27zapata

SKT SEKUENTZIA musika taldearekin orain lau edo bost urte hasi ginen. Aurten 5 lagun izatetik 3 lagun izatera pasa gara eta hortxe gabiltza proba mordoxka bat egiten eta kantu berriak marrazten. Ez dugu datarik emango oraindik baina asmoa diskoa osatzea da eta zenbait kontzertu ematea.
Bitartean eta SKT SEKUENTZIAren bigarren sekuentzia gauzatu artean, orain urtebete inguru kalean jo genuen kontzertuaren irudi batzuk igo ditugu youtubera (hurrengoan euskaltubera igoko dugula hitz emanez).
On egin!

Ikusteko klikatu HEMEN!!!

Ikus eta gozatu Putzuzulo TVk urteurrenari buruz prestatutako bideoa. Eta zabaldu eta zatozte hiru aste hauek elkarrekin ospatzera.

Orain ez dira hostoak lehen bezala erortzen

udazkenean

Lehen edertasunez beteriko espektakulua zen

musika freskoa euriarena.

Etengabea eta tristea bihurtu da orain tarteka.

Hotz naiz,

bustita nago bizitzaz.

Eta ez dago honetatik libratuko nauen

forro polarrik.

urriaren, urren hilaren, 27a delako gaur.


Egun ona izan dezazuela!

Atzo afaladu nuen aspaldiko lagunekin eta mintzatu ginen gutaz eta mintzatu ginen batez ere Euskal Herriak bizi zuen egoera negargarriaz, ze gaur Independentzia eguna da. Egun seinalatua omen da urriaren 25 hau, besteak beste kontsulta gaur bertan zelako egitekoa eta besteak beste (eta hau inork ez zekien zehazten) urriaren 25ean galdu zituelako Nafarroak foruak, edo gure probintziyak estatutuak edo auskalo zer auskalo noiz. Ezin erabaki ezer, ezin manifestatu, noiznahi eta nonahi atxilotuak, torturatuak, atentatu zenbait boom, ideia politikoengatik jazarriak eta ezker abertzalea kartarik gabe eskuan, eta segi eta benga eta argirik ez inondik.

Diren eta ez diren gizabidegabekeriak gertatzen ari diren honetan kaleak mutu eta gu bezala afaritan idi buztana ardo goxotan mahai gainean. Eta guk ere negoziatzeko ezer gutxi: euskaraz bizitzeko hautua egin beste biderik ez balego bezala.

Bitartean, preso dauden lagunez ere egin genuen hitz. Bisitan joatean zein indartsu eta irribartsu agertzen diren beti, eta adorez eskutitzetan. Eta ez dela posible genion, ez dela posible beti hain adoretsu egotea etengabeko umiliazio eta zigorrekin. Eta urteak badoaz aurrera eta bi, hiru, lau, bost eta sei eta zazpi urte daramatzate jada gure lagunek preso eta gu idibuztana ardo goxotan eta bertsotan kantuan eta haiek auskalo noiz arte preso urrun, gugandik urrun.

Beste 30-40 urtez iraun liteke horrela, baina bukatu beharra dago honekin. Falta direnen ausentzia denborak higatu baino lehen.

Hegazkin baten kea
bezala da gure bizitza
lainoak baino ez garenok
zein dugu helmuga non sorrera

Gaur azken kontzertua dute ematekoa lagunmin ditudan lagunek Iraetan. Aste honetan jakin dut albistearen berri. Eta bertara joaterik izango ez badut ere ez nuen aipamenik egin gabe geratu nahi, sona handia izateko pretentsiorik gabe musika ederra eta goxoa egin dutelako. Lan bakarra argitaratu dute: Pitzaduretan barrena. Baina lan handia egin dute eta hori hor geratuko da betirako. Eta hemen, gure cd eta bihotzetan.
Mila esker!
 
Eta otoi, Julen eta Hodei, beste modu batera bada ere sindromeari eusteko asmoa agertu duzuenez, animorik beroenak zuei!!
Arren, ez geratu euren webgunea bisitatu gabe eta euren kantuak entzun gabe. Talde handi bat isilduko da gaur Euskal Herrian. Ez bedi luzerako izan.

Ikaragarria da 27ari gorazarre egiten dioten lekuak aurkitzea. Batzuk 27 izatea erabaki dugulako puska baterako bizitzaren zentzu guztietan. Horregatik eman nahi dut G&A blogean aurkitutakoaren berri hemen, harrotasunez.

Dabilen harria naiz. Edo itsasoa bezala beti bera eta beti berria den sua. Ni irekita dagoen aterki multikolorea naiz, ni Zarauzko Urteta zabortegiko kaio arratoi hegalaria naiz, ni ipuin bilduma bat naiz poltsikorako egindako liburu horietako batean jasoa...

