blogari.net bloga

Fantasiak, hitz goxoak eta sentimenduak

Wikiak eta elkarlanerako tresnak ikastaroa
Izen eman >>

Hasiera data: 2008/10/07
Amaiera data: 2008/10/09
Ordutegia: 09.30etatik 13.30etara
Iraupena: 12 ordu
Enpresa: Elurnet Informatika Zerbitzuak
Antolatzailea: Miramon Enpresa Digitala

Deskripzioa:

Wiki bat (hawaiiar hizkuntzako wiki wiki, «azkar») hainbat erabiltzaileek editatu ahal duten elkarlanerako web tokia da. Honek wiki-a taldean eginiko idazkeretarako tresna interesgarria bihurtzen du.

Dokumentuan deszentralizatutako pertsona talde batek parte hartu ahal du, dokumentu honetako bertsio guztiak gordetzen dira, horrenbestez, informazioaren gestiorako, egutegi, dokumentu, bilera, akta eta abarrerako tresna egokia gertatzen da.

Enpresa, elkarte ala talde batean modu parte hartzaile, deszentralizatuan ala taldean eginiko gestioa garrantzitsua da. Horretarako tresna mota honen ezarpen ala erabilerarekin lotutako ezagutzarekin kontatzea beharrezkoa da, gestio berritzaile eta egoki bat burutu nahi badugu.

Wiki-ak hartzen ari diren garrantziaren adierazlea enpresetan wiki-ak ezartzeko ematen ari diren laguntzetan aurkitzen dugu, esaterako 'Hobeki digitala' programaren barnean Spri-k eskaintzen duen diru-laguntza.

Nori zuzendua:
Enpresa, elkarte ala pertsona multzo oro zein dokumentazioa ala bere gestio propioa modu parte hartzaile, berritzaile eta banatzailean gestionatzeko interesatuta baitago.

Helburu orokorrak:
Wiki-ak eta Talde-lanerako tresnak zer diren jakitea eta hauek gure inguruneari dagokionez egokitzen eta erabiltzen ikastea.

Helburu operatiboak:
- Wiki-ak eta gainerako talde-lanerako tresnak zer diren ikastea
- Tresna hauek sortzen duten kultura parte hartzailea ezagutzea.
- Hauen erabilera tekniko eta operatibo batzuk ezagutzea.
- Tresna hauek bakoitzaren ingurunean dituzten balizko erabilerak adibideen bidez ezagutzera ematea.
- Erabili ahal diren tresnak eta aplikazioak ezagutzea.

Metodologia:
Erabiliko den metodologiari dagokionez teoria praktikarekin aldizkatzen da.
1. Modulu bakoitzaren hasieran jorratuko diren gaien laburpena egingo da.
2. Jorratu beharreko gaiei buruzko azalpena emango da.
3. Beharrezkoa denean dagokion praktika burutuko da.
4. Amaitzeko eztabaida eta zalantzen ebazpena.

Tokia: Miramoneko Teknologiko Elkartegia. Mikeletegi pasealekua 56 1. 20009 Donostia

Egitaraua:

1.MODULUA
· Wiki-ak eta talde-lanerako tresnak
· Zer dira wiki-ak?
· Zer dira talde-lanerako tresnak?
· Tresna hauek eratzen dituen talde-lanaren ingurunea
· Ezarpena
· Arazoak
· Aukerak
· Nola burutu

2.MODULUA
· Wiki-ekin lanean
· Edizioaren prozesua
· Gestioa
· Mantentzea
· Arazoak

3.MODULUA
· Talde-lanerako tresnekin lanean
· Edizioaren prozesua
· Gestioa
· Mantentzea
· Arazoak

IKASTAROA: INFORMAZIOA, EDUKIAK SINDIKATZEARI ESKER, PARTE HATUZ KUDEATZEA (EUSKARAZ) IZEN EMAN >>

• Hasiera data: 2008/09/30
• Amaiera data: 2008/10/02
• Ordutegia: 15.00etatik 19.00etara
• Iraupena: 12 ordu
• Enpresa: Elurnet Informatika Zerbitzuak S.L.
• Antolatzailea: Miramon Enpresa Digitala

