 May 2013 07:07:03 +0000

ORIENTAZIOA IKASTEKO ASTEBURUA OZETAN... LAUDIOKO GAZTEENTZAT

Datorren asteburu honetan, (maiatzak 11 eta 12) Laudioko zenbait gazte abiatuko da Garaioko urtegiaren inguruetara eta, zehatzago esanda, hurbil dagoen orientazio saioetarako eremu egokitura. Gaua Ozeta herriko aterpetxean emango dute.

ZERTARA? asteburua euskaraz pasatzeaz gain, orientazioaz eta gainerakoez gehiago jakiteko. Orientazio ikastaroa izango da bidaia honen helburu nagusia eta iparrorratz bana oparituko zaie.

Ekimen hau, euskararen ezagutza eta erabilera 12-16 urte bitarteko gazteen artean sustatzeko OXIGENOA EUSKARARI programaren barruan dago. Hemen dituzu, aurten egingo diren irteera guztiak (sakatu gainean): OXIGENOA EUSKARARI-2013.

Oraingo kasuan, orientaziokoa (mapak, iparrorratzaren erabilera...) azalduko zaie. Eta Gorbeian ikasitako ez ahazteko, hona hemen erabiliko diren ohar paregabeak: ORIENTAZIO IKASTAROA.

Eta, amaitzeko, bi eguneko txangoa denez, eramateko material zerrenda bat banatu zaie. Ez da halabeharrezkoa baina bai kontuan izatekoa. Saka ezazu gainean, ikus eta eskuratzeko: MATERIALA.

Orain arteko txangoetako parte-hartzaileen kopuruaren batez bestea 32 lagunekoa izan da. Talde ederra beraz, eta eragin handikoa euskararen erabileran.

Ezaguna denez, Julen Erreketa mendizale laudioarra da txango hauen koordinatzailea. Berarekin batera, Leire Urretxu eta bestelako mendi-gidariak. Ekimen honetan, Laudioko DBHko ikastetxeetako (Ikastola, Institutua eta La Milagrosa) nahi duten ikasleek hartzen dute parte.

Ikus, amaitzeko, OXIGENOA EUSKARARI programan parte hartzen ari direnek egindako blog ederra: oxigenoaeuskarari-bloga. Hor dituzu bideoak, argazkiak...

OHARRA: Euskara Arloak antolatutako ekintzen berri eskuratzeko, hau bezalako mezurik ez baduzu jaso nahi, erantzun mezu honi BAJA hitza idatziz.

]-->face="Times New Roman" size="3">

Este fin de semana varios escolares de Laudio acudirán a las cercanías del embalse de Garaio, más concretamente a su “Espacio deportivo de Orientación” para recibir un curso y hacer prácticas de orientación con mapas, brújulas. Y pasarán una emocionante noche en el albergue de Ozaeta. Todo ello, enmarcado en el programa OXIGENOA EUSKARARI, destinado a fomentar el uso del euskera entre los jóvenes (12-16 años) del pueblo. Puedes ver el programa completo: OXIGENOA EUSKARARI-2013.

Como hemos dicho, en esta ocasión el curso será sobre orientación. Aquí dispones de los preciosos apuntes que se van a utilizar para el curso (pincha encima): ORIENTAZIO IKASTAROA.

Un fin de semana inolvidable...

Jean-Pierre Duvoisin idazlearen hilobia

euskargazki — Wed, 08 May 2013 09:41:19 +0000

Hemen dago ehortzirik Jean-Pierre Duvoisin (Ainhoa, 1810/05/15-Ziburu, 1891/01/30). Familia oneko idazle honek Larresoroko apaizgaitegian egin zituen ikasketak baina ez apaizteko: aduanako mugazain bukatu zuen. Herriz herri ibili zen bere lanean, baina ezaguna baldin bada, idazle oparoa izan zelako da.

