hasteko esan behar da euskalgintzaren lorpena dela jaurlaritxak egin duena egitea (gaizki bada ere). ekimen horiei dagokienez, atalez atal aztertu behar direla uste dut:

uste dut LanHitz programa mesederako izan daitekeela eta baita enpresari eta sindikatuen aldekotasuna bilatzeko ahalegina. honetan gabiltzanok beti bota dugu faltan enpresarien bultzada. orain, benetan ari dira?

udaletan merkataritza planak abian jartzeko urratsari dagokionez, ez zait gaizki iruditzen, printzipioz, ez baitut daturik. hala ere, dakigunagatik, hiriburuetan hastekoak dira zerbaitean. hala bada, bazen garaia!

baina aurreko bi horiek, ordea, ez dute erakusten euskalgintzarekiko inolako harreman asmorik, lankidetzarako gogorik. beraz, betikoa!ez dira gai lankidetzan aritzeko. eta horren froga
ziurtagiri bat sortzeko asmoa. zertara dator hori? nazkante hutsak dira, horrek min egingo duela uste dut, eta ez Kontseiluari, euskarari berari baizik.
Bai Euskarari Ziurtagiriaren lana bikaina izan da orain arte. badu nahikoa esperientzia, ez ordea baliabide nahikorik. eta eskaini ordez, beste bat sortu dute!

ELEBIDEri buruz, uste dut Paul Bilbaok oso ondo erantzun diela. osakidetza adibide...

HPSk abian jarri dituen bi proiektuen inguruko iritzian ez naiz luzatuko, argi utzi bainuen "Berria"n idatzitako artikuluan ("Ez zuen zertan inorentzat berri txarra izan") Gainera, ez dut uste jokaera honen balorazioetan luzatzea merezi duen. Ez doa urrutira.

Interesgarriagoa litzateke zer nolako jokabidea litzatekeen oraingoan egokiena. Eta hau erabakitzeko, nire ustez, galdera bati eman beharko genioke erantzuna: Zer da lortu nahi dena... eta ahal dena? Hortzak erakutsi? "Ni zu baino gehiago naiz" adierazi? Lotsagarri utzi? (...)
Ala konfiantza (berr)eskuratu? Akordioa eta elkarlanerako bidea urratu? Hautsitako harremanei berrekin?(...)

Hilabete honetan ekimen asko etorri dira Kontseiluaren eskutik (euskaldunberriei omenaldia, hizkuntza ereduak, etorkinak...) Oso interesgarriak. Ez dakit aldez aurretik programatuta egon diren, ala gaztelaniaz esaten den "huida hacia adelante" bezalako zerbait den. Nahiago nuke lehenengoa izatea.

Edonola ere, nola edo hala, elkarlana eskuratu behar delakoan nago, eta, horren barruan, zehaztu zer den bakoitzaren egitekoa, noraino hel daitekeen eta zertan lagun diezaiokeen elkarri.

Topaguneak eta HPSk MIntzalaguna egitasmoaren inguruko akordio batera heldu dira. Nire iritzi apalean, oso berri ona da, pozgarria eta eredugarria aurrerantza egiteko orduan. Topagunea eta HPSren artean lortutako ezin ote da lortu beste esparru batzuetan?