Azken Portua

ametsen errepublika

2008-05-14

20:53:47, Atalak: azkenportu

BILERA MAIATZAREN 24RA ATZERATU DA!!

Iepala!

Ez dakit gure jakerra zer dabilen... web orri berria erosteko dirua eman eta auskalo zertan gastatu duen... kontua da azkenportu.net kontua blokeatu digutela, ordainketarekin arazoak egon direlako. Orduan hemen doa bandoa:

LARUNBATEAN (MAIATZAK 24) BILERA ISABELEN 10:30ETAN!

Gai zerrenda: festetako marroiak errepasatu + beste hainbat kontu (edariak, kamisetak, kontzertuak...)

Nahi eta ahal duena azaldu! Zabaldu mezua!

Gogoratu maiatzaren 19tik 22ra, Vladimir + Komisiyuak antolatuta, literatur astea ospatuko dela, eta hitzaldiak egongo direla kristau biltokian. Gozatu!

Zabaldu•

Bildu•

Twitter• Permalink-a • 2 erantzun

2008-05-05

14:53:20, Atalak: azkenportu

azkenportu.net

Skasti-ren kontzertua... jajaja! ezetz, izango da nahiko denbora Skasti-ren kontzertuak aipatzeko.

Webgune berria sortu dut: azkenportu.net

Bertan betiko blogaz gain, argazki galeria, auzoaren mapa, bideoak etab jarri ditut edo jartzen ari naiz. Argazkien atalean adibidez, edonork igo ditzake argazki berriak. Nik jarri ditudanak blog-etik hartutakoak dira. Beraz ea denon artean osatzen dugun.

Berrikuntza gehiago ere izango dira, baina onena bertara sartzea izango duzue:

azkenportu.net

mnx

Zabaldu•

Bildu•

Twitter• Permalink-a • Erantzun

2008-04-23

14:18:44, Atalak: Azken Portu

Larunbat honetan, komisioaren bilera

Aupa gaztiak!

Maiatza ere gainean dugunez, eta ohartzerako abuztua iritsiko zaigunez, festetako hainbat konturi buruz hitz egiten hasteko eta zenbait ardura banatzeko, larunbat honetan, 10:30ean, komisioaren bilera deitzea erabaki da.
10:30ean, Isabel tabernan.

Bezperan, beraz, ez egin parranda handirik,
zuei esatea alferrik baldin bada ere…

;-)

Ondo segi!

Zabaldu•

Bildu•

Twitter• Permalink-a • 10 erantzun

2008-03-13

16:24:29, Atalak: Kultura

Skasti taldearen kontzertua izango da larunbatean Gaztetxean, Betagarrirekin batera!

Skasti eta Betagarri taldeen kontzertua izango da larunbat honetan Putzuzulo Gaztetxean.
Komisioko kanteranoetako zenbait oholtza gainean ikusteko aukera izango dugu, beraz...

Honakoa da Skastiren fotologean azken egunotan irakur daitekeena:

"Ustet ordua badala... notizi ikararriya emateko...
Martxoaren 15ian, BETAGARRIk Zarauzko Gaztetxian jokou! ta beayekin batea SKASTIk!
Beraz, bakizue... plan guztiyak kanzelau... eo atzeatu... ze larunbat ortakua ezta normala izango!!! Ska musikakin sekulako gaua pasa nai dun eonzeñ inbitauda dao, ill ontako 15-ian, Gaztetxea!
Taldiak, erabakiyak artu ta berrize bidiai ekiteko biarrezkua in du, ta prest dao, dakan onena bere erriyan emateko, BETAGARRI bezelako talde baten presentziyak emangoyon aparteko motibaziyuakin. Egiyaa da, kontzertua, geldialdi luze bat ta geo suertatu dala baño... ezto aitzakikan; egurra egurra ta egurra!".

www.fotolog.com/skasti

Zabaldu•

Bildu•

Twitter• Permalink-a • Erantzun

2008-03-06

15:44:40, Atalak: Begiradak

Hainbat ekimen antolatu dituzte Martxoaren 8aren harira

Ostiraleko Sorgin Gaua, larunbateko aldarrikapen ekitaldiak eta larunbat gaueko Txakolina Kulerotan ekitaldia izango dira, besteak beste, hitzaldi eta solasaldiekin batera.

Honakoa da, zehazki, Sorginak eta Bilgune Feministaren artean Zarautzen antolatu dute egitaraua:

—MARTXOAK 7, OSTIRALA, BIHAR:
· 22:30ean, Sorgin Gaua, Gaztetxean.

—MARTXOAK 8, LARUNBATA, ETZI:
· 11:30ean, Bizikleta Martxa, udaletxe aurretik.
· 12:30ean, manifa, udaletxe aurretik.
· 14:00etan, bazkaria. Izena emateko lekuak: Arrano eta Eguzki tabernak.
· 22:30ean, Gaztetxean: Txakolina Kulerotan:
bertsoak, sedukzioa, antzerkia, dj-ak, ikus-entzunezkoak, eta hainbat sorpresa.

—MARTXOAK 14, OSTIRALA:
· 20:00etan, Euskadi Kutxaren aretoan, eztabaida: prekarietatea.
· Ondoren, afaria.

–MARTXOAK 16, IGANDEA:
· 18:30ean, Gaztetxean, zinema: ''4 meses, 3 semanas, 2 dias''.
Gazteleraz emango da filma.
· Ondoren, solasaldia, abortoaz.

Animatu,
eta muxu moreak guztiontzat!

Zabaldu•

Bildu•

Twitter• Permalink-a • 2 erantzun

:: Hurrengo orrialdea >>

Kudeaketa

Azken Portua

Ameslarien azken portua gara. Kolore guztiek oraindik ere lekua duten herria. Amets egitea ahantzi ez dutenen auzoa. Etorkinena, nekazariena, langileena, gazteena. Hiri turistikoaren beste aurpegia, trenbidearen beste aldea. Eta bihotzean ditugun ametsak idazteko sortu gara. Koloretako taupaden leihoa da hau. Zabalik dago Amelie guztientzat.