agonirena

Mezua: BPM prozesuak, automatizazioa

2008-02-27

12:54:42, Atalak: teknologia

BPM prozesuak, automatizazioa

BPM sistemak aurkezteko, Zamudion Bizkaia Enpresa Digitalak antolatutako jardunaldi batean izan nintzen atzo. Gauza berri handirik ez nuen entzun.

Adecom enpresako kide batek (Luis Ybarra), BPM bat zer den eta zein ezaugarri izan behar dituen azaldu zuen. Universidad de Navarra-ren TEMIS portala aipatu zuen. Temis delako honetan sartu (Publicaciones->Artículos), eta nahiko irakurgai interesgarriak topatu ditut bertan.
Confianz enpresako zuzendariak, BPM soluzio bat ezartzen ari direla aipatu zuen, eta ezarpen honen nondik norakoak azaldu ziten labur-labur.
AuraPortal enpresak, izen bereko softwarea aurkeztu zuen azkenik. Bi bezeroentzat eginiko aplikazioak azaldu zituen: Istobal enpresa eta Algemesí herriko udaletxea. Gauza asko erakusten saiatu zen hizlaria. Microsoften hainbat produktu baliatzen dituenaren susmoa hartu nion nik. Itxura grafiko aldetik ez zitzaidan oso erakargarria egin. Prozesuak grafikatzeko, BPMN notazioa erabiltzen zutela esan zuen eta MS Visio abian jarri zuen.

Laburbilduz: nahiko jardunaldi astuna. Hoberena, ESI erakundean Software librea eta BPMS-en inguruan ikerketak egin dituen mutil gazte bat ezagutu nuela eta bere laguntza lortu ahal izango dudanaren itxaropena gure enpresan abian dugun BPM proiektuan.

Zabaldu•

Bildu•

Twitter• Permalink-a • Erantzun 1

Erantzunak:

Bidaltzailea: Igor [Bisitaria]

Bueno, ni ere ESIn ibili nintzen BPM-en munduan sartuta pixkat. BPM munduan software librea egon badago, prozesuen diseinurako ondo dago Intalio tresna (www.intalio.com), Eclipse SOA Tools Platform-en (http://www.eclipse.org/stp/) barne sartu dute ere bai. Bestalde JBoss jBPM ere ikusi dezakezu: http://www.jboss.com/products/jbpm. Momentu hontan ESIn badago jendea holako gauzetan lagun zaitzaketena ta esperientzia daukana holako tresnetan. Nahi baduzu kontaktuak pasako dizkizut.