Ni ez naiz poeta ilun hark zioen bezalakoa: ni ez naiz erreka zikinen iturri garbiak aurkitu nahi dituen poeta tristea, ni ez naiz neguko eguzkitan hotzez hiltzen dagoen gizon bakartia. Ez eta hostorik gabe gelditzen ari den ardaska lehorra ere.

Hori bai...

JARRAIPENA ENTZUTEKO EGIN KLIK HEMEN
ETA
SAKATU ARRAIOENEA081022(EGOAZ) ARTXIBOA

27zapataren aitortza zintzoa entzungo duzue "nor naiz ni" galdera erantzun nahian, Lizarriturri DJ Doktorearen musikekin girotua. Zenbait rap ahalegin ere egin genituen, gehienak ustelak atera ziren baina ezin probatu gabe geratu... hurrengoan gehiago eta hobeto!

Izenburu horrekin Luistxo Fernandezek hainbat hitzaldi eman ondoren, bertan esandakoekin artikulu bat jarri du bere blogean. Uste dut euskaraz interneten ari garen guztiok irakurri beharreko artikulua dela. Nik hemen berak egindako laburpen eskematikoa baino ez dizuet jarri, artikulua osorik irakurtzeko gonbidapena egitearekin batera.

• ez dezagun sinetsi trena garaiz hartu dugula.

• euskaldunen sareko trafiko eta ohiturak ezagutu ditzagun, eta webgune eleanitzen kasuan, trafiko horren neurketa zehatza eta presentziaren plangintza orekatua egin dezagun. Ez dezagun diglosiaren zulo beltza elkikatu.

• Sareko zerbitzuetan, bide guztiekin saia gaitezen: aurki ditzagun gure txokoak Google ekosisteman, eta aldi berean eraiki ditzagun alternatiba propioak, guztiz euskaldunak.

• Ez hedabideak gorrotatu. Bilakatu hedabide. Informatu, eztabaidatu, bloga sortu, matraka eman.

• Ez Kultura sailburuagatik kexatu. Bihur zaitez zu zure kulturaren jaun eta jabe.

• Sortu kultura. Kopiatu, egokitu eta birsortu irudimenarekin. Punk izpiritu apurtzaileenarekin.

• Kultura librea sor dezagun. Izpiritu entziklopedikoarekin.

Gorazarrerik beroena Xabi Estrubelli euskararentzat birjina zen eremu bat konkistatzen lehena izan delako: aurrez argitaratu gabeko euskarazko poesia liburu bat zintzilikatu du interneten.
Liburua jaitsi nahi duenak egin beza KLIK HEMEN!
Poemei buruzko aipamenak eta hausnarketak gerora.

Zure zurrungak

                   eraman nahi nituzke kantura.

Eta izan litezkeen sinfoniarik ederrenak

                   osatu

nire ahots eta txistuz.

 

Zure aieneak

                   nahi nituzke konposatu

                   Ludwig Vanek entzuteko moduan.

Eta zure ezpainek, bustirik

                   pa ematean

                   ateratzen duten nota hori

                   deszifratu nahiko nukeen

                   orri zuri honetan.

Poema musikatua baita hau

                   arkatzak papera laztandu,

                                      zirriborratu

                                      edo

                                      jotzen duenean sortzen duen musika bezalakoa.

Hizkuntzak gure pentsamoldea islatzen du. Ez da kasualitatea, esaterako, darabiltzagun biraorik gehienek emakumezkoekin izatea zerikusia eta gauza positiboek gizonezkoekin lotura duten balio edo elementuak izatea. Badakigu koñazo bat zer den, eta badakigu barrabilak edukitzeak zer esan nahi duen. Are nabarmenagoa da euskararen kasua, erdararenak baitira euskaraz esanindar sutsuko esapide gehienak, bizi dugun egoeraren isla fidela ezbairik gabe.

Hitzak bortxatu dizkigute: diskoak kopiatzen ditugunoi pirata deitzen digute (lapurreta egiteko jendea hil, bortxatu eta sutzen zutenekin konparatzen gaituzte). Bazenekiten orain ez dagoela gerrarik munduan, ezta? Orain airez eta lurrez erasotzen dituzte lurrak, interbentzio militarrak egiten dituzte gerrak egin ordez.

Okerrena da ustekabean gu ere euren hiztegi terminologikoaren erabiltzaile fidel bihurtzen garela, (zakur zintzoak gu!). Beste horrenbeste gertatzen da hainbeste amorrarazten nauen makina hitzarekin. Ezin ulertu dezaket nola erabili genezakeen makina hitza norbait zerbaitetan ona dela, paregabea dela adierazteko, makina bat baino gauza tontoagorik eta aspergarriagorik ez dagonean. Eskerrak Beñat Sarasolaren hiztegi berrituan ez dagoen makina hitzaren adiera berri eta oker hori sartua!

