Lea Artibaiko Berbalagunak

Artxiboak: Uztaila 2006

2006-07-24

19:18:46, Atalak: berbalea, Berbalea: Lea Artibaiko Berbalagun egitasmoa martxan dago

Lea Artibaiko Berbalagun egitasmoa martxan dago

Dagoeneko martxan da Berbalagun egitasmoa Lea Artibai eskualdean. Momentuz lehendabiziko pausoak ematen ari gara soilik, baina gutxi-gutxika gero eta jende gehiago hurbiltzen ari da. Euskaldun berri eta zaharren arteko harremanak sortzea eta sendotzea, kultura eta ohiturak elkar trukatzea eta euskaraz hitz egitea dira gure helburuak. Hizkuntzaren eraikina egiteko pertsona bakoitzak bere harria jarri beharra dauka. Zurea ipintzeko prest bazaude, hemen daukazu zure lekua. Apuntatu zaitez! Informazio gehiago eskuratzeko, joan Ondarroako edo Lekeitioko AEK-ko euskaltegietara edota Ondarroa, Lekeitio, Markina-Xemein, Berriatua eta Etxebarriako udaletxetara. Lekeition, 2006ko ekainaren 5a

Zabaldu•

Bildu•

Twitter• Permalink-a • Erantzun

2006-07-20

13:11:35, Atalak: berbalea, Wolof ikastaroa hastera doa

Wolof ikastaroa hastera doa

Uztailaren 22an, zapatua, Wolof ikastaroa hasiko da Ondarroako AEK Euskaltegian. Berbalagun egitasmoaren helburuen artean kultur trukaketa eta elkar ezagutzea daudenez, Berbakide batzuek ikastaro hau antolatzea pentsatu zuten. Wolof Senegaleko hizkuntzetariko bat da, biztanle gehienek erabiltzen dutena, nahiz eta ez izan Senegaleko hizkuntza bakarra. (Senegaleko hizkuntza ofiziala frantsesa da, baina wolof, serer eta fulani dialektoak ia herrialde osoan ulertzen dira).

Beraz, wolof ikasi eta euskara irakatsi nahi baduzu, badakizu nora jo. Esperientzia polita izan daiteke ezta? Izena emateko, Ondarroako AEK Woloftegian!!!

kartela

Zabaldu•

Bildu•

Twitter• Permalink-a • Erantzun

13:01:50, Atalak: berbalea, Burrundada: Lekeitioko Perkusio egunean izan ginen

Burrundada: Perkusio egunean izan ginen

Ekainaren 24an Lekeitioko Perkusio Egunean izan ginen (Gazte Bulegoak antolatuta), Ondarroako Berbalagunen taldearekin. Egun aparta izan zen oraingoan ere, yembeak, edozein tamainako danborrak, txalaparta, dantza... Goizean taldeak Lekeition zehar ibili ziren eta gu Markinako senegaldarren talde batekin batu ginen.

Bazkal orduan Hotel Beitian egon ginen eta han aukera izan genuen euskaraz hitz egiteko eta jende berria ezagutzeko.

Arratsaldean, danborra jotzeari ekin genion berriz ere. Giroa nahiko berotuta zegoen eta batek baino gehiago dantzan hasi zen. Nahiz eta eguraldia kaskartu eta euri zaparrada hasi, nori inporta? Kultur etxeko baxuetan sartu eta jo ta jo, dantza ta dantza, eskuak eta oinak apurtu arte.

Lekeitiora helduta