Artikuluak idazten zituen prentsan eta orduan aski esanguratsu ziren Antoine d'Abbadie edo Augustin Chahorekin elkartrukatutako gutunak ere gordetzen dira. Horiekiko harremanari esker ezagutu zuen Louis-Lucien Bonaparte printzea eta harentzako aritu zen gogor lanean. Hori horrela, itzulpen franko egin zituen, baina baita bereak diren lanak ere. Bereak dira, esaterako, berandu argitaratutako Baigorriko zazpi liliak (1832) edo 1858ko Laborantzako liburua. Itzulpenak ugari dira eta bere lumak euskaratutako idazleen artean ditugu Cervantes, Fénelon edo Demostenes besteak beste. Euskarazko lan zenbait lapurdiko euskarara ekarri zituen, Bonaparteren aginduz zenbaitetan, baina honen manurik garrantzitsuena, dudarik gabe, Bibliaren lapurterazko itzulpena da, bi Testamentuena, eta Duvoisinek agindua bete zuen: atalka argitaratu zuen Bonapartek 1859 eta 1865 bitartean Londresen, Bible Saindua edo testament zahar eta berria, egun arte ereduzko itzulpena dena.

Hilobia Ezpeletako hilerrian dago, eliza inguruan. Hilerria epistolako aldetik gurutzatzen badugu, elizaren abside ondora ailegatu bezain laster aurkituko dugu hobia, lehen Miss Frantzia izandako Agnès Soureten ehortz-lekutik gertu. Hainbat pertsona daude hor ehortzirik, Duvoisinen ama eta senideak batez ere. Hilobiak, gureari dagokionean, hala dio xume: "Jean Pierre Duvoisin / Homme de Lettres / décédé le 30 1 1891".

Gehiago jakiteko:

HERRIA MARTXAN! MARTXA HERRIAN!. Heldu da.

tximintx — Wed, 08 May 2013 08:13:51 +0000

Irakurri, gozatu eta oparitu

tximintx — Tue, 07 May 2013 15:57:27 +0000

Apirilaren 23an hasi zen Irakurri, gozatu eta oparitu Derion. Ekainaren 30 arte izango da martxan. Eta, dagoeneko, apirilean iaz baino euskarazko liburu gehiago atera dituzte Derioko udal liburutegitik. Baina oraindik asko falta dira ateratzeko.

Hiru gauza egin behar dira:
1. Irakurri
Lehenengo pausua irakurtzea da; euskaraz irakurtzea, hain zuzen ere. Derioko liburutegira joan eta euskarazko edozein liburu maileguan hartzea besterik ez da egin behar. Kanpainak dirauen bitartean, euskarazko liburua hartzen duen bakoitzak orri-markatzaile bat jasoko du opari, ekimenean parte hartu zein ez.

2. Gozatu
Liburua irakurritakoan, liburutegira bueltatu, eta fitxa sinple-sinple bat bete beharko da: zein izan den irakurritako liburua, zer inpresio eman digun eta abar. Fitxa hori beteta, liburuzainak deskontu txartela emango digu.

3. Oparitu
Azken pausua liburua oparitzea da: lagun bati, senide bati, bihotzeko azukre koxkorrari edo, zergatik ez, norbere buruari. Liburutegian jasotako txartelarekin, %25eko deskontua izango dugu liburu dendan euskarazko beste edozein liburu erosterakoan, edo %50ekoa Tximintx euskara elkarteko kidea izanez gero. Liburuak erosi ahal dira Derioko Arinkan, Larrabetzun Literaturia azokan edo Elkarreko dendetan. Guk Txorierriren alde egiten dugu, jakina.

JARA

orobiogoitia — Tue, 07 May 2013 07:05:12 +0000

Idazlea: Jasone Osoro Liburu hau komentatzen dut asko gustatu zaidalako. Gustatu zait amodiozko historia hau eta errealitatekoak nahiko antzekoak direlako.
Nik liburu hau amodiozko liburuak gustatzen zaizkienei gomendatzen diet.

