Altzako euskalgintzak eskultura eskainiko die euskara ikasteko saiakera eta esfortzua egin duten ehunka altzatarrei.

Euskara ikasteko saiakera eta ahalegina egin dutenak milaka dira Euskal Herrian, baita atzerrian ere, eta ez da lan makala izan horiek guztiek egindakoa. Asko gelditu ziren "ni naiz, hi haiz..." ospetsuan, eskolak gehiago ez zielako eskaintzen. Beste hainbatek, ordea, euskaltegira jo, gaitasun nahikoa lortu eta euskaraz bizitzeko hautua egin dute. Altzan ere, horrela aritu diren ehunka lagun dago eta guztiek merezi dute gure aitortza eta zorionik beroena.