Deskribapena: Edukiak sindikatzearen erabilera blogen gorakada gertatu arte hedatu ez bada ere, gaur egun eremu horretatik irten da eta ia edozein lekutan sindikatzeko aukera aurki dezakegu. Horri esker informazio-iturri askotan eman dezakegu izena eta informazioa etengabe jaso dezakegu. Gero eta garrantzi handiagoa du informazioa era egokian kudeatzeak. Tresna horien bitartez, gure sektoreko albisteak ezagut ditzakegu, gure enpresari edo gure sozietateari edo taldeari buruz zer esaten den jakin dezakegu, alertak jaso ditzakegu, etab. Informazioa jasotzeko aukeraz gain, informazioa trukatzeko modua ere eskaintzen du (taldeen artean, modu publikoan edo pribatuan), parte-hartze deszentralizatu baten bidezko hartu-emanean. Gure edukiak geure ingurunetik kanpo hedatzeko aukera eskaintzen digute. Formatu estandarrari esker, gure edukiak milaka lekutara heda ditzakegu, oso ahalegin txikiarekin. Gaur egungo Interneten parte hartzen duten enpresa, sozietate eta taldeek entzun egin behar dute eta tresna berritzaileez hornitu behar dira, informazioa modu eraginkorragoan kudeatzeko. Nori zuzendua: Komunikazio-ardurak dituzten informazio-kudeatzaileei, programa-garatzaileei, marketin-arduradunei eta, orokorrean, Internet begien aurrean duen enpresa, sozietate edo talde orori. Helburu orokorrak: Tresna asko dira sindikatzeko aukera eskaintzen digutenak; horregatik, helburua da informazio-iturri horiek guztiak jasotzea, aukeratzea, era egokian definitzea, iragaztea, kudeatzea eta erabiltzen ikastea.

Helburu operatiboak: - Edukiak sindikatzea zer den ikastea. - Edukiak sindikatzeko aukera eskaintzen duten zerbitzuak ezagutzea. - Feed-ak (edo kanalak) irakurtzeko tresna kontrolatzea. - Zerbitzu horien guztien informazioa kudeatzen, iragazten eta sailkatzen ikastea, Yahoo pipes bezalako erremintekin. - Edukiak sindikatzeak barne-komunikaziorako eskain ditzakeen aukerak ezagutzea. - Edukiak sindikatzeak izan ditzakeen erabilera zehatzak ezagutzea eta zein esparrutan baliagarri izan daitezkeen jakitea.

Tokia: Miramoneko Teknologiko Elkartegia. Mikeletegi pasealekua 56 1. 20009 Donostia

Egitaraua:
1. MODULUA · Zer da edukiak sindikatzea? · Sindikatzeak eskaintzen dituen aukerak. · Feed mota ezberdinak eta nola erabiltzen diren. · Feed formatu eta mota ezberdinak. · Informazioaren kudeaketa egokia egiteko hainbat erabilera. · Hainbat bilatzaileren bidezko alertak. · Talde-lanerako hainbat tresnaren integrazioa.
 2. MODULUA · Informazioaren kudeaketa egokia egiteko hainbat erabilera (jarraipena). · Gure informazioa hainbat lekutan nola erakutsi. · Buletin elektronikoak sortzea. · Atari tematikoak sortzea. · Informazioa erakunde barnean trukatzea. · Hainbat informazio-iturri iragaztea, nahasketa eta berrerabilpena, Yahoo pipes erabilita.
3. MODULUA · Informazioaren kudeaketa egokia egiteko hainbat erabilera (jarraipena). · Hainbat informazio-iturri iragaztea, nahasketa eta berrerabilpena, Yahoo pipes erabilita (jarraipena). · RSSren eta hainbat formaturen arteko bihurketa. · Podcast eta Vidcast. · Inportazioa eta esportazioa OPML formatua erabiliz. · Edukiak sindikatzearen etorkizuna. Bestea:

Metodologia: Erabiliko den metodologian, teoria eta praktika tartekatu egingo dira.
1. Modulu bakoitzaren hasieran, jorratu beharreko gaien laburpena egingo da.
2. Jorratu beharreko gaiaren azalpena egingo da.
3. Behar den unean, dagokion praktika egingo da.
4. Amaitzeko, debatea eta zalantzak argitzea. Ikastaroa euskaraz izango da.

Aupa lagunak,
Aldaketa guztiak egin ostean blogari martxan da zerbitzari berrian. Hemendik aurrera arazorik ez izatea espero dugu edozer gauza ikusten duzuela esan. Orain zuen txanda da, denak blogetara!

Gaur gaueko 23tatik aurrera mantenu lanak egingo ditugu Blogari.net-en, zerbitzari berrira migrazioa dela eta. Barkatu eragozpenak, lanak eta gero gauzak hobeto joango direlakoan...

Aurten ere UEUk eskaintza zabal bat prestatu du. Horien artean informatikaren inguruko ikastaroak ere aurkitzeko izango dituzue baina menu osoa hau da.

Wikiak eta elkarlanerako tresnak

Wiki bat (hawaiieratik wiki wiki, "azkar-azkar") web gune mota bat da non erabiltzaileek orrialdeak sortu, editatu, ezabatu eta eraldatzen dituzten. Wikiak idazkera elkarreragilea bultzatzeko modu egokienak dira.

Dokumentuetan pertsona talde deszentralizatu batek parte har dezake eta dokumentuen bertsio guztiak gordetzen direnez, informazio-kudeaketa egiteko tresna egokia izan daiteke, kudeaketa, egutegiak, dokumentuak, bilerak, aktak etab. sortzeko.

Enpresa, elkarte edo taldeetan kudeaketa parte-hartzaileagoa, deszentralizatua edota taldekakoa egitea garrantzitsua da. Horregatik beharrezkoa da wikiak ezagutzea, kudeaketa era berri eta egokiago bat egin nahi badugu. (informazio gehiago)

OpenStreetMap: mapa libreen sorkuntza erabiltzaileon eskura

Teknologiak eta merkatuak bultzatuta, informazio geografikoaren eremua izugarrizko indarra hartzen ari da azkenaldian. Autoetako gidariei laguntzeko tresnak, mendiko ibilbideak gidatzekoak, geografikoki kokatutako zerbitzuak, logistika industrialeko aplikazioak edo tokian tokiko publizitatea dira jadanik martxan dauden edo denbora gutxian ikusiko ditugun aplikazio batzuk.
Baina informazio geografikoan parte hartzen duten elementuetatik datuak (mapak, kaletegiak, zerbitzuen kokapenak, orografia eta abar) izango dira hurrengo urteotako giltzarria. Izan ere, teknologia eta aplikazioak nahikoa garaturik daude, eta datuak dira normalean arreta gutxien jasotzen dutenak.
Ikastaro honetan datu geografikoen sorkuntza erabiltzaileen esku jarri nahi da, OpenStreetMap proiektuaz baliatuz eta aldi berean aberastuz. OpenStreetMap-en helburua, erabiltzaile arrunten laguntzaz Wikipediaren estilora munduko maparik onena lortzea da. (informazio gehiago)

Blogari erorita egon da denbora askoan zehar datu basean eta disko gogorrarekin izandako arazo baten ondorioz. Erabiltzaile guztiei barkamenak eskatzea besterik ezin dugu egin.

Hiru egunetik behin langile bat hiltzen da; euskara ikasten errealitate gordinarekin.

Beraien artean komunikatzeko eta beste edonork parte hartzeko sortua. Animo ekipo!

Blogari.net-en informazio asko mikroformateatuta dago. Mikroformatuak XHTML(HTML) etiketak baliatuz, informazioari esanahia gehitzen dioten formatuak dira. Beste era batean esanda:

Pertsonentzako irakurgarriak diren informazioak, makinentzako ere irakurgarriak izatea da helburua.

Honek bizitza berria ematen dion informazioari eta gauza gehiago egin daiteke honekin. Benetan zein potentzial duen ikusi nahi baduzu erabili Mozilla Firefox nabigatzailearen Operator tresna barra.

Kontaktuak (hCard)

Kontaktuak kodetzeko hCard mikroformatua erabili daiteke editore aurreratuaren bidez. Honen bidez pertsona edo erakunde ezberdinen informazioa kodetu daiteke kontaktu txartel bat sortuz.

Honetaz gain blogari.net barnean definituriko profila ere hCard baten bidez kodetuta dago. Honela, gure blogera sartzen den jendea guk definitutako datuak ezagutu eta gure kontaktu txartelaren bidez ezagutzeko aukera izango du.

Ekitaldiak (hCalendar)

Ekitaldiak kodetzeko hCalendar mikroformatua erabili daiteke editore aurreratuaren bidez. Honen bidez ekitaldi edo gertarakari ezberdinak kodetu daitezke.

Erlazioak (XFN)

Esteka atalean egiten diren loturak gure bloga eta beste orrialde horren arteko erlazioa zehazteko erabiltzen da XFN mikroformatua. Lehenetsi moduan contact harremana definitzen bada ere beste erlazio mota batzuk definitu daitezke aipatutako orriarekin dugun harremana kontutan hartuz. Honek lotzen gaituzten eta lotzen ditugun web gune/blogen arteko erlazio sarea eraikitzeko balio digu.

Socialgraph bezalako APIek eta XFNgraph bezalako aplikazioek gure erlazio sare hori bistaratzen laguntzen digute.

Berrikuntza berriak egiten ari gara blogari.net-en hauek amaitzen eta probatzen goazen bezala hemen aipatzen joango gara.  Gaur bi berrikuntza:

Laguntza wikia

Orain arte laguntza atalean sortutako laguntza testuak wiki batean antolatu dira era egokiagoan kudeatzeko. Wiki honen bidez zuei ere laguntza atala egin eta hobetzeko ahalmena eman nahi dizuegu, blogari gehien ezagutzen dutenak erabiltzen dutenak direla filosofia jarraiki.

Zeuden testuak eramateaz gain, laguntza testu berriak ere gehitu ditugu.

Profila eta kontaktu formularioa

Erabiltzaileekin komunikazioan jartzeko kontaktu formularioa erabilgarri jarri eta SPAMaren aurkako neurriak jarri zaizkio. Erabiltzaileei beraien profila eta deskribapena erakusteko aukera ematen diren funtzionalitateak aktibatu egin da. Era berean, funtzionalitate hau kudeaketa gunetik jarri eta kentzeko aukera izango duzue orain.

Profilari mikroformatuak (hCard) ere gehitu zaizkio. Informazio horrekin gauza gehiago egin eta semantikoki hobeto egituratua egon dadin.

Horretaz gain, erabiltzaile bakoitzak Avatar bat izateko aukera du orain. Hau da, bere erabiltzailea definitzeko irudi bat aukeratzeko aukera izango du.

Galdakaon 1937ko Gerra Zibilean gertatutakoak gogoratzeko bloga.

1. Euskaltube.com gunera joan eta bertan eskaintzen den bideoa txertatzeko kodea kopiatu
2. Blogariko kudeaketa gunetik "Kodea/Web2.0" botoia sakatu editorean.
3. Bertan, euskaltube botoia  sakatu eta kopiatu berri duzun kodea itsatsi.

Hainbat aldaketa egiten gabiltza blogarin, beraz zenbait gauza aldatuak eta berriak ikusteko aukera izango duzue. Orain arte editore aurreratuan lanean egon gara, euskaltube-ko bideoak txertatu eta bilduko etiketak mezuan integratzeko aukera ematen du orain. Ekitaldi eta kontaktuen mikroformatuak sortzeko botoiak ere hobetu ditugu. Laster gauza gehiago, bitartean gauza arraroak ikusten badituzue, lanean gabiltzala jakin ezazue.

Elurnet eta UEUk elkarlanean aurten Internet eta teknologia berrien inguruko euskarazko ikastaroak prestatu dituzte. Gai berriak eta interesgarriak eta egitura berritzaileago, trinkoago batean.
2008ko Apirilaren 16a - 2008ko Apirilaren 17a
Sindikazioa aspalditik erabilgarri bazegoen ere ez da blogen eztanda iritsi arte hedatu. Orain esparru hori erabat gainditu du eta interneteko leku gehienetan aurkitzen dugu sindikatzeko aukera. Honek informazio iturri ezberdin ugarietara harpidetzeko aukera ematen digu beti ere informatuak egon gaitezen.

Gero eta garrantzitsuagoa da informazioaren kudeaketa egokia egitea. Gure esparruko berriak ezagutu, gure enpresa, talde, elkarteari buruz esaten dena ezagutu, alertak jaso etab. egin daiteke tresna hauen bidez. Informazioa jasotzeaz gain besteekin (talde publiko zein pribatuekin) informazio hau trukatzeko aukera handiak ematen ditu. Informazioa era parte hartzaile batean elkartrukatzeko aukera emanez.

Gure edukiak gure esparrutik kanpo ere zabaltzeko aukera ematen dute jarioek. Hauen formatu estandarrari esker edukia mila lekuetan jartzeko aukera ematen dute esfortzu minimo bat eginez. Enpresa, elkarte edo taldeek gaur egungo interneten entzun eta sindikazioan oinarritutako informazio kudeaketa berritzaile bat egiteko beharra dute.
[informazio gehiago] [izen eman]

2008ko Maiatzaren 16a
Tim Berness Lee-k proposatu zuen WEB SEMANTIKOaren ideia gauzatzeko aukera oraindik urrun ikusten denean, Interneti balio semantiko gehiago ematen dioten zenbait teknologia sortzen hasi dira. Teknologia horiek gure informazioa baliagarriagoa eta aberatsagoa egiten dute. Horien artean Mikroformatuak, RDFa, GRDDL aurkitzen ditugu. Ikastaro honetan batez ere mikroformatuetan sakonduko da, nahiz eta aipatutako beste horiek ere jorratuko diren.

Mikroformatuak gaur egungo Interneten erabiltzen diren estandarrak erabiliz bertan dagoen informazioari zentzu semantiko bat emateko jaio dira. Mikroformatuetan oinarrizko proposamenak pertsonak jartzen ditu makinen aurretik. Sortzen den informazioa irakurtzeko gaitasuna izango dute pertsonek baina baita makinek ere. XHTMLk XMLn egindako formatu konkretu bat izanik informazioa gordetzeko aukera ematen baitu.
[informazio gehiago] [izen eman]

Blogari askok esan dute jada Egunkaria libre bere itxieraren 5. urteurrenean

Nork ez ditu izakitxo urdinak ezagutzen?. Nork ez du izan potxokiren bat etxean?.