Ondo pasatuko dute. Jara 13 urte ditu eta emakume bihurtzen ari da. Ere bai Urko izeneko mutil bat gustatzen saio, baina bera neska handiago batekin dago. Orduan asten da Jararen plana Urko bereganatzeko. Lortuko du Jara Urko Bereganatzea?

XABIER OYARZUN

MARC MARQUEZ JORGE LORENZORI AURRERATZEN

orobiogoitia — Mon, 06 May 2013 13:07:59 +0000

Atzo Marquez Jorge Lorenzori izugarrizko aurrerapena egin zion azkeneko kurban eta bigarrena geratu zen. Dani Pedrosa lehenengo postua lortu zuen eta hirugarrenean Jorge Lorenzo izan zen.

Udalekuetan izena emateko epea hasiko da gaur

orobiogoitia — Mon, 06 May 2013 12:58:04 +0000

Gaur, maiatzaren 6tik 24ra Berrizen egingo diren udalekuetarako izena emateko epea zabalik izango da. Talde bi egongo dira: Bata Txiki txokoa 2008 eta 2009 urteetan jaiotakoentzat eta bestea Gazte Txokoa LHko lehenengo mailatik seigarren mailara artekoentzat.

ABADIÑOKO JAIAK

orobiogoitia — Mon, 06 May 2013 12:50:26 +0000

Maiatzak 15ean, Abadiñoko jaiak izango dira. Kaleetatik dantza taldea dantzan ibiliko da eta normalean maskota bat eramaten du. Arratsaldetan, barrakak, pailasoak… egongo dira. Eta gauetan kontzertuak egongo dira. Zapatuan Kaotiko taldea Abadiñon egongo da. Orduan badakizue, gau piztua edukiko duzue.

ABADIÑON GAZTE BAT ATXILOTUTA

orobiogoitia — Mon, 06 May 2013 12:42:04 +0000

Atzo, maiatzaren 5ean, Abadiñoko Matiena auzoan 28 urteko gazte bat atxilotu zuten. Beste gazte bati eraso egin eta artazi batzuekin mehatxatu egin ziolako atxilotu zuten. Guzti hau goizaldeko lauretan Pub batean gertatu zen.

SEI GAZTE INDEPENDENTISTA

orobiogoitia — Mon, 06 May 2013 12:34:51 +0000

Bi aste pasatu dira, hortzetaraino armaturik eta aurpegia estalirik zituzten 300 ertzainek baino gehiagok sei gazte independentista ehunka herritarren besoetatik indarkeriaz eraman zintuztela. Astebete lehenago, ordea, Ekaitz Ibero eraman zuten, lurrean babesten zeundenok jipoitu zintuztelarik.

MATIENAKO BARRAKAK

orobiogoitia — Mon, 06 May 2013 12:28:26 +0000

Mutil gazte bat, 12 urtekoa, 17 puntu jarri behar zioten pasadan zapatuan. Barraka batean erruleta bat zeukana sartu egin zen eta saltoka ibiliz labaindu egin zen eta lurrera jauzi. Horren ondorioz ospitalera eraman behar zuten.

DISKO vs DISKA

laudioibarra — Mon, 06 May 2013 08:44:15 +0000

DISKO vs DISKA

(Ohar hau LAUDIO UDALeko Euskara Arloaren EUSKARASTELEHEN izeneko egitasmoaren barruan dago. Euskararen kalitatea hobetzeko asmoz egina dago eta, batez ere udal langileei eta herritarrei zuzenduta dago)

=====

Egia da azken hamarkadan zeharo aldatu direla musika kontsumitzeko bideak. Hala ere, bada argitaratzen diren musika-lan berriekin batera lotuta behin eta berriro agertzen zaigun hizkuntza-akats bat: "diska" hitzaren okerreko erabilpena, "disko" zuzenaren ordez.

Baina, nondik datorkigu errakuntza hau?

