Euskaraz surfeatzen

  Darío de Regoyos Ribadesella, Asturias, 1857-Bartzelona, 1913

Bainua Errenterian 1899 Hasierako aroan Darío de Regoyosen lana nahikoa iluna zen, espresionista, geroago, berriz, apurka-apurka bere paleta argitzen hasi eta ideologia inpresionista eta puntillista loturiko teknika eta edukietara moldatzen hasi zen. “Bainua Errenterian” Pintoreak eszena soila erabili zuen, egunerokoa eta atsegina, pintzelkada nimiño eta trinkoaren bidez eszena horretako giroa adierazteko; azken batean, giroa bera da koadroko protagonista. Irudiak Errenteria ingurua agertzen du; leku horri bertakoek “Presa” deitzen zioten eta sarritan joaten ziren bertara igerian egitera. Nabarmena da giroaren deskripziorako erabilitako argi eta itzalen joko bahetua, pintzelkada arin eta askeen bidez indartua. Eszena atsegina eta bukolikoa da, hurbilekoa eta naturala.