Berbalagun 2011-2012 aurkezpen datak

Berbalagun 2011-2012

Kaixo Berbalagunok,

Beste urte batez badator Uribe Kostako Berbalagun egitasmoa gure eskualdea euskaraz janzteko irrikan! Prest???

Martxa hartzeko, hurrengoak dira herri bakoitzean egingo diren aurkezpenen datak:

- GORLIZ: urriak 10, astelehena, 19:00etan Teresiano eraikuntzan
- PLENTZIA: urriak 11, asteartea, 19:00etan Goñi porcelain
- SOPELA: urriak 13, osteguna, 19:00etan Kurtzio Kultur Extern
- URDULIZ: urriak 14, osteguna, 19:00etan Kultur Etxean
- BERANGO: urriak 18, asteartea, 18:30etan Berangoeta Kultur Etxean
- BARRIKA: urriak 21, ostirala, 20:00etan Ander Deuna aretoan
- LEMOIZ: urriak 19, asteazkena, 19:00etan, liburutegian (Armintza)

Animatu, parte hartu, zabaldu, gozatu... EUSKARAZ BIZI!!!

Egun ederra eman genuen joan den larunbatean Elizondon. Topaguneak (Euskara Elkarteen Federazioa) antolatutako Mintza Eguna, urteroko zita garrantzisuenetarikoa bilakatu baita eta bertan Euskal Herriko txoko askotariko Berbalagunekin ospatu, dantzatu eta mingaina astintzeko aukera ederra izan genuen.

Baztango hiriburura iritsi bezain pronto hamaiketako goxoa eskaini ziguten eta ondoren herria ezagutzeko aukera izan genuen antolatutako bisita gidatuan, Elizondoko sei gune esanguratsuetan geldiune eginez:

1-Frontoiak eta merkatuko plaza: XX. mende hasieran herriko frontoiak eta baita merkatuko plaza ere, baztandar guzion elkar puntuak ziren, Elizondoko sarreran jarri ziren. Lehenagotik, bai merkatua eta bai pilotalekua, herri erdialdean ziren. Frontoiekin batera hemen errebote plaza dago, Laxoan jokatzeko lekua.

2-Herriko plaza eta Baztango Udaletxea: Baztango batzar orokorrak, baztandar guiak parte hartzen zutelarik, Elbete eta Elizondo artean zegoen zubi batean egiten zen. Gaur egun ezagutzen dugun Udaletxea XVII.mendean eraiki zen. Bere ondoan pilota-lekua eta eliz zaharra zeuden.

3-Arizkunenea eta Baztango jauregiak: Jaime Urrutia kalean, lehen Karrika Nagusia zena, ikus dezakegu Baztango XVII. eta XVIII. mendeko jauregi eredu aunitz. Famatuena Arizkunenea da, gaur egun Baztango Kultur Etxea dena. Jauregi hauek Nafarroak izan zuen bultzada ekonomiko eta socialaren oroitzapenak dira.

4-Arkupeak: XX. mendearen hasieran hemen zegoen Baztango merkatua. Baztango herri guzietatik etortzen ziren nekazariak eta abeltzainak bere produktuak saltzera. Gehienak oinez etortzen ziren herri ezberdinetatik, eta meza entzun ondoren arkupeetan jartzen esertzen ziren salmenta egiteko.

5-Txokoto auzoa eta Baztango Etnografía museoa: Txokoto auzoa Elizondoko nekazarien auzoa zen orain dela gutti arte. Ikus dezakegu bertze etxe mota bat, handia baina baita funtzionalak ere, beren ikuiluarekin, bizilekuarekin eta sabaiarekin edo biltegiarekin.

6-Baztan Ikastola: Gaur egungo kale nagusi ondoan dago Baztango lehendabiziko ikastola. Aurten bere 40 urteurrena izan da.

Herri bazkarian ia 300 lagunek hartu genuen parte giro ederrean eta ondoren dantza eta abestien txanda iritsi zen.
Konturako orduko autobusa genuen zain etxera itzultzeko eta balantze oso ona zen: eguraldia lagun, mingainak dantzan eta lagun berriak. Ezin genuen gehiago eskatu. (Begiratu argazki galeria)

Astelehenean berriro egunerokotasunari ekin behar izan genion etxera bueltatu eta gero konpromezua berriztuz: mintza eguna egunero ospatzea geure herrietan, alaitasunez, normaltasunez. Euskara nagusitu dadin txoko guztietan. Horretan gaude.

Bertso saio Sopelan Martxoaren 10an

Irlanda euskaraz ezagutzeko aukera AEK-kokide eta Berbalagunentzat

------------------------------------------------------ Irlandanet elkartearekin AEK-k duen akordioaren barruan mintzapraktika egitasmoetan parte hartzen duten lagun guztiek, eta AEK-ko ikasle zein irakasleek %10eko deskontua izango dute antolatutako bidaietan.
Prezioa deskonturik gabe 395 euro ingurukoa da (gidaeuskalduna+furgoneta+aterpeak)
Datak:
Uztailaren 5etik 12ra
Abuztuaren 2tik 9ra
Irailaren 6tik 13ra
* Talde txikiak direnez izena eman nahi baduzu ahalik eta arinen egitea komeni da.

Aizu Berbalagun!

Aste honean, ostiralean Azaroak 19aan, Sopelan Aitxu Euskara Elkarteak antolatuta, kantaldi herrikoia izango da Sopelako Laiak Tabernan arratsaldeko 18:30etatik aurrera.

Anje Duhalde etorriko zaigu eta berarekin batera hamaika abesti kantatzeko aukera izango dugu. Liburukantak banatuko dituzte gainera, beraz aukera ederra elkartu eta ondo pasatzeko.

Ondoren, herri afaria izango da Urko Polikiroldegian eta Berbalagunoi Pantxo eta Peioren "Euskaldunek munduan" abestia egokitu zaigu. Ostiraleko afarirako txartelak Laiak tabernan salgai dituzuela gogoratu.

Ondo izan eta euskaraz bizi!

"

Euskaldunek munduan ez dugu parerik
hortakotz ez ginuke guk behar nausirik!
Elgarretara beraz zazpiak bildurik!
ez dugu onetsiko Herrian Kaskoinik!
Zeruan gora dago Euskaldun izarra,
gazte bahintz bezala xuti hor zaharra,
Kopeta apaltzea da gure makurra
Oi! nausi izaitea zer gauza ederra!.
Euskaldunak ez ahantz beti han dagola,
Jaungoikoak emana Gernikan arbola.
Euskaldun egon bedi euskaldun odola
kaskoinak Kaskoinian sekulan daudela.
Oihu hau aditzean xuti gaiten denak!
eta egin ditzagun ahal ditugunak.
Hauxe dauku galdetzen gure Jainko Jaunak
euskaldun egon gaiten beti euskaldunak!