Euskaraz, "-o" letraz amaitzen diren bi silabako hitzek, beste hitz batekin konposaketan doazenean, bere amaierako "-o" > "-a" bihurtu ohi dute. Adibidez: basO baina BasAuri, basAbide, basAjaun...; artO baina artAburu, artAlore...; astO baina astAkilo, astAkume eta abar.

Horren antzera, "disko" hitzetik "diskAetxe", "diskAdenda"... (berauek ere ez dira ontzat hartzen gaur egun) moduko hitz konposatuak sortu ziren eta hortik herritar batzuek ulertu zuten, okerki, "diska" (eta ez "disko") hitza zegoela jatorrian. Baina, edozein modutan ere, "basa", "arta", "asta" soilak erabiltzen ez ditugun moduan ezin izango genuke, inolaz ere, "diska" hitz soila erabili.

Laburbilduz, DISKO erabili behar dugula eta ez "diska" okerreko aldakia.

Es cierto que en la última década se han alterado radicalmente los medios para consumir música. Sin embargo, hay un error lingüístico que reaparece una y otra vez con cada nuevo trabajo musical publicado: el uso del incorrecto "diska" sustituyendo al adecuado "disko".

Pero ¿de dónde surge esta equivocación?

En euskera, las palabras de dos sílabas acabadas en "-o", al entrar en composición con otro término, han solido transformar su final "-o" en "-a". Por ejemplo, decimos basO 'bosque' pero tenemos BasAuri, basAbide, basAjaun...; artO 'maíz' pero artAburu, artAlore... astO 'burro' pero astAkilo, astAkume, etc.

Por semejanza, se generaron a partir de "disko" palabras como "diskAetxe", "diskAdenda"... (tampoco éstas se dan actualmente por buenas) y algunos hablantes creyeron ver en su origen la palabra "diska" (y no "disko"). Pero, en cualquier caso, al igual que no podemos utilizar por separado "basa", "arta", "asta"... tampoco podríamos usar "diska" como sustantivo. Sí, por el contrario, la palabra "disko".

En resumen: que debemos utilizar siempre la palabra "disko" y jamás su variante errónea "diska".

MEZU HAU PDF-AN IZATEKO SAKATU HEMEN:

euskaraz:

https://dl.dropboxusercontent.com/u/55632495/UDALA%20EUSKARA/EUSKARASTELEHEN/2013%2005%2006_DISKO%20vs%20DISKA_eusk.pdf

euskaraz eta gaztelaniaz:

https://dl.dropboxusercontent.com/u/55632495/UDALA%20EUSKARA/EUSKARASTELEHEN/2013%2005%2006_DISKO%20vs%20DISKA_bietan.pdf

Berbalagunen tailerra San Bartolomeko txokoan

leioanbaietz — Mon, 06 May 2013 06:57:50 +0000

Madalenak deitu izan diegu beti, baina moderno bilakatzen goazen neurrian, badakizue!

Pasteltxo gozo hauek egiten ikasteko asmoa badaukazue eta guraso eta seme-alabak elkarrekin euskaraz gozatzeko gogoa, ez dudarik egin, etorri tailer honetara!

Datorren ostegunean, maiatzak 9, 18:00etan, San Bartolomeko txokoan dugu hitzordua . Etortzeko asmorik baduzue jarri antolatzaileekin harremanetan: leioa_berba@aek.org

Herria Martxan! Martxa Herrian! ENTSAIO OROKORRA

tximintx — Sat, 04 May 2013 15:02:22 +0000

Jean Hiriart-Urruti idazlearen sortetxea

euskargazki — Fri, 03 May 2013 10:53:26 +0000

Jean Hiriart-Urruti (Hazparne, 1859/01/30-Baiona, 1915/11/04), Hazparneko Joanesederraenea izeneko etxe honetan munduratu zen.

“Manex” aitzindaria dugu euskal kazetaritzan. Lapurdin bertan erlijio-ikasketak egin zituen, 1881ean apaiztu zen eta hainbat urtez hizkuntza klasiko zein modernoak irakatsi zituen Larresoroko seminarioan. 1907an Baionako katedraleko kalonje Gratien Adema “Zaldubi” hil zenean, hazpandarrak hartu zuen bere lekua.

