Urola Bailarako hainbat herrriren eredua jarraituz, Azkoitiari ere iritsi zaio Bai Euskarari Ziurtagiria aurkezteko garaia. Azpeitia, Zestoa eta Zarautzen dagoeneko zabalduta dago Bai Euskarari Ziurtagiria eta oraingoan Azkoitiari egokitu zaio txanda. Uztailean Azkoitiko Udalak eta Kontseiluak lankidetza hitzarmena sinatu zuten eta ordutik hona, hainbat ekimen abiatu dute herriko Udalak eta euskalgintzak. “Prozesu hau gidatzen ari den Azkoitiko Euskara Batzordearen lana azpimarratu nahi dut. Zinez, lan bikaina egiten ari zarete”, azpimarratu du Xabier Mendigurenek, Kontseiluko idazkari nagusiak.