Asteazken honetan iluntzeko 9etan zabaldu genuen kioskoa eta egunkari, txikle eta pipa artean aurkitutako perlekin osatu genuen saioa Lizarriturri DJ Doktoreak eta 27zapatak. Gustura aritu ginen zutik jarrita paretik pasatzen zirenei mota guztietako souvenirrak eskaintzen, korbata zuria jantzita.
Gusto baduzue egin klik behean eta sakatu Arraioenea081015 artxiboa. On egin!

IRRATSAIOA HEMEN!!!

Eta ogg dokumentuak windows mediaplayerren entzun nahi dituzuenok ez duzue artxibo bat jaitsi eta instalatu besterik egin behar. Jarri bilatzaileren batean "ogg windows" edo horrelakoren bat eta segituan topatuko duzue!

Realaren partidu bat bezain depresiboa

izan liteke

azukrerik gabeko poleo menta bat.

Edozein egunkariren astearteko albisteak

bezain iltzeak

izan litezke

despertadoreren do-re-mi-fa-solak

goizeko zazpietan.

Puru baten kea amorrazioz aurpegira botatzea

bezala

da kaka

larriturik egon eta egin ezina.

Horregatik ez dut gehiago puru bat errez

Errealaren partidu bat ikusiko

astearteko egunkaritik enteratuta

asteazken goizean, 7tan despertadoreak joko didala

pentsatzea

azukrerik gabeko ametsak egitea bezalakoa delako.

ko.

Arraioenea dekoraturik sensual eta erotikoenez jantzi dugu oraingoan: pololoz eta kulero txuritan, kamiseta arin bat soinean eta ilea zinta gorri batekin jasota. Eta orgasmo bihurtu nahi izan dugu asteazkenetako 9etatik 10ak bitarteko saioa.

Konprobatu eta entzun nahi duenak egin dezala

KLIK HEMEN !!!!!!!!!

eta Arraioenea081008 aukeratu.

On egin!

Arin irakurtzen den liburu atsegina da Kaio baten historia (eta hegan egiten erakutsi zion katuarena), Luis Sepúlvedarena, hau ere Haur eta Gazte Literatura sailean sailkatua arrazoi ulertezinengatik. Gizakiok eta emakiok naturari ematen diogun tratu txarraren kritika eginez, animaliak hizketan entzuten ditugu liburu honetan, itxuraz ongi itzulitako liburuan, irakurri arin egiten delako, sarritan itzulpen lan bat irakurtzen ari garela nabarmenegi geratzen baita. Irakurtzeko moduko liburua “Bizargorrik” itzulitako Sepúlvedaren liburu hau.

Ez utzi joaten

poematxu hau bukatu artean,

Nire ixter astunen pisua atsegin ez badun ere,

jan ditudan San Jakoboen grasa

sentitzen badun ere,

ez nazan aska.

Itxaron ezan apur bat

orri zuri honetan ezkutaturik dagoen

poema azaleratu artean.

Eta emaidan atseden

arnas

eta

gogo gaur bezala

bihar ere hire gainean

eseri

eta amets perfumatuak papereratzeko.

Hire lau oinak izan daitezen

nire terapi jauregien habe,

eta leihora aterata

jauregiko leihora aterata

egin dezadan oihu

arkatzez

“bai, baboa naiz!

oso baboa naiz!”

Baina babalore zoriontsua eta multikolorea

hire gainean eseri

eta hau bezalako poemak

izkiriatzen badizkinat.

DBHko lehen mailako ikasleentzako (12-13 urteko neska-mutilentzako) irakurketa liburu sorta bat erosi genuen orain gutti. Adin horretako gazteentzat egokia izango zelakoan liburu hau ere hartu genuen: Gizon izandako mutila, Patxi Zubizarretarena.


Liburua laburra da, txikia, niri gustatzen zaidan liburu mota horietakoa (poltsikoan sartzeko modukoa) eta kontatzen dena ikaragarria: bete-betean harrapatzen zaitu euskara eder eta jorian eginiko garai bateko bidelapurren kontakizun intentsoak. Ustegabeko ona izan da liburua irakurtzen hasi eta espero gabe halako altxorrarekin topatzea.
Ulertzen ez dudana da zergatik sartzen duten liburu hau Haur eta Gazte Literaturaren sailean, gainontzekoengandik ezkutatuz.
Agerian jarri nahi izan dizuet nik.

Asteazkenero bezala dekoratu berriz jantzi dugu Arraioenea, eroetxez oraingoan eta entzuleei, besoak ez mugitzeko eroei jartzen zaien alkandora horietako bat jarri diegu 10ak artean. Zuk ere probatu nahi? Ederki damutuko zara!

Entzuteko egin KLIK HEMEN!!
ARRAIOENEA081001