Hiriart-Urruti XIX. mendearen amaierako eta XX.aren hasierako euskal kazetaria dugu, garai hartan erlijioaren eta gizarte tradizionalaren gertatutako aldaketez jardun zuena, baita haserre biziz jardun ere (gorri eta xurien arteko gatazkak puri-purian zeuden eta elizarentzat garai latza izan zen, estatuak eskumenak eta indarra kentzen jarraitu baitzuen. Hazpandarraren izena Eskualduna astekariarekin (8.000 harpidedun zituen 1908an eta, nagusiki, laborarien artean zabaltzen zen) dago lotuta ezinbestean: argitalpenaren zuzendari izateaz gain, artikulu nagusiak eta hainbat testu idatzi zituen hogeita bost urtez. Bizimodu tradizionalaren ohiko elementuen (erlijioa, familia-eredu klasikoa, euskara, etab.) defendatzaile sutsua izan zen, baina bere burua ez zuen abertzaletzat. Are gehiago, Frantzia aldarrikatu zuen bere aberri gisa eta sasoiko frantziar armadaren jardunaren eta politika inperialisten alde egin zuen.

Hiriart-Urrutik ez zuen libururik idatzi, baina XX. mendean zehar zenbait bildumatan bildu ziren bere kazeta-lan eta bestelako testuak: Lafittek Zer eta zer (1944), Mintzaira, aurpegia, gizon! (1971) eta Zezenak errepublikan (1972) bildumak prestatu zituen. 1995ean Iñaki Caminok Gontzetarik jalgiaraziak antologia berria prestatu zuen Klasikoak bildumarako, eta 2004an kaleratu zuen Xabier Altzibarrek orain arteko bilduma mardulena: Ni kazeta-egilea naiz. Artikulu, berri, istorio. Euskarazko kazetaritzaren oinarriak ezarri zituen Hiriart-Urrutik bere lanetan. Kanpoko ereduez gain (Venillot, Saint-Beuve, La Bruyère, Bossuet, etab.), euskal prosalari zaharrak (Axular, Oihenart) eta garaikideak (Elizanburu, Duvoisin, Ithurri) ere ezagutzen zituen, eta horiengandik edanda lortu zuen bere idazkera landua. Estiloari dagokionez, zehaztasuna, dotorezia eta indarra (haserre-kutsukoa sarritan) aipa daitezke. Ondoko hamarkadetako kazeta-egile eta prosalarien aitzindari izan zen.

Sortetxea Hazparneko Hazketa auzoan dago. Herritik abiatuta D21 errepidea hartuko dugu Beskoitzerantz, Hazketara. Lehen errotondatik aurrera segituko dugu eta ezkerretara segituan aurkituko dugu bide bazterrean gelditzeko sargune bat. Hor autoa utzi eta oinez aldapa gora egin behar da langa pasatuta. Muinoan ageriko zaigu Joanesederraenea. Errazagoa da kokapen zehatza mapan ikustea.

Mila esker Aziti Bihia euskal filologo gazteen ekarte jaioberriari, bidaide bikainak izan baitira!
Sarrera honetan Eneko Zuloagak idatzi du testua.

Gehiago jakiteko:

12" Yaki Straight #1 Glueless Lace Front Wigs Indian Human Hair

marlll — Fri, 03 May 2013 07:57:55 +0000

http://www.gluelesslacewig.co.uk/

1. we cannot ship via a traceable method to any post office boxes. Delivery time cannot be guaranteed nor can the package be tracked. We encourage all deliveries be made to a physical address so packages can be tracked.glueless lace wigs

2. For the cardholder's protection, the company reserves the right to send orders to the billing address if a differing shipping address cannot be verified.lace wigs uk

3. We are not responsible for any duties, taxes, or additional charges that may be charged by Customs for any International deliveries. But we will declare the wig as synthetic wig and worth less than $30 to help avoid the duties.

lace front wigs uk

Berbalagun agenda. MAIATZA

tximintx — Tue, 30 Apr 2013 21:09:27 +0000

ILARGIA...

zbarri — Tue, 30 Apr 2013 18:45:12 +0000

Ikusgarria da, zelan irtetzen den ILARGIA ikustea.

