Blogari.net planeta

Getxon toponimia-ibilbideak egingo dituzte berriro. Eskertzekoa da. Toponimia oso inportantea da. Egunero erabiltzen dugu, automatikoki, bere atzean dagoena jakin gabe, baina eguneroko  kontua da.

Nominalismoak esaten zuen: “Izena duena da”. Ez dakit noraino helduko da esaldi horren errealitatea, baina izenak garrantzitsuak direla argi dago. Ibaiondo esaten dugunean, ibai ondoko lekuari buruz hitz egiten dugu, orain ibaia ikusezina izan arren. Bolue haranak bere iraganeko errotak, aleak, nekazariak eta ekonomia azaltzen dizkigu. Portu Zaharrak une batean hor portu bat zegoela adierazten digu, eta ez bakarrik turistaz edo tabernaz betetako leku bat.

Urrunago joan gaitezke, Errioxako toponimo batzuek euskaldunen presentzia begi bistan uzten digute. Lekuen izenek informazio asko ematen digute. Baita akulturazioari buruz ere. Toponimo batzuk euskaraz daude, beste batzuk, ordea, gazteleraz (Las Arenas, besteak beste), batzuetan zeltarren hizkuntzan edo Erromako latinaz agertzen zaizkigu. Azken finean, toponimoek gure historia eta gure izana objektiboki azaltzen dute, baloraziorik gabe eta sentimendurik gabe.

Zoritxarrez toponimia galtzen da, bere ordez beste izenak jartzen dira, beti bezala, bizirik dago eta. Oraingo arazoa, abiadura izan daiteke, ez ordea aldaketa bera. Hiri-prozesuak natura eta toponimia desegiten dute. Gordetzen diren izenak, monumentu bezalakoak dira. Amezti kalea adibidez, Algortako toponimo zaharra omen zen. Horrek gogorazten digu toponimo bat zegoela, orain, aitzitik, toponimoa ez da, kale-izena baizik.

Horregatik noizbehinka toponimiari buruz pentsatzea ondo dago-. Pentsatzea besterik ez dut esaten, ikerketak ikerlarientzat da eta. Gure inguruko kontzientzia hartzea beti da garrantzitsua, azalean izan arren.

Bizarra Lepoan eta Getxoko Udalak aukera ona ematen digute getxoztarrei gutaz gehiago jakiteko. Gainera, antolakuntza, antza, ezin hobea da: ibilbidez banatuta bere iraupenaz eta guzti, bakoitzak bere gustukoenak aukera ditzan.

Behin batean hitz egingo dugu Bizarra Lepoan, Egizu eta beste askok egiten duten lanari buruz. Oso garrantzitsua baita aspektu askotan, ez bakarrik euskara dagokionez. Bitartean hemen dago toponimia ibilbideetako esteka. Animatu eta aukeratu zure gustukoena(k), gure herriari buruz eta zuri buruz gehiago jakingo duzu eta.

Informazio gehiago: http://www.box.net/shared/p4rqu247s7

Otsailaren 24an eskari honi eman genion sarrera erregistroan:

Bermeoko Udalean hainbat aldi baterako kontratu sinatzen dira, programa jakin bati lotuta edo zerbitzuaren eskaeraren arabera direla esanda. Alabaina, kasu gehienetan kontratu horiek urtetan kateatuta sinatzen dira, udal zerbitzuen eskaintzarako oinarrizkoak baitira eta eurek gabe udal zentro batzuek ezin izango lukete aurrera egin.

 

Berregituraketa, Lanpostuen Deskribapena eta Katalogaziorako Batzordean LAB sindikatuak behin eta berriro eskatu zuen lanpostu horiek erregularizatzea lanpostuen zerrendan sartuz eta zegokien mugagabetasuna emanez, behar bezala hornitu arte.

 

Horren harira, gure inguruko udal batzuetan, langileek eta sindikatuek antzeko egoerak salatu dituzte lan-ikuskaritzan edo epaitegietan eta instituzio horiek arrazoia eman diete, kontratu horien bidez legeari  iruzurra egiten zaielako. Baina, epaibidea luzea eta astuna izanik, langile eta udalaren arteko harremanak okertuz gain dirutza alperrik galtzen da.

 

Horiek horrela, LAB sindikatuak eskatzen du aipatutakoa gerta ez dadin, era naturalean elkarrizketa eta parte-hartzearen bidez irtenbidea ematea egoera horretan dauden kontratu guztiei, hau da, egoera horretan dauden lanpostuak erregularizatzea, lanpostuen zerrendan sartzea eta dagokien mugagabetasuna ematea, behar bezala hornitu arte.

 

 

 

 

 

 

Bermeon, 2010eko otsailaren 24an

Honen asmoa xumea da: txangoen aurretik lehenago eta zabalago ematea informazioa, eta haien ondoren ere mendian biltzen garenok txoko bat izatea haiei buruzkoak elkar banatzeko edo iradokizunak egiteko.

Gurasook gurasoentzako sortutako ekimen txiki honek baliagarria zaigun edo ahaztutako blogen zerrendara igarotzen den, denborak esango du.

Horrek ez gaitu soberan kezkatzen, aurrerantzean ere mendiak, bailarak, errekak eta kobazuloak izango baitira gure benetako topalekua.

Laster arte eta ondo bizi, merezi duzu eta.