blogari.net bloga

Firefox nabigatzailea software librea den eta euskaraz dugun nabigatzaile ona dugu. Orain arte gure software libre euskaldunarekiko konpromisoaren barnean Firefox gomendatzen genuen baina orain Xuxen zuzentzaile ortografikoa honekin integratzen delarik gomendioa Bikoitza da. Hemendik aurrera blogari.net-en idazten dituzuen testuen ortografia aztertzeko aukera izango duzue denbora errealean. Hemen firefox eta xuxen instalatzeko aurrera eraman dituzuen pausoak jarraitu eta lortuko duzue (arazorik izanez gero mezu honen erantzunetan utzi eta denon artean konpontzen saiatuko gara). Lortzen baduzue ere jakin nahi dugu ea zenbatek lortzen dugun Firefox + Xuxen instalatzen.

Jarraibideak
1. Firefox euskaraz jaitsi eta instalatu
2. Jaitsi Firefoxentzako zuzentzailearen xpi paketea (sustatutik hartua)
    Hau instalatzeko jarraitu hau:

• Deskargatutako fitxategia zabaldu (Fitxategia -> Ireki Fitxategia... edo helbide-barran fitxategirako bidea zehaztu)
• Software instalazioko leihoan "Orain instalatu" botoia sakatu eta akatsik ezean hedapena ezarrita daukagu.
• Firefox Berrabiarazi botoian klik egin aldaketek eragina izan dezaten.
• Ortografia egiaztatzea gaitu: Editatu -> Hobespenak menuko Aurreratua fitxan, Nabigatzen atalean "Idatzi ahal ortografia egiaztatu" aukeratu.
• Egin proba edozein testu-kutxatan eta gozatu !!

Arazoak topatzen badituzu edozein testu kutxan egin klik eskuineko botoiaz eta laster-menuko Hizkuntzak atalean Euskara hautatuta dagoela egiaztatu. (librezaleko zerrendatik hartutako argibideak)

Hemen duzue adibide bat blogari.net-en bertan.