20 urte bete ditugu

hordagoabant — Mon, 29 Apr 2013 20:46:24 +0000

2013an 20. Aste Nagusia egingo dugu. Urtebetetze hau, 10 urte betetzen dituen Berriarekin batera ospatu nahi izan dugu Kafe Antzokian, apirilaren 27.
Egun ona pasa genuen. Hona hemen zenbait adibide. Klikatu eta ikusi argazkiak.

TRENA ANTZEZLANA

zbarri — Mon, 29 Apr 2013 17:42:37 +0000

PASA DEN OSTEGUNEAN, HH-KO 3, 4 ETA 5 URTEKO UMEAK, “CAMPOS ELISEOS” ANTZERKIRA JOAN GINEN, “TRENA” ANTZEZLANA IKUSTERA.

OSKARREK 5 URTE BETE ZUEN ETA AITA, AMA ETA AITITEREN OPARIA TRENA IZAN ZEN.

PRIMERAN PASA GENUEN!

EBALUAZIO DIAGNOSTIKOA

orobiogoitia — Mon, 29 Apr 2013 13:25:22 +0000

Pasadan astean, ostegunean eta ostiralean, 2.mailako ikasleak ebaluazio diagnostikoa eduki zuten. Kanpoko irakasleak etorri ziren, dena azaltzera eta dena kontrolatzera. Hainbat arloko azterketak egin zituzten. Azterketen emaitzak urte bat geroago emango dituzte. Emaitzak institutura eta ikasleen etxeetara helduko dira.

PEPE VIYUELA DURANGON

orobiogoitia — Mon, 29 Apr 2013 13:21:00 +0000

Pepe Viyuela, AíDAko dendaria, aktoreak ikuskizun bat edukiko du Durangon.Maiatzaren 11n San Agustin kultur-gunean egongo da. “Encerrona” deitzen da ikuskizuna, egunekotasunaren eta pailazoaren preskpektibaren hausnarketa da.

ATHLETIC-BARCELONA

orobiogoitia — Mon, 29 Apr 2013 13:10:25 +0000

Larunbat arratsaldean, San Mames futbol zelaian Athleticek Bartzelonaren aurka jokatu zuen eta 2-2 egin zuten. Lehenengo Athletic aurretik jarri zen 1-0 eta bigarren zatian, Messi zelaira sartu eta 1-2 galtzen joan zen baina azkeneko minutuan Ander Herrerak 2-2koa ipini zuen markagailuan eta horrela bukatu zen partidua.

PELOTAKO BINAKAKO FINALA PABLITO BARIK

orobiogoitia — Mon, 29 Apr 2013 13:06:55 +0000

Atzo pelota binakako finala jokatu zen Bilboko frontoian, Berasaluze/Albisu-Mtz de Irujo/Zabaleta. Finala hasita zegoenean, Pablitok akiles tendoia apurtu zuen eta bere ordez Xala jarri zuten. Baina berak lehenago beste partidu bat jokatu zuenez eta kantsatuta zegoenez, partidua, Irujok eta Zabaletak irabazi zuten.

KRISTINA MARDARAS BERTSOLARIA

orobiogoitia — Mon, 29 Apr 2013 12:57:17 +0000

Duela 30 urte San Markoko jaietan lehenengoz bertsotan egin zuela-eta, omenaldia egin diote. Plazan bertsotan ibili zen lehen emakumea bertsozale ona da, bertsolaritzaz orduak berbetan egoteko modukoa. Lehen aldiz bertsotan Oromiñon egin zuen, bere auzoan.