berbategie blog

Joan dan hilean ekitaldi bi euki dabez Arratiako Konpainiakoek eta euren historian lehenengo biderrez joan dira Bizkaitik kanpora.

ZARAUTZ 2007/9/29
Zarautzen izan zan lehenengo ekitaldia, Txiki eta Otaegiri egindako omenaldian. Ahaztuak Elkarteak antolaturiko ekintzen barruan izan zan. Bertan Txikik, Frankok fusilatu aurretik,idatzi zuen azken eskutitzean idatzita itxi olerkiagaz egindako kantua abestu eben. Badakizue ze bertso diren: "...mañana cuando yo muera /no me vengáis a buscar,/ no estaré bajo tierra,/ soy viento de libertad". Hunkigarria izan zan interpretazinoa danontzako. Baina batez be Txikiren amaren begiak hainbat urte pasatu eta gero ere barriro bustitzen ikustea itzela izan zan. Halanda be hantxe agertu zan taldeko Beñat musikari gaztea muxu batzuen bidez guztion elkartasun zintzoena amari agertuz. Albora begiratu eta nire alboko bi andereño durangarrak ere begiak gorrituta eukezan. Egia esan, guztiok gengozan negarrari eusten.




GASTEIZ 2007/10/ Hizkuntz Normalkuntza teknikarien Biltzarra zala eta, bertan joteko gonbitea jaso genduan. Autobustxoa hartu eta joan giñan eguerdiko 12etan. 4 kanta jo ebezan Europa Jauregiko areto nagusian 300 bat lagunen aurrean. Txalo zaparrada handia lortu eben saritzat. Benetan, profesionalak zirela esan leikian.

GORBEIALDE IRRATIA 2007/10/17 Bertan izan ziren AK-37 taldeko lau kide, Unai esatariak egindako itaunei erantzuten. Zelango erreztasuna eta lasaitasuna hainbeste aparaturen aurrean! C:\Documents and Settings\abc\Escritorio\Gorbeialde irratian X.JPG

Argazki honetakoak dira benetako AK 37koak, Arratia Konpainiakoak esan gura dot. 1937 urtean ateratako argazkia da. Igorreko Beheko Plazan aterata dago. Gudariak gerrarako prest ageri dira ikurrina danen erdian dagoela.

GORBEIEKO BELEA



GORBEIERA




Aitor

Gizon bat medikuarengana joan zan eta esan eutson:

-Mediku jauna arazo bat daukat. Nire uzkerrek ez daukie usainik.

-Hori ezin lei, ezin leiteke. Ia, bota eizu bat oraintxe bertan!

-Ppppppppprrrrrrrraaa!

-Joe hori larria da gero! Ebakuntza behar dozu

-Eperdian?

-Ez gizon surrean!

Izei Gomez

Badinotso Jaimitok aitari:

Aita aita, barri on bat eta beste txar bat deukot!

Zein da ona Jaimito?

Danak gainditu dodazala!

Eta txarra?

Guzurra dala!

 Kepa Roman eta Alain Vazquez

Saharako desertuan mutiko batek lanpara bat topetan dau. Garbitzen hasten da eta barrutik jeinu batek urtetan dau:

- Hiru desio emongo deutsudaz- esaten deutso.

- Ba, lehenengoa zuria izatea. Bigarrena indartsua izatea eta hirugarrena ur asko eukitea.

Orduan jeinuak mutikoa hartu eta komun bihurtu eban.

 Garaiz Merino

ANDREAK AGINTAN DAUEN ETXEA,

AHUNTZEK JATEN DAUEN BEREZIE,



TA ABADEAK AGINTAN DAUEN HERRIE,

DANA DA URRIE


Aitor

Bilboko mapamundian, oker ikaragarri baten erruz, hiriaren izena ez zan agertzen.

Hankasartzea konpontzeko asmoz imprimategira eroan eben barriro arazoa konpontzeko, eta gaur egungo Biboko mapamundian hiriaren izena holan dator: GUGENJEIN BILBAO

Mateo Pagazaurtundua

AUPA LAGUN!

Beitizu! Labur azalduta, "Geure Berbategie" proiektua 1999 urtean jaio zan ARRATIA Institutuan, galtzeko arriskuan egozan berbak batu eta promozionetako helburuakaz. 2007an gagoz eta bizirik dirau. Orain zabaltzen dogun blog honen parte-hartzaile izan zeintekez zu zeu be, gune irekia dalako.

Goazen ba danon artean gure euskerea aurrera ateratzen!

Angel Larrea Beobide

Aurrera begitu behar dala-ta, teknologia barriak be ipini behar doguz geure alde. Hemen daukagu euskeraz berbaz olgetako espazio barri bat. Berton ipini ahal izango doguz gure barriak, pasadizoak, argazkiak, estekak  e.a.

Geure Berbategie proiektu zabalaren atal barria dozu esku artekoa. Eta euskarazko lehen idazleak esan eban legez: "Debile principium melior fortuna sequatur". Geure berbetean, "Beuko hasikeratxu txangil honek ibilbiderik onena!"

Juantxu Rekalde