Bazterrak Nahasten

Apurka-apurka esan beharrean, lasterka-lasterka esatea egokiagoa da kasu honetan. Lasterka-lasterka, Korrika 15, bere helmuga izango den Iruñera  gerturatzen doa eta Iruñea, lasterka-lasterka, Korrikari harrera beroa egiteko prestaketetan badil. Iruñeako Udalak jarritako trabak gainditu eta Nafarroako hiriburuan ere euskararen aldeko lasterketaren festa izango da. Nola utzi Iruñea ibilbidetik kanpo? Nola ahaztu gure sustraietaz? Bertan ere euskara ozen entzun dadin Iruñea euskaldunez beteko dugu.
Oztopo Guztien Gainetik, KORRIKA!!!

http://www.korrika.org

Durango, 1937 Martxoaren 31.
Italiako "Aviazione Legionaria"ko hegazkinek Durangoko zerua zeharkatzen dute. Zeruan bonbak erortzen ikusten dira. Hau izango da, Europan, zibilen kontra antolatutako eta sistematikoki gauzatutako lehen aire-erasoa.
Eguneko balantzea: - 370 hildako
                             - Zauritu mordo bat
                             - Durango suntsiturik



Bihar Martxoaren 31, bihar faxistek Durango bonbardatu zutela 70 urte beteko dira.
Egun beltz hau gogora ekartzeko zenbait ekitaldi eta ikuskizun antolatu dira Durangon azken egunetan. Horien tartean "Durango, Martxoaren 31n isildutako bonbardaketa" dokumentalaren emanaldia. Gaur eta bihar bertara gerturatzen bazarete, gertakari honen inguruko zenbait ekitaldi topatuko dituzue.
Hemen egitaraua: http://www.durango-udala.net/portal/RecursosWeb/IMAGENES/1/Diptiko_